ئه‌ڤرۆ نیوز:
سه‌رۆك كۆمارێ توركیا پلانانا پاشه‌رۆژا وه‌لاتێ خۆ ل دژی سوریا ل سه‌ر توخیبێ پارێزگه‌ها ئدلبێ ل باكورێ رۆژئاڤایێ سوریا ئاشكرا كه‌ت.
بریاره ئه‌ڤرۆ ره‌جه‌ب ته‌یب ئه‌ردوغان سه‌رۆك كۆمارێ توركیا پێنگاڤێن بهێت یێن توركیا ل سه‌ر ئدلبێ دیار بكه‌ت.
به‌ریا نوكه سه‌رۆك كۆمارێ توركیا راگه‌هاند بوو ب توندی به‌رسڤێن هێرشێن سوپایێ سوریا دێ ده‌ین ب وێ چه‌ندێ رازی نابین ب به‌رسڤ دانێ به‌رده‌وام بین.
ئەڤرۆ نیوز، زنار تۆڤی:
دەرهێنەرێ سینەمایی یێ کورد یلماز ئۆزدل، کو نوکە ل باژێرێ مێردینێ دژیت، ل سەر تۆرا جڤاکی یا فێسبۆکێ نڤێسیە: کورته فلمێ بارێ گران کو ژ نڤێسین و دەرهێنانا وی یە و بۆ دەمێ 10 رۆژان ل باژێرێ مێردینێ هاتیە وێنە کرن، پشکداری د شەشەمین فیستەڤالا سینەمایی یا ماریدایێ ل مەکسیک کریە و ئەکتەرێ سەرەکی یێ ڤی فلمی عادل عەبدولرەحمانی ژی خەلاتێ باشترین ئەکتەر ل وێ فیستەڤالێ وەرگرتیە.
ئەڤرۆ نیوز:
لدووڤ راگەهاندنا فەرمی یا دیوانا پارێزگەهان، بهێنڤەدانا فەرمی ل پێنج پارێزگەهێن ناڤەراست و باشورێن عیراقێ هاتە راگەهاندن.
ھەر ئێک ژ پارێزگەهێن (كەربەلا، نەجەف، دیوانیە، واست و بابل) د بەیاننامەکا تایبەتدا راگەهاند: کو سوبەهی بهێنڤەدانا فەرمیە.
د راگەهاندنا پارێزگەهان دا ھاتیە: ئەو بهێنڤەدانە سەرجەم سازی و فەرمانگەهـ و ناڤەندێن خواندنێ ڤەدگریت، ژ بلی فەرمانگەهێن خزمەتگوزاری، ھۆكارێ ڤێ بهێنڤەدانێ بۆ سەرمایێ ڤەگەراندیە.
ئەڤرۆ نیوز:
سوبەهی چارشەمبی 2020/2/12 ب سەرپەرشتیا مەسرور بارزانی سەرۆک وەزیرێن هەرێما کوردستانێ و ب ئامادەبوونا قوباد تالەبانی جێگرێ سەرۆک وەزیران، دێ کۆمبوونا ئاسایی یا جڤاتا وەزیران هێتە ئەنجام دان.
هەروەسا تەوەرێ سەرەکی یێ وێ کۆمبوونێ دێ گوتۆبێژ کرن بیت، دەربارەی پێنگاڤێن جێبەجێکرنا قانوونا چاکسازیێ.
ئەڤرۆ نیوز، زنار تۆڤی:
ل گژە بەران وەلاتیەک ب سۆتی ل خانیەکێ ڤە هاتیە دیتن و هێشتا تەرمێ بۆ نۆشداریا داد نەهاتیە ڤەگۆهاستن.
موقەدەمێ مافپەروەر بێوار عەبدولعەزیز ژ راگەهاندنا رێڤەبەریا بەرەڤانیا باژێرێ دهۆکێ بۆ ئەڤرۆ نیوز دیار کر: کو وەلاتیەکێ 35 سالی د خانیەکێ ڤە ل نێزیک قوتابخانا رەوا ل گژە بەرا ل دهۆکێ ب سۆتی د مالدا هاتیە دیتن، ئەو کەسە دێ هێته ڤەگۆهاستن بۆ نۆشداریا داد ل پارێزگەها دهۆکێ، ژ پێخەمەت ئەگەرێن سۆتنا وی بهێنە دیار کرن، هەروەسا دووڤچوون دێ ل سەر بابەتێ سۆتنا وی هێته کرن.
ئه‌ڤرۆ نیوز:
پشتى ل ماوێ چه‌ند رۆژێن بورى یانا به‌رشه‌لۆنا ب فه‌رمى هنگافتنا ستێرا خوه یا فره‌نسى عوسمان دێمبلى بۆ ماوێ پێنچ هه‌یڤان راگه‌هاندى و نڤێسینه‌ك پێشكێشى ئێكه‌تیا ته‌پا پێ یا ئیسپانیا كرى كو ده‌لیڤه‌یێ بده‌نێ هه‌ڤبه‌ستێ ل گه‌ل پێگوهورى وى یاریزانى ئیمزا بكه‌ن .
رۆژناما سپورت یا ئیسپانى ئاشكراكریه ل ماوێ چه‌ند رۆژێن بورى یانه به‌رشه‌لۆنا چار یاریزان به‌ربژاركربوون بۆ ئیمزاكرنا هه‌ڤبه‌ستێ وه‌كو پێگوهورێ دێمبلى و سوارێز ژبه‌ركو هه‌ردو یاریزان هه‌تا دووماهیا ڤى وه‌رزى نه‌شێن پشكداریێ بكه‌ن.
هه‌ردیسان ئاماژه ب وێ چه‌ندێ ژى هاتیه‌كرن ئه‌و یاریزانێن ژلایێ كارگێریا به‌رشه‌لۆنا هاتینه به‌ربژاركرن هه‌ر ئێك ژ یاریزانان لویس سوارێز یێ كولومپى و یانا سه‌راگوزا و لورینى یاریزانێ ریال بتیس و لوكاس پێرێز یاریزانێ ئالاڤێس لێ ل دووماهیێ به‌رپرسێن به‌رشه‌لۆنا گه‌هشتنه رێككه‌فتنێ ل گه‌ل هێرشبه‌رێ به‌رازیلى و یانا ریال سوسیداد ویلیان خوسیه .
هه‌ردیسان هاتیه دیاركرن ژى به‌رشه‌لۆنا یا به‌رهه‌ڤه كوژمێ 35 ملیون یورۆیا پێشكێشى یانا سوسیداد بكه‌ت بۆ بهایێ هه‌لوه‌شاندنا هه‌ڤبه‌ستا ئه‌وى یاریزانى .
ئەڤرۆ نیوز:
هندەک رێکێن ب ساناهی هەنە، دێ هاریکاریا تە کەن بۆ مانا بێهنا گولاڤا تە بۆ دەمەکێ زێدەتر و بێهنەکا بهێزتر هەبیت.
هەتا بێهنا گولاڤا تە زێدەتر بمینیت پێدڤیە بزانى چاوا و چ دەم دێ بکار ئینى، مالپەرێ سەیدەتى ئاماژە ب رێیان کریە. ئەو ژى ئەڤە نە:
. گولاڤێ ب تنێ ل پیستێ خوە نەکە، ل جلێن خوە ژى بکە، ژبەرکو گولاڤ بۆ دەمەکی درێژ ب جلان ڤە د مینیت.
. هندەک گولاڤێ ل پشتا گوهێن خۆ بدە، ژبەر کو زێدەتر بێهنا وێ د مینیت و زێدەتر دبیت.
. شووشا گولاڤا خوە ل جهەکێ شەهدار نە دانە، بلا ل جهەکێ هشک بیت.
. بەرى گولاڤێ ل پیستێ خۆ بکەی، هندەک ڤازەلینێ ل وان جهان بدە و لدووڤدا گولافێ لێ بکە، ب ڤی رەنگی دێ بهێن زێدەتر مینیت.
. پشتى خوە شووشتنێ گولاڤێ بکاربینە.
. هندەک گولاڤێ ل نیڤا دەستێن خوە بکە، لێ دەستێن خوە لێک نەخشینە بهێلە هەتا هشک دبیت.
. هەکە تە بڤێت ئەو بهێن ژ پرچا تە ژى بهێت، هندەک گولاڤێ ل شەیی بکە و پرچا خوە پێ شەکە.
ئەڤرۆ نیوز:
وەزیرێ دەرڤە یێ ئەمریكا راگەهاند: دێ سزایێن زێدەتر ئێخینه سه‌ر ئیرانێ، ب ئەگەرێ هەلدانا هەیڤا دەستكرد، كو ئارمانجا ئیرانێ ژ ڤێ چەندێ ب هێزكرنا شیانێن موشەكا بالستیە.
ئەڤرۆ سێشەمبێ مایك پۆمپیۆ وەزیرێ دەرڤە یێ ئەمریكا، د تویتەکێ نڤێسیە رژێما ئیرانێ دێ هەلدانا مانگا دەستكرد ب كار ئینین بۆ بەرەف پێشبرنا شیانێن موشەكا بالیستی یێن خوە، دەکو گەفان ل ركابەرێن خوە بكەت و گەفان ل ئارامیا ڤێ دەڤەرێ بكەت، لەوما نابیت رێک ب دەولەتەکێ بهێتەدان کو پالپشتیا تیرۆرێ ل جیهانێ دکەت، داکو مووشەکێن خوە پێش بێخیت و تاقی بكەت.
ئەڤرۆ نیوز:
ئەڤرۆ سێشەمبی میدیایێن عیراقێ ئاماژە ب وی ئەرکێ زەحمەت یێ محەمەد تۆفیق عەللاوی پێ هاتیە راسپاردن بۆ پێكئینانا حوکمەتا نوو یا عێراقێ كرە و ئاماژە ب هندێ دایە، ئەگەر هەیە عەللاوی خوە ڤەكشێت و داخوازا لێبورینێ بكەت.
چەندین ژێدەرێن بەرپرس یێن عێراقێ بۆ میدیایێن وەلاتێ خۆە راگەهاندینە، کو عەللاوی ڕوو ب روو ئاستەنگێن مەزنتر ژ شیانێن خوە بوویە و نەشێت لایەنێن سیاسی ل سەر پێكئینانا كابینا خوە رازی بكات، كو ڕەزامەندیا جادا عیراقی ل سەر بیت.
هەتا نوکە عەللاوی چەند جاران هێرشێن ڤەكێشانا كرینە ژ پێكئینانا حوکمەتا دەمکی، ئەگەر لایەنێن سیاسی رژد بن ل سەر سەپاندنا كاندیدێن خوە بۆ وەزارەتێن حوکمەتا دەمکی ل عێراقێ.
هەروەسا لایەنێن سیاسی یێن عێراق گەف ل عەللاوی كرینە، ئەگەر وەزیران ب دلێ فراكسیۆنێن مەزن یێن پەرلەمان دانەنیت، ل دەمێ دەنگدانێدا، پەرلەمانتارێن وان كابینا وی پەسەند ناكەن.
ئەڤرۆ نیوز:
وەزارەتا بەرگریا ئەمریکا د ره‌شنڤیسێ بوودجێ سالا داهاتیدا داخواز ژ کۆنگرێسی كریه، وی برا پارێ بۆ هارركاریكرنا هێزێن پێشمەرگێ كوردستانێ ته‌رخانكری، په‌سه‌ند بكەت.
پنتاگۆنێ د رەشنڤیسێ بوودجێ سالا 2021 دا خالەک بۆ به‌رده‌وامبوون ژ پڕچەککرن و هارکاریکرنا 12 لیوایێن پێشمەرگەی ته‌رخان كرینه و د وی رەشنڤێسی دا هاتیە، هەکە بوودجێ پێدڤی نەهێتە پەسەند کرن، دێ کاریگەری ل سەر روو ب رووبوونا تیرۆرێ هەبیت.
به‌رده‌وامبوونا وان هاوکاریێن سه‌ربازی یێن ئەمریکا بۆ هێزێن پێشمەرگێ کوردستانێ د چارچۆڤێ شه‌رێ ل دژی تیرۆرستان دا، وێرای هندێ ل دەمێ بوری‌كاریگه‌ریا ئه‌رێنی ل سه‌ر شیانێن پێشمه‌رگه‌ی دا هه‌بوو ل به‌رهنگاربوونا داعش و تیرۆرێ دا، ب هه‌مان شێوه د داهاتیدا به‌رده‌وامبوونا وێ پالپشتیێ و هاریكاریێن سه‌ربازی دێ خزمه‌تا ئاسایشیا ڤێ دەڤەرێ و جیهانێ کەت و دێ رۆل هەبیت ل سه‌ركه‌فتنێن هەڤپه‌یمانیا نێڤده‌وله‌تیا ل دژی داعشێ.
نيشاندان