دھۆک، لەزگین جۆقی:

کچەک چیرۆکا خوە وپێنج کچێن ھەڤالێن خوە رەڤاندنی ب دەستین چەکدارین داعش بۆ ئەڤرۆ بەحس دکەت و دبێژیت چەکدارێن داعش ل پێش چاڤێن من برایێ من کوشتن و ژ دوور ڤە تەقە کرن دو پسمامێن من ژی کوشتن و چەکدارێن داعش دگوتنە مە دێ ھەوە بەینە سوریا وھندەک جاران گوتن دێ ھەوە بەینە مووسل ئەم تەسیلیمی موختاری گۆندەکی کرین.

مارین کچەکا دژیی ٢٨ سالیی دایە بۆ ئەڤرۆ دیارکرکو چەکدارێن داعش ئەم شەش کچ پێکڤە گرتین ل سەر جادەیی دەمێ ئەم رەڤین ژ تل عەزیر و ھندەک جاران چەکدارین داعش دگوتنە مە دێ ھەوە بەینە سوریا وھندەک جاران ژی دگوتن دێ ھەوە بەینە مووسل ئەم کرینە د رەوشەکا زۆر نەخۆش دا ھەموو تشتێن گەل مە ژ مە وەرگرتن ئەم ھایدارکرن دەرسوکا بکاربینن گۆتن ھوون بو مەنە ھەموو ریێن فلیبازیان دگەل مە دا بکاردئینان داکو خوە دەست وانڤە بەردەین نە رەڤین لێ نەشیان بۆ مە باوەریێ چێکەن ئەم ل مالا موختاری گۆندی عەشیرەتا زەنگینا ھێلاین خەلکێ وی گۆندی نەشیابون خوە قورتال بکەن ئەم ژی تەسلیمی گۆندی کرین.

 مارین دبێژت:  دەمێ چەکدارین داعش ھیرش کرینە سەر تل عەزیر ئەز و برایەکێ خوە و دو پسمامێن خوە رەڤین ل سەر جادا تل عەزیر ئەم ھاتینە گرتن ژلایێ چەکدارین داعش ڤە ل پێشچاڤێن من چەندێن گولە ل سەری برایی من دان ھەتا گیانی خوە ژ دەست دایی وژ دوورڤە تەقە ل  دو پسمامێن من ژی کرن ھەدو ژی کوشتن ئەم شەش کچ گرتین  ب ترۆمبێلان ئەم ڤەگوھاستینە گۆندەکێ دی کو خەلکێ وی گۆندی ھەموو ئێزدی بوون نەشیابوون خوە خلاس بکەن خەلکێ گۆندی ھەموو ھاتبوونە گرتن دەمێ موختار گۆندی زانی ئەم کچ ئێزدی نە ئیکسەر قەستا چەکدارین داعش کر گەل وان ئاخڤت ھەتا باوەری بو وان دروستکری و موختارێ گۆندی ئەم ژ دەستێن داعش ئیناینە دەر برینە مالا خوە ل وی دەمی تەلەفونەک بۆ چەکدارین داعش ھات ئەو چوون ئەم ھێلاین ل مالا موختاری زەنگینا عەشیرەتەکا ئیزدیانە  خەلکێ وی گۆندی ھەموو رەڤین ئەم ژی بۆ خوە رەڤین.

ناڤبری ب چاڤێن تژی روندک ڤە گۆت: چەکدارێن داعش گەلەک ب توندی دگەل مە ئاخڤتن دگوتن ھوون بو مەنە وبەنتلون بێخن و دەرسوکا بیخنە سەرێ خوە ھەتا ھەوە دبەینە مووسل یان سوریا کو پتر ژ دەە چەکدارین داعش بوون ئەم گرتین ئیک ژوانا ب زمانی ئینکلیزی دئاخڤی یی دیتر ب عەرەبی ئاخڤتن ئەم تەسلیمی گۆندی کرین بۆ ماوەیەکی ئەم ل گۆندی ماین ھەتا داعش چوون بۆ کارەکی  موختاری گۆندی و خەلکێ گۆندی ژی رەڤین وبرایەکێ من  دووڤ مە را دھات پەیوەندی برایی من ھاتبوونە کرن ئەم یی گۆندەکی داینە دەمێ چەکدارین داعش ژ گۆندی دەرکەڤتین برایی من خوە گەھاندنا گوندی ئەم گەل خوە برین وخەلکێ وی گۆندی ژی رەڤین خوە ژ دەستێن تیرورستێن داعش دا نەھێلان.

ئه‌ڤرۆ نيوز، نيوار محه‌مه‌د سه‌ليم:

رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل چه‌ند ده‌ڤه‌رێن هه‌رێما كوردستانێ باران باريه‌ و پترترين رێژه‌ ژى ل مانگێشك و بامه‌رنێ بوو.

ئه‌ڤرۆ 29\9 رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راپۆرتا خوه‌ يا رۆژانه‌ به‌لاڤكر و تێدا ئاماژه‌ ب وێ چه‌ندێ كر كو پلا گه‌رماتيا دهۆكێ بلندترين پله‌ 33 بوويه‌ و نزمه‌ترين پله‌ ژى 19 پله‌ بوويه‌.

ده‌رباره‌ى ئه‌سمانى رێژا باران بارينێ ژى دايه‌ زانين كو ل دهۆك و هه‌ولێر باران باريه‌، به‌لێ ل سلێمانيێ چو رێژه‌ نه‌هاتينه‌ تۆماركرن و ب ڤى ره‌نگێ ل خارێ ل دهۆك 2.2، زاخۆ 1.8، ئاكرێ 1، مانگێشك و بامه‌رنێ 2.8، پيرمام و هه‌ولێر ب ره‌نگێ دلۆپ دلۆپ هاتيه‌.