NO IORG
نووترين نووچه
Twitter

ل ده‌مێ چوونه‌ ژۆرڤه‌یا سه‌رۆكێ توركیا ره‌جه‌ی ته‌یب ئه‌ردوگان بۆ هۆلا كۆمبوونان ل كۆمه‌لا گشتی یا نه‌ته‌وه‌یێن ئێكگرتی،زێره‌ڤانێن هولێ رێ لێ دگرن و دبیته‌ شه‌ر دن اڤبه‌را وان دا.

گەلەک جۆرێن ماسیان ھەنە ژ وانا یێن جوان و یێن دڕندە و یێن سەیر ژی ھەنە، یا ژ ھەموویان سەیرتر ماسیا “چێل”ە یا خودانا دو شاخێن درێژ و وەکو سندۆقەکێ یە دو شاخێن درێژ ژێ دەردکەڤن. نھێنیا ناڤێ ماسیا سەیر ل دووڤ یا د سایتێ “Scief facts ” ھاتی، جوداھیا ڤێ ماسیێ یە و ھەردو شاخێن وێ یێن درێژن کو ژ ئەنیا وێ دەردکەڤن و وەکو شاخێن چێلێ یان یێن گای نە، ئەڤە وێ ژ دوژمنان دپارێزن کو گەلەک بزەحمەتن بھێنە داعویران، زێدەباری کو گوشتێ وێ یێ ژەھراوی یە و دبیتە رێگر کو دوژمنێن وێ نێزیک نەبن.
سالوخەتێن وێ یێن دی، ئەڤ ماسیە یا شەرمینە، ژ گرۆپێ وان ماسیانە یێن وەکو سندۆقان، ڤێ ماسیێ گەلەک رەنگ ھەنە وەکو کەسک و زەر و پرتەقالیێ ڤەبووی و ھندەکان ژی ھندەک پنیێن سپی یان شین ل سەر لەشێ وێ ھەنە و وەرارێ دکەت ھەتا قەبارێ وێ دگەھیتە ٤٦سم.
ئەڤ ماسیە د دەریا سۆر و رۆژھەلاتێ ئەفریقیا و ھەتا رۆژھەلاتێ ئەندونیسیا و گزیرتێن مارکیز و ھەتا باشوورێ ژاپۆنێ و ل نێزیک ئەفریقیا باشوور د ئەقیانۆسێ ئەتلەنتی دا ھاتیە دیتن، ژ ئێک متر و ھەتا ٤٥ متران د بن دەریایێ دا دژیت و دشێت ھەتا ١٠٠ متران ژی د بن ئاڤێ ڤە بژیت.

به‌رهه‌ڤكرن، به‌يار زاويته‌ى:

ب گۆره‌ى نوچه‌يه‌كێ مالپه‌رێ نوفه‌ل يێ لاتينى، سه‌رۆكێ كۆمارا توركيا ره‌جه‌ب ته‌يب ئه‌ردوكان دانپێدانێ ب وێ چه‌ندێ دكه‌ت كو ئه‌مريكا باشوورێ كوردستانێ ژ ده‌ستێن داعش ئيناده‌ر هه‌كه‌ نوكه‌ د ده‌ستێ داعش دابايه‌.

دايه‌ زانين كو ده‌ما ئه‌ردوگان ژ ئه‌مريكا ڤه‌گه‌ريايى ل گه‌ل رۆژنامه‌ڤانێن تورك به‌حس ل سه‌ره‌دانا خوه‌ كر، ب گۆره‌ى ڤى مالپه‌رى فكرت بلايا د نڤيسينا خوه‌ ل رۆژناما ميلليه‌ت يا توركى چاپا دوهى دا نڤيسيه‌ كو ئه‌ردوگان ل سه‌ر مه‌ترسيا ل سه‌ر باشوورێ كوردستانێ و كۆبانێ گۆت: “هه‌كه‌ ئه‌م بێژين كو مه‌ترسى گه‌له‌ك يا مه‌زن نه‌بوو، ئه‌ڤه‌ هندێ دگه‌هينيت كو مه‌ ئاگه‌هـ ژێ نينه‌، 140 هزار كه‌س هاتينه‌ وه‌لاتێ مه‌. ژ لايێ دى ڤه‌ 60 هزار ئێدزى هاتينه‌. ئه‌ڤه‌ د 10 هه‌تا 15 رۆژان دا قه‌وميه‌، گه‌لۆ راسته‌ توركيا ل هه‌مبه‌ر هه‌لويسته‌كێ وه‌سا ده‌ستگرێدايى ببيت؟”.

ئاماژه‌ ب وێ چه‌ندێ ژى كريه‌ كو ده‌وله‌تێن ئێكگرتيێن ئه‌مريكى ژى ب فرۆكێن خوه‌ هاته‌ ناڤ مه‌يدانێ و گۆت: “دبيت هه‌كه‌ ژ به‌ر ئه‌مريكا نه‌بايه‌، نوكه‌ باشوورێ كوردستانێ نه‌دبوو”.

مالپه‌رێ نوفه‌ل وێ چه‌ندێ ژى دده‌ته‌ زانين كو ئه‌ردوگان ب دانپێدان كرينه‌ كو كوردستانێ ل هه‌مبه‌ر داعش هاريكارى ژ توركيا خواست، به‌لێ توركيا هاريكارى نه‌كر و ب گۆره‌ى وى مالپه‌رى ئه‌ڤه‌ وێ چه‌ندێ دگه‌هينيت كو ئه‌ردوگان يێ ئاماده‌ بوو باشوورێ كوردستانێ بكه‌ڤيته‌ ده‌ست داعش.

به‌رهه‌ڤكرن: نيوار محه‌مه‌د سه‌ليم

ئه‌ڤرۆ نيوز، نيوار محه‌مه‌مد سه‌ليم:

ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو دێ بهێنڤه‌دانا جه‌ژنا قوربان بۆ په‌روه‌ردێ حه‌فت رۆژ بن و فه‌رمانگه‌هێن دى هه‌شت.

ئاخفتنكه‌رێ ب ناڤێ حوكمه‌تا هه‌رێما كوردستانێ ب مالپه‌رێ فه‌رمى يێ حوكمه‌تێ راگه‌هاند كو بهێنڤه‌دانا فه‌رمى دێ ژ 4ى ڤێ هه‌يڤێ ده‌ستپێكه‌ت كو دبيته‌ رۆژا ئێكێ يا جه‌ژنا قوربان.

دزه‌يى ئاماژه‌ ب وێ چه‌ندێ ژى كر كو ل قوتابخانان دێ ده‌وام ل 11ى هه‌يڤێ ده‌ستپێكه‌ت و ل فه‌رمانگه‌هێن حوكمه‌تێ ل 12ى هه‌يڤێ.

ئەڤرۆ، حەمۆ محەمەد:

ژێدەرەکی ژ ھێزێن پێشمەرگەی ل میحوەرێ ناوەران دیار کر کو د ماوێ چار رۆژێن بۆری دا، ھەر ژ ٢٢/٩ ھەتا ٢٦/٩ ئەو شیاینە نێزیکی ١٣٠ خێزانێن کوردێن شەبەک ل میحوەرێ ناوەران ژ تیرۆرستێن داعش رزگاربکەن و بۆ کەمپان بھێنە ڤەگوھاستن.

وی ژێدەری کو نەڤیا ناڤێ وی دیار بیت ئاشکرا کر، بەری نوکە جارەکێ تیرۆرستێن داعش ھاتبوونە گوندێ فازلیێ و دەوروبەران و چووبوون و ھەتا نوکە نەھاتبوونێ و بۆ ئەڤرۆ گۆت “ڤان رۆژان گەلەک تیرۆرستێن داعش دھێنە ناڤ گوندێن فازلیێ، خورسەبات و عەمەرقومچی و گەفان ل خەلکی دکەن و دترسینن، خەلک ژی ژ ترسا دا مالێن خوە چوول دکەن ئەم دچین وان رزگار دکەین و بۆ جھێن ئارام ڤەدگوھێزین و ب تنێ رۆژا ئەینی ٢٦/٩ ئەم شیاینە ٥٧ خێزانان رزگار بکەین و ژ ٢٢/٩ ھەتا ٢٦/٩ ئەم شیاینە نێزیکی ١٣٠ خێزانان رزگار بکەین کو دبنە ٦٥٠ کەس و ھەموو ژی کوردێن شەبەکن و بۆ کەمپا گەرماڤا ھاتینە ڤەگوھاستن و پرۆسا رزگارکرنێ یا بەردەوامە”.

ئه‌ڤرۆ نيوز، ناجى به‌ده‌ل:

ئه‌ندامه‌كێ جڤاتا نوونه‌رێن عیراقێ ل فراكسیونا پارتا دیموكراتا كوردستانێ ئاشكه‌راكر حزبا وی گوهۆڕین د به‌ربژارێن پوستێن وه‌زاری یێن حوكمه‌تا عه‌بادی دا كرن.

ئه‌شواق جاف ئه‌نداما جڤاتا نوونه‌رێن عيراقێ ل سه‌ر ليستا پارتى ديموكراتى كوردستان راگه‌هاند كو پارتى ديموكراتى كوردستان گوهۆڕين د پۆستێن خوه‌ يێن وه‌زاره‌تا ده‌رڤه‌ و جێگرێ سه‌رۆكێ وه‌زيران دا كرن و د.رۆژ نوری شاوه‌یس وه‌كو جێگرێ سه‌رۆكێ جڤاتا وه‌زیرێن عیراقێ و هشیار زێباری بۆ پوستێ وه‌زاره‌تا دارایی دانان.

ئه‌ڤه‌ سێ حه‌فتيه‌ حوكمه‌تا عه‌بادى هاتيه‌ راگه‌هاندن و كوردان ژ بلى ڤان پۆستان هێشتا ناڤێ چو كه‌سێن دى بۆ چو پۆستێن دى ئێكلا نه‌كريه‌ كو ب تنێ حه‌فتيه‌ك مايه‌ ل سه‌ر خالا ئێكێ يا كوردان و حوكمه‌تا عه‌بادى بۆ پشكداريكرن د حوكمه‌تێ دا.

ئەڤرۆ، حه‌مزه‌ ره‌زيكى:

ھەکە نەخۆشیێن سێکسی نەھێنە چارەسەرکرن زیانێ ل کۆئەندامێن خوینێ و دەماران و ھەرەسێ دکەن و ھندەک جاران دبنە ئەگەرێ مرنێ، نەخوشیێن سێکسی ھەکە تووشی ژنێن دوگیان ببن کارتێکرنەکا مەزن ل کورپەلەی دکەن و کرێتیێن زکماکی ل دەڤ پەیدادکەن و شوونوارێن وان ھەر ئێکسەر پشتی زارووبونێ پەیدادبن، ل ڤێرێ نیشانێ د دەین کو ھندەک نەخوشێن سێکسی چارەسەردبن و چ سەربارکان ژی ل دووڤ خوە ناھێلن.

د.کامیران جەلالەدین، تایبەتمەندێ نەخۆشیێن گولچیسکان و میزەرۆیێ بۆ رۆژنامەیا ئەڤرۆ دیارکر کو ئەگەر نەخۆشیێن سێکسی نەھێنە چارەسەرکرن مەترسیەکا مەزن ھەیە و گەلەک سەربارک ژێ پەیدادبن و زیانێ ل کۆئەندامێن خوینێ و دەماران و ھەرەسێ دکەن و ھندەک جاران دبنە ئەگەرێ مرنێ.

دەربارەی کولکێن نەخوشیێن سێکسی ل چ جھێن دی پەیدادبن ژبلی ئەندامێ سێکسی،دکتوری گوت:کولکێن نەخوشیێن سێکسی ل سەر لێڤێن نەخۆشی و دناڤ دەڤی و جھێ دەستئاڤێ و ھندەک جھێن دی دناڤ لەشی دا پەیدادبن و رەنگێ قەوارێن ژێک جودا.

د بەرسڤا پرسیارەکێ دا ل دور کارتێکرنا نەخۆشیێن سێکسی ل سەر ژنێن دوگیان، دکتوری دیارکر کو

نەخوشیێن سێکسی کارتێکرنەکا مەزن ل کورپەلەی دکەن و کرێتیێن زکماکی ل دەڤ پەیدادکەن و شوونوارێن وان ھەر ئێکسەر پشتی زارووبونێ پەیدادبن و دبیت ژی دەمەکێ درێژ ببوریت ھەتا پەیدادبن و نەخۆشیێن سێکسی ل دەڤ ژنێن دوگیان دبنە ئەگەرێ ژبەرچوونا زارۆکی، یان پەیدابوونا پێشوەخت یا زارۆیان و گەلەک سەربارکێن دی.

بەلێ ھندەک کەس ھەموو دەمان گازندەیان دکەن کو بالیلکێن بچووک ل سەر ئەندامێ وان یێ سێکسی پەیدادبن و دبنە ئەگەرێ خوریانێ و ئێشانەکا زور ژێ پەیدادبیت و دەم بۆ دەمی بەرزە دبن، ئەرێ ڤێ چەندێ گرێدانەک ب نەخۆشیێن سێکسی ھەیە؟

د.کامیران د بەرسڤا ڤێ پرسیارێ دا دیارکر کو دبێژنە ڤێ نەخۆشیێ ھرپس، ئەوژی ب رێکا سێکسی دھێتە ڤەگوھاستن و یا دومدرێژە و ئێشانێن وێ د ئەندامی و دەروونی نە و کارتێکرنێن جڤاکی ژی ھەنە و بۆ ھەڤژینا وی ژی دھێتە ڤەگوھاستن و ھندەک جاران دبیتە ئەگەرێ پەنجەشێرا مالبچووکی.

بۆ خوپاراستنێ ژ ڤێ نەخۆشیێ گوت: پێدڤی یە نەخوش خو ژ کریارێن سێکسی یێن نەرەوا دوور بکەت و دەربارەی چارەسەریێ ژی نەخوشی بۆ دەمەکێ درێژ پێدڤی ب وەرگرتنا دەرمانان ھەیە و ھەموو دەمان مفای ژێ نابینیت.

ھەلبەت ھندەک کەس ھەنە ل بەر خوارنگەھان کاردکەن و ئەنجامێن پشکنینێن وان دەردکەڤن کو نەخوشیێن سێکسی ھەنە، ئەرێ پەیوەندیا ڤێ ب نەخوشیێن سێکسی ڤە چیە؟

تایبەتمەندێ نەخۆشیێن میزەرۆیێ گوت: ئەڤە دیاروکەکا بەربەلاڤە و کەسێ نەخوش دکەڤیتە دبن گەڤان ڤە و گەلەک جورێن چارەسەریێ ژی لێ دھێنە جەرباندن و پێدڤی ب دودلیێ ناکەت و پتریا جاران نەخوشیێن سێکسی دەردکەڤن بێی ئەو کەس تووش ببیتێ.

و دیارکر ژی بۆ پشتراست بوون ژ تووشبونا وی پێدڤی یە پشکنینێن ( FTE-ABC) یان (T.B.h.A) بھێنە کرن و ئەگەر پوزەتیف دەرچوو وە دیارە ئەو یێ تووشبویێ و پێدڤی ب شیرەتکاریا نوشداری دبیت و ل ڤێرێ ئەم نیشانێ دەین کو ھندەک نەخوشێن سێکسی چارەسەردبن و چ سەربارکان ژی ل دووڤ خوە ناھێلن، بەلێ ھندەک دژە نەخوشیێن سێکسی دلەشێ وان دا دمینن و د پشکنینان دا ئەرێنی دەردکەڤن و ل وی دەمی ئەگەر تەئکید بو کو ئەڤ نەخوشە یا نوی نینە، ئەو کەس پێدڤی ب چارەسەریێ نابیت و مەترسی ژی نینە ل سەر چ کەسێن دیتر.

ئەو چ نەخوشی نە کو د ئەنجامێ پشکنینێ دا نەخوشیێن سێکسی پوزەتیف دەردکەڤن؟

د.کامیران دیارکر کو ھەلبەت گەلەک نەخوشی ھەنە، ژوانژی ھندەک نەخوشیێن تا دگەل دا وەک تیفو و مەلاریا و ئەنفلاوەنزا و پەرسیڤ و ھندەک نەخوشیێن جەگەرێ و ئێشا گورگێ سۆر و ھندەک جورێن روماتویدێ، و دبیت ژی ژئەگەرێ ئێکسپایربوونا وان کەرستەیان بیت ئەوێن ژبۆ پشکنینان دھێنە ب کارئینان، یان ئەنجامێ وێ یێ دروست نەبیت.

رێکخراوا ساخلەمیا جیھانی مەترسیا ڤایرۆسێ ئەلبۆیلا ئاشکەرا کر و دا زانین کو ٧٠% ژ تووشبوویێن ڤێ نەخۆشیێ ل رۆژئاڤایێ ئەفریقیا گیانێ خوە ژ دەست دایە.

ئەڤ رێکخراوا نێڤدەولەتی مەترسیا وێ چەندێ ددەتە زانین کو ھەکە رادەکێ کارا بۆ ڤێ نەخۆشیێ نەھێتە دانان، دبیت ھەتا ھەیڤا ١١ سێ جاران ھندێ نوکە تووشبووی ھەبن کو رێژا وان بگەھیتە ٢٠ ھزار کەسان.

سەرژمێریێن ئەمریکی ژی وێ چەندێ ددەنە زانین کو ھەتا وی ماوەی ئەو پێش بینی دکەن رێژا تووشبوویان ل دو وەلاتان بگەھیتە ١.٤ ملیۆن کەسان ئەڤە رێژا خوە یا گەلەک رەشبینی ڤە و شارەزا ژی دیار دکەن کو راپۆرتێن ئەمریکی رەشبینیەک یا ب خوە ڤە دیتی.

ھەتا نوکە ٣٠٠٠ کەس ب ڤێ نەخۆشیێ مرینە کو پتریا وان ل سیرالیۆن و لیبریا و گینیا بووینە و رێکخراوان نێڤدەولەتی ددەتە زانین کو ل ناجیریا و سنیگال ئەڤ ڤایرۆسە ھەتا رادەکی یێ ل ژێر کۆنترۆلا وان.

بەرھەڤکرن، نیوار محەمەد سەلیم:

101

ژنەک: ژیێ من ٤٣ سالن و من پێنج زارۆ ھەنە، ل دەمێ کوخینێ ئەز ھەست پێ دکەم کو چپکێن دەستئاڤێ ژبەر من دکەڤن و ئەز بێ نڤێژ دبم و من گەلەک دەرمان یێن ب کارئیناین بەلێ من چ مفا ژێ نەدیتیە، نزانم چ بکەم؟

د.یەحیا رزا کەرکووکی تایبەتمەندێ نەخۆشیێن ژنان و میزەرۆیێ،  نە ب تنێ ل دەڤەرا مە، بەلکو ل ھەموو جیھانێ ھەر ژ ١٠٠ ژنان حەفتێ ژنان ئەڤ نەخوشیە ھەیە ب شێوەیەکێ گشتی ھەموو ژنێن چوار زارۆ ھەبن دێ ئەڤ حالەتە ل دەڤ پەیدابیت و مەسەلا زارۆبوونێ گەلەک گرێدای ڤێ چەندێ یە و ئەگەرێ سەرەکیێ ڤێ نەخۆشیێ یە.

ل کوردستانێ مە نشتەرگەری ھەنە و ھەتا نوکە پتری ١٥ ملیون ژنان ل جیھانێ ھاتینە نشتەرگەری کرن.

ئەگەر ژنێ ھەستکر ل دەمێ بێھنژین و کوخکێ تەر دبیت، یان دەستئاڤا وێ خۆ ناگریت، ل وی دەمی پێدڤیە نشتەرگەریێ بکەت و چ سەربارک ژی لێ پەیدانابن.

ھەودان بۆ ھەموو  ژنان پەیدادبن و ئەڤە ل دووڤ پلەیا تووشبونا وێ دمینیت و پلە ئێک و دو و سێ ھەنە، پلە ئێک ئەوە ھەتا دکەنە کەنی ژی دەستئاڤ ژ بەر دھێت ئەڤە یا ب ساناھی یە بھێتە چارەسەرکرن، ھندەک ژی ھەنە ھەر دەما ب رێڤەدچیت میزا وێ دەردکەڤیت ئەڤە ب زەحمەتە و ھندەک ژی ھەنە ل دەمێ درێژکری ئەڤ چەندە ل دەڤ پەیدادبیت، ھەلبەت ئەو ھێشتا ب زەحمەت ترە.

بۆ ئاراستەکرنا پرسیارێن خوە پەیوەندیێ بکەن ب موبایلا ژمارە (٠٧٥٠٤٠١٣٧٦٧).

ئه‌ڤرۆ نيوز، نيوار محه‌مه‌د سه‌ليم:

نه‌جيبا نه‌جيب ئه‌نداما جڤاتا نوونه‌رێن عيراقێ ل سه‌ر ليستا پارتى ديموكراتى كوردستان ب مالپه‌رێ ئه‌ڤرۆنيوز راگه‌هاند كو ئه‌وان چو ئاگه‌هـ ژ دانا جه‌ژنانێ ب ئه‌ندامێن جڤاتا نوونه‌ران نينه‌.

رۆژناما زه‌مان يا عيراقى ژ زارێ ژێده‌رێن خوه‌ ڤه‌ به‌لاڤكريه‌ كو هه‌ر ئه‌ندامه‌كێ\ ئه‌ندامه‌كا جڤاتا نوونه‌رێن عيراقێ وه‌كو جه‌ژنانه‌ دێ 25 مليۆن دينارێن عيراقى وه‌رگريت.

د هه‌مان ده‌ما هادى جه‌لۆ سه‌رۆكێ سه‌نته‌رێ بڕيار يێ سياسى ئه‌ڤ چه‌نده‌ دوپاتكر كو ده‌نگۆيه‌كێ ژ ڤى ره‌نگى يێ هه‌يى كو هه‌ر ئه‌ندام په‌رله‌مانه‌ك 25 مليۆن دينارێن عيراقى وه‌كو جه‌ژنانه‌ وه‌رگريت.

ل دۆر ڤێ چه‌ندێ، نه‌جيبا نه‌جيب ئه‌نداما جڤاتا نوونه‌رێن عيراقێ ل سه‌ر ليستا پارتى ديموكراتى كوردستان گۆت: “چ نوچه‌يێن ژ ڤى ره‌نگى نينن و هه‌ر گۆتگۆتكه‌كا ژ ڤى ره‌نگى ژى ره‌تدكه‌ين”.

زێده‌تر گۆت: “به‌رى نوكه‌ ژى ئه‌ز ئه‌نداما جڤاتا نوونه‌ران بووم و مه‌ چو جه‌ژنان جه‌ژنانه‌ نه‌ وه‌رگرتينه‌ دا كو ڤێ جه‌ژنێ تشته‌كێ وه‌سان وه‌رگرين”.

ل دۆر وێ چه‌ندێ كا هه‌كه‌ تشته‌كێ وه‌سان هه‌بيت ئه‌و دێ هه‌لۆيستى وه‌رگرن، نه‌جيبا خانێ گۆت: “چ تشتێ وه‌سان نينه‌، به‌لێ حه‌تمه‌ن تشته‌كێ ژ ڤى ره‌نگى هه‌بيت قه‌بوول ناكه‌ين”.

website security
WP Facebook Auto Publish Powered By : XYZScripts.com