ئەڤرۆ نیوز:
ئەحمەد نەسروللا فەرماندێ ئۆپەراسیۆنێن حەشدا شەعبی ل ئەنبار راگەهاند کو چەکدارێن رێکخراوا تیرۆرستی یا داعشێ شەڤا بۆری ل رۆژئاڤایێ ئەنبار هێرشی هێزێن حەشدا شەعبی و لەشکرێ عیراقێ کرینە و ب چەکێن سڤک و گران بەرسڤا داعشێ هاتیە دان.
فەرماندارێ حەشدا شەعبی بەحسێ زیانێن هێزێن خوە نەکر و دیار کر کو بەری نها ژی داعشێ هێرشی هێزێن وان کریە.
ئەڤرۆ نیوز:
سەرۆکێ هەرێما کوردستانێ نێچیرڤان بارزانی راگەهاندنەک بەلاڤکریە و تێدا ئاماژە ب هندێ هاتیە کرن کو سەرۆکێ هەرێما کوردستانێ پرۆژێ چاکسازیێ کو ژ ئالیێ ئەنجوومەنێ وەزیران یێ هەرێما کوردستانێ هاتبوو ئامادەکرن و ل پەرلەمانێ کوردستانێ ژی هاتبوو پەسەند کرن، سەرۆکێ هەرێما کوردستانێ ژی ئەو یاسایە کو بۆ هەموو خەلکێ کوردستانێ گرنگ بوویە، پەسەند کریە.
سەرۆکێ هەرێما کوردستانێ داخواز ژ حوکمەتێ ژی کریە کو پرۆژەکێ ئێکگرتی بۆ خانەنشینان ل هەرێما کورستانێ ژی ئامادە بکەت.
ئەڤرۆ نیوز، نەوزاد هلوری:
ب مەرەما خزمەتکرنا زێدەتر بۆ کەسوکارێن شەهیدان، ب بەرهەڤبوونا هەرئێک ژ رێڤەبەرێ گشتیێ باژێرڤانیان ل پارێزگەها دهۆکێ و قایمقامێ ئاکرێ و نوونەرێ بەرپرسێ لقێ نەهێ پارتی ل ئاکرێ و رێڤەبەرێ کاروبارێن شەهیدان ل ئاکرێ، د رێورسمەکێ دا گەرا چوارێ یا دابەشکرنا پارچە زەڤیان ل ئاکرێ ب رێڤەچۆ. بلند رزا زێباری، سەرۆکێ باژێرڤانیان ئاکرێ گۆت: ب مەرەما زێدەتر خزمەتکرنا کەسوکار و خێزانێن سەربلندێن شەهیدان، ئەڤرۆ رۆژا سێشەمبی رێکەفتی 4-2-2020 گەرا چوارێ یا دابەشکرنا پارچە زەڤیان ب سەر کەسوکارێن شەهیدێن شەرێ داعش ب رێڤەچو.
زێدەتر گۆت: رێورسمێن دابەشکرنا پارچە زەڤیان ب بەرهەڤبوویا دیار بەحری ڕەسۆل رێڤەبەری گشتیێ باژێرڤانیان ل پارێزگەها دهۆکێ، مازن محەمەد سەعید قایمقامێ قەزا ئاکرێ، رێڤەبەرێ کاروبارێن شەهیدان ل ئاکرێ و نوونەرێ لقێ نەهێ پارتی ل ئاکرێ ب شێوازێ تیروپشک ب رێڤەچو، هەتا نوکە 111 پارچە زەڤی هاتینە دابەشکرن و پروسە ژی دێ یا بەردەوام بیت، هەتاکو هەموو مفادار دبن.
ئه‌ڤرۆ نیوز، مه‌حمود نهێلى:
ژ به‌ر پێگرى نه‌كرن ب رێنمایان دو خودانێن موه‌لیدان ل دێره‌لۆكێ هاتنه سزادان و بۆ هه‌ر ئێكێ كوژمه‌كێ پاره‌ى.
سامى ئوشانه رێڤه‌به‌رێ ناحیا دێره‌لۆك بۆ ئه‌ڤرۆ نیوز دیاركر، كو ئه‌و به‌رده‌وام دووڤچوونا موه‌لیدێن ده‌ڤه‌رێ دكه‌ن و هه‌ر موه‌لیده‌كا ب دروستى كار نه‌كه‌ت دێ خودانێ وێ هێته سزاندان و گۆت: دڤێ هه‌یڤێ خودانێن دو موه‌لیدان ل سنورێ ناحیا دێره‌لۆك هاتینه سزان ژ به‌ر كو ده‌مێ موه‌لیدێن وان ژ كار كه‌فتى موه‌لیدێن یه‌ده‌ك نه‌بووینه و وه‌لاتى بۆ ماوێ چه‌ند رۆژان هێلاینه د تاریێ دا.
ناڤهاتى خویا ژى كر، كوژمه‌كێ پاره‌ى ژ به‌ر خودانێ هه‌ر دو موه‌لیدان یێ هه‌یڤا ئێك هاتیه برین و ته‌كه‌ز ژى كر، كو ئه‌و دێ به‌رده‌وام دووڤچونا هه‌موو موه‌لیده‌یێن ده‌ڤه‌رێ كه‌ن ، وه‌ك كارگێریا ده‌ڤه‌رێ و دێ پێرابوون ل هه‌مبه‌ر هه‌ر خودانێ موه‌لیده‌كا خه‌مسار هێنه وه‌رگرتن. و دانانا پیڤه‌ران ژى ئێكه ژ وان رێكارانه یێن گرتینه به‌ر كو دێ ل ڤان نێزیكان ده‌ست ب گرێدانا وان هێته كرن.
ئه‌ڤرۆ نیوز:
وه‌زاره‌تا دارایی یا حوكمه‌تا هه‌ریما كوردستانێ راگه‌هاند ئه‌و كارمه‌ندێن ژیێ وان گه‌هشتیه خانه‌نشینیێ و نه‌هاتینه خانه‌نشینكرن دڤێت بهێنه خانه‌نشینكرن، دێ ئه‌و پاره‌یێ وه‌رگرتین ژێ هێنه وه‌رگرتن ڤه.
هه‌رلگوری نفیسارا وه‌زاره‌تا دارایی یا حوكمه‌تا هه‌رێما كوردستانێ هه‌ر كارمه‌نده‌كێ حوكمه‌تێ ژیێ وی یێ ئاساییی ته‌مام بیت دڤێت بهێته خانه‌نشینكرن و چه‌ند پاره‌یێ زێده‌هیی وه‌رگرتی دێ ژی هێته وه‌گرتن ڤه.
ئەڤرۆ نیوز ، زنار تۆڤی:
ل سپێدەهیا ئەڤرۆ سێشەمبی 4.2.2020 پێلەکا دیتر یا بەفرێ ناحیا کانی ماسێ یا سەر ب قەزا ئامێدیێ ڤەگرتیە و د ئەنجامدا هەتا نوکە رێژەکا بەفرێ ل سەنتەرێ ناحیا کانی ماسێ و گوندێن دەوروبەر باریە و نوکە ژی ب رەنگەکێ بەردەوام بەفر یا دباریت.
کامیران محەمەد رێڤەبەرێ شارەوانیا کانی ماسێ، تایبەت بۆ ئەڤرۆ نیوز دیار کر: ئەڤرۆ پێلەکا دیتر یا بەفرێ ل سنورێ ناحیا کانی ماسێ باریە و د ئەنجامدا هەتا نوکە رێژەکا بەفرێ ل سەنتەرێ ناحیا کانی ماسێ باریە و نوکە ژی بەفر بارین یا بەردەوامە، لێ هێشتا رێکێن هاتنوچوونێ نەهاتینە گرتن، هەروەسا نوکە ل هندەک گوندێن ڤێ دەڤەرێ نێزیکی میترەک و نیڤێن بەفرێ لێ هەنە.
ئه‌ڤرۆ نیوز، عه‌لی حاجی :
سه‌نته‌رێ زاخۆ بۆ ڤه‌كولینێن كوردی رێ و ره‌سمێن ئیمزاكرنێ ل سه‌ر 20 په‌رتوكان ل زانكۆیا زاخۆساز كر كو ئه‌و په‌رتوك نڤێسه‌رێن پارێزگه‌ها دهۆكێ ل دور مێژوویا زمانی و ئه‌ده‌بیات و جوگرافیا كوردی ئاماده‌كربوون .
د.عه‌بدولسه‌لام نه‌جمه‌ددین سه‌روكێ سه‌نته‌رێ زاخۆ بۆ ڤه‌كولینێن كوردێ بۆ ئه‌ڤرۆ نیوز گۆت: بۆ ڤێ قوناغێ سه‌نته‌رێ مه 20 په‌رتوك كو ڤه‌كولینێن زانستی نه‌هاتینه‌چاپ كرن و ئه‌ڤ په‌رتوكه ژلایێ نڤێسه‌رێن پارێزگه‌ها دهۆكێ ب دو زمانان هاتینه به‌رهه‌ڤ كرن و ئه‌ڤ په‌رتوكه ل وه‌لاتێ توركیا ب شێوه‌یه‌كێ باش هاتینه دروست كرن و په‌رتوكێن ل ڤێ گه‌رێ ب دور زمان و ئه‌ده‌بیات و مێژوو و جوگرافیا كوردی هاتینه نڤێسین و ماوه‌یێ هه‌شت هه‌یڤان بوو ئه‌م مژوولی ڤه پرۆژه‌یی بووین و د پرۆژه‌یێ مه‌دا ژماره‌یه‌كا كێمتر یا په‌رتوكاندا هێنه چاپ كرن به‌لێ مه‌دیت په‌رتوكێن باش گه‌هشتینه ده‌ستێ مه له‌ورا مه هه‌ژمارا وان په‌رتوكان گه‌هانه 20 په‌رتوكێن چاپ كری .
و گۆت ژی: هه‌كه داهاته‌كێ پێدڤی ل به‌رده‌ستێ مه هه‌بیت 10 په‌رتوكێن وه‌رگێرانێ ل به‌رده‌ستن بۆ چاپكرنێ كوتایبه‌تن ب زمان و مێژوویێ و ژ زمانێ ئینگلیزی رووسی هاتینه وه‌رگێران و هه‌ردیسان به‌رهه‌مه‌كی چدیتر كو ژ ده‌نگێ مه‌لا خه‌لیل مشه‌ختی نێزیكی هه‌شت ده‌مژمێرایه كو د قوناغا پاقژكرنێ دایه و د به‌رنامه‌یێ مه‌دایه به‌لاڤ بكه‌ین و هه‌ردیسان پتری 20 ده‌ست نڤسكا كه‌ڤتینه به‌رده‌ستێ مه كو مه‌ولودنامه‌نه و هه‌می هاتینه راستڤه كرن و پشتی به‌لاڤ كرنا وێ دێ كاریگه‌ریا خوه ل سه‌رئه‌ده‌بیاتا كوردی یا هه‌ڤ چه‌رخ كه‌ت .
ئه‌ڤرۆ نیوز:
پهیڤدارێ حوكمه‌تا عیراقێ راگه‌هاند: تاكو محه‌مه‌د توفیق عه‌لاوی وه‌ك سه‌رۆك وه‌زیر ل جڤاتا نوونه‌ران باوه‌ریێ وه‌ر دگریت عادل عه‌بدل مه‌هدی دێ ل سه‌رۆكاتیا حوكمه‌تی دا به‌رده‌وام بیت.
سه‌عد حه‌دیسی پهیڤدارێ حوكمه‌تا عیراقێ راگه‌هاند: حوكمه‌تا نوكه ب سه‌رۆكاتیا عادل عه‌بدل مه‌هدی بۆ برێڤه‌برنا كارۆباران دێ به‌رده‌وام بیت تا ئه‌وی ده‌می جڤاتا نوونه‌رێن عیراقێ باوه‌ریێ دده‌نه محه‌مه‌د توفیق عه‌لاوی.
پهیڤدارێ حوكمه‌تا عیراقی ئه‌و چه‌نده ژی دیاركر ده‌سه‌لاتێن حوكمه‌تا نوكه هه‌می دێ هێنه راده‌ستكرن بۆ حوكمه‌تا نوو پشتی باوه‌ریێ ژ جڤاتا نوونه‌ران وه‌رد گریت.
ئێكێ هه‌یڤا دو د.به‌رهه‌م ئه‌حمه‌د سالح سه‌رۆك كۆماری عیراقێ محه‌مه‌د توفیق ب مه‌به‌ستا پێك ئینانا حوكمه‌تا نوو یا عیراقێ راسپادر، كۆ ژلایێ پشكه‌كا زۆرا شیعه‌یان ڤه پشته‌ڤانی لێ دهێته‌كرن.
سه‌عد حه‌دیسی پهیڤدارێ حوكمه‌تا عیراقێ ئاماژه ب وێ چه‌ندێ ژی دا كۆ ده‌ست ژ كارڤه‌كێشانا عادل عه‌بدلمه‌هدی ل ده‌ستپیكا هه‌یڤا یازده یا سالا بوری و حوكمه‌تا عیراقێ ب شێوه‌یه‌كی كاربرێكه‌ر به‌رده‌وامیێ دده‌ته كارین خۆ، ده‌سه‌لاتێن گرێبه‌ست و رێكه‌فتنێن ده‌ره‌كی و ناڤخوی و هنارتنا پرۆژه‌یێن یاسایی ژێ هاتینه وه‌رگرتن.
ئه‌ڤرۆ نیوز:
ب ئه‌گه‌رێ به‌رده‌وام بوونا حوكمه‌تێ ل راوه‌ستاندنا قله بلندكرنێ یا فه‌رمانبه‌ران، ژماره‌یه‌كا په‌رله‌مانتاران یاداشته‌ك بۆ پله بلندكرنا فه‌رمانبه‌ران ئاراسته‌ی سه‌رۆكاتیا په‌رله‌مانێ كوردستانێ كر.
دوێ یاداشتنامه‌یێ دا 36 په‌رله‌مانتاران ل سه‌ر ئیمزاكریه،ئه‌و چه‌نده ئێخسته ری كو ل سالا 2016 وه‌ره ب ئه‌گه‌رێ قه‌یرانا دارایی بلندكرنا فه‌رمانبه‌ران هاتیه راوه‌ستاندن، لێ نوكه بارودوخێ دارایی یێ هه‌رێمێ باش بوویه داخازێ دكه‌ین كۆ ئه‌و ماف بۆ فه‌رمان به‌ران بهێته زڤراندن.
ئه‌وان په‌رله‌مانتاران داخاز ژ سه‌رۆكاتیا په‌رله‌مانێ كوردستانێ كریه كۆ نفیساره‌كێ ئاراسته‌ی سه‌رۆكاتیا جڤاتا وه‌زیران بكه‌ت بۆ ده‌ستپێكرنا پله بلندكرنا فه‌رمنبه‌ر و مووچه‌خوران.
ئه‌ڤرۆ نیوز:
جوناسان بارنیت رێڤه‌به‌رێ تایبه‌ت یێ كاروبارێن ستێرا وێلزى و یانا ریال مه‌درید گارس بێل ل سه‌ر ئه‌وان ده‌نگوباسێن ل سه‌ر وى یاریزانى هاتینه به‌لاڤه‌كرن ل ماوێ بورى كو نێزیك بۆ به‌ر ب یانه‌كا دى ڤه بچیت د داخویانیه‌كێ دا بۆ رۆژناما موندو دیپورتیڤو یا ئیسپانى دیاركر ئه‌و ده‌نگوباس هه‌موو چ راستى بۆ نین و د راستى دا ئه‌وى گه‌له‌ك نه ئارامیا خوه ژ ئه‌وان ده‌نگوباسان دیتى یه ژبه‌ركو گه‌له‌ك ده‌نگوباس ل سه‌ر چونا وى ل ماوێ بورى هاتنه به‌لاڤه‌كرن و چ راستى بۆ ئه‌وان ده‌نگوباسان نه‌بوون.
بارنیت ئه‌و چه‌نده ژى دیاركر بێل ل گه‌ل یانا مه‌درید گه‌له‌ك یێ ئارامه و پاره و هه‌ڤبه‌ستێن بلند نه هه‌ر تشته ئارامیا وى ل مه‌درید ژ هه‌ڤبه‌ستێن بلند بۆ وى خوشتره و نوكه ئه‌و ل گه‌ل خێزانا خوه و زاروكێن خوه ل مه‌درید ب ئارامى د ژین و بێل گه‌له‌ك یێ كه‌یفخوشحاله ل یانا خوه .
ناڤبرى ئاماژه ب وێ چه‌ندێ ژى كر گارس بێل ئێك ژ یاریزانێن سه‌ره‌كى یێن یانێ یه و گرنگیا خوه ل وێ یانێ هه‌یه و هه‌تا نوكه ئه‌وى هزر ل چونا خوه نه‌كریه .
سه‌باره‌ت هه‌ڤبه‌ستا چینێ ئه‌وى ل ماوێ بورى گه‌هشتى یه به‌ر ده‌ستێ وى ناڤبرى دیاركر دڤى ده‌مى دا هێشتا ئه‌وان هزر ل وێ چه‌ندێ نه‌كریه ژبه‌ركو ئه‌و گرێداى هه‌ڤبه‌ستا خوه یه ل گه‌ل مه‌درید بۆ دو سال و نیڤێن دى و پشتى ب دووماهیى هاتنا هه‌ڤبه‌ستا ئه‌وى ئه‌و دێ هزرێ ل یانه‌كا نوو كه‌ن.
نيشاندان