ئەڤرۆ نیوز:
هەرچەندە گەلەک دەزگەهێن راگەهاندنا عیراقێ دیار کربوون کو دێ پشتی نیڤرۆ بابەتێ سەرۆک وەزیرێن نوو یێ عیراقێ هێتە ئێکلا کرن لێ بەرپرسەکێ پارتی ل بەغدا دیار دکەت کو هەتا نها ژی چو کەسەک ب فەرمی نەهاتیە دەستنیشانکرن.
شڤان محەمەد تاها بەرپرسێ لقێ پارتی ل بەغدا راگەهاند کو هەتا نها ژی محەمەد توفیق عەللاوی بۆ پۆستێ سەرۆک وەزیرێن عیراقێ ب فەرمی نەهاتیە ئێکلاکرن.
ئەڤرۆ نیوز، هۆشەنگ تاجر:
خالد محەمەد زادە رۆژنامەڤانێ رۆژهەلاتێ کوردستانێ بۆ ئەڤرۆ نیوز دیار کر کو شەڤا بۆری ٥٠ کۆلبەرێن کورد ل دەڤەرێن سنوری یێن د ناڤبەرا پارێزگەها سنە و باشورێ کوردستانێ دا ئاسێ بووینە و کۆلبەرەکێ ژی تەلەفونا خێزانا خوە کریە و دیار کریە کو وان رێیا خوە بەرزە کریە و د ناڤ بەفرێ دا ئاسێ بووینە و ژیانا وان د مەترسیێ دایە.
ناڤهاتی راگەهاند هەتا نها ژی چارەنڤیسێ وان ٥٠ کەسێن کورد دیار نینە و رەوشا جهێ ئەو لێ ژی گەلەک خرابە و رێژەکا زۆر بەفر لێ هاتیە.
ئەڤرۆ نیوز:
ل زیندانا باژێرێ بینگول یێ باکورێ کوردستانێ گرتیێن کورد ل هەمبەر سەرەدەریا خراب یا بەرپرسێن زیندانێ و بنپێکرنا مافێن وان دەست ب مانگرتنێ کرن و کەسوکارێن وان ژی ل دەرڤە پشتەڤانی ل داخوازیێن گرتیان کرن.
پشتی مانگرتنا گرتیان ژی بەرپرسێن زیندانێ دیار کرن ئەو دێ پێداچوونێ د رەوشا زیندانێ دا کەن.
ئەڤرۆ نیوز،عەلی حاجی :
رێڤەبەرێ ساخلەمیا زاخۆ د داخویانیەکێ دا بۆ ئەڤرۆ نیوز ئاشکەرا کر هەر کەسەکێ ژ وەلاتێ چینێ ب رێیا دەروازا نێڤ دەولەتیا ئیبراهیم خەلیل بهێنە دناڤ کوردستانێ دا دێ پشکنین بۆ هێتە کرن.
زێدەتر دکتور قەرەنی گۆت : ل رۆژا پێنچ شەمبیا بوری مە سەرەدانا بنگەهێن خوو کری یە دناڤ دەروازا نێڤ دەولەتیا ئیبراهیم خەلیل بۆ وێ چەندێ کو بنگەهێن مە بکەڤنە حالەتێ ئامادەباشیێ دا کو هەر کەسەکی ژ وەلاتێ چینێ ب رێیا وەلاتێ تورکیا دەربازی کوردستانێ بیت پێدڤی یە هەر دناڤ دەروازەیێ نێڤ دەولەتی یێ ئیبراهیم خەلیل پشکنین بۆ بهێنە ئەنجام دان دا کو دیار بیت ئەڤ کەسە هەلگرێ نەخوەشیا کورونایێ یە یان ژی نە،مە هەماهەنگیەک باش ژی دگەل ئاسایشا دەروازەیێ ئیبراهیم خەلیل ژی کری یە و نوکە دا تیمێن مە ٢٤ دەمژمێران دا د کاری دانە دا کو ئەم بشێن رێگریێ ل هاتنا ڤی جورێ فایروسێ کوژەک بکەین.
گۆت ژی : هەر کەسەکێ نیشانێن وێ نەخوەشیێ ل دەف پەیدا ببن دێ هێتە رەوانە کرن بۆ نەخوشخانا زاخۆ یا گشتی و دێ بۆ ماوەیێ ١٤ رۆژان دناڤ ژۆرەکا بتنێ دا بیت داکو چاڤدێری لێ بهێتە کرن و هەکە مە زانی ڤایروسای کورونا دگەل وی کەسی هەیە دێ هێتە رەوانە کرن بۆ باژێرێ بەغدا ژبەر کو بتنێ د شیانێن حکومەتا عێراقێ دایە وی هەلگرێ ڤایروسێ کورونا چارەسەر بکەت.
ئه‌ڤرۆ نیوز:
په‌یڤدارێ حوكمه‌تا هه‌رێما كوردستانێ راگه‌هاند: چاڤه‌ریێ په‌سندكرنا یاسایا چاكسازیێ دكه‌ین ژلاییێ سه‌رۆكاتیا هه‌رێما كوردستانێ پاشی پشتی 90 رۆژان دكه‌ڤته دوارێ بجهـ كرنێ دا.
جوتیار عادل په‌یڤدارێ حوكمه‌تا هه‌رێما كوردستانێ راگه‌هاند: چاڤه‌ریێ نه یاسایا چاكسازیێ ژلایێ سه‌رۆكاتیا هه‌رێما كوردستانێ ڤه بهێته په‌سندكرن، پاشی ل وه‌قائیعا كوردستانێ دا بهێته بلاڤكرن و رێنما و په‌یره‌وێن تایبه‌ت بۆ بجهكرنا وێ ده‌ردكه‌ڤن و ره‌وانه‌ی وه‌زاره‌تان هێته‌كرن.
په‌یڤداری حوكمه‌تا هه‌رێما كوردستانێ ئه‌و چه‌نده ژی راگه‌هاند: پشتی په‌سندكرنا پرۆژه‌یا یاسایی و بلاڤ بووناوێ ل وه‌قائیعا كوردستانێ دا ل ماوه‌یێ 90 رۆژان دكه‌ڤته وارێ بجهكرنێ.
ئه‌ڤرۆ نیوز:
سه‌رۆكێ حوكمه‌تا هه‌رێما كوردستانێ تاجه‌گول ل سه‌ر مونومێنتا شه‌هیدێن 1 شوباتێ دانا.
سپێده‌هیا ئه‌ڤرۆ رۆژا ئێكێ شوباتی 2020 مه‌سرور بارزانی سه‌رۆكێ حوكمه‌تا هه‌رێما كوردستانێ، پشكداری د مه‌راسیما 16 سالیا شه‌هیدێن 1 شوباتێ كر كو ل پاركێ سامی عه‌بدلره‌حمان ل هه‌ولێرێ برێڤه چوو.
د وێ پشكداریكرنا مه‌راسیمێ دا، مه‌سرور بارزانی سه‌رۆكێ حوكمه‌تا هه‌رێما كوردستانێ تاجه گول ل سه‌ر مونومێنتا شه‌هیدان دانا.
رۆژا 1 شوباتی یا سالا 2004 هه‌ردو باره‌گه‌هێن لقا دو یا پارتی دیموكراتی كوردستان و مه‌لبه‌ندێ سیێ یێ ئیكه‌تیا نیشتمانی كوردستان ل هه‌ولێرێ بۆنه جهێ ئارمانجا تیرۆریستان ئه‌وی ده‌می وه‌لاتی دهاتنه چه‌ژنه پیرۆزكرنێ، سه‌ره‌دانا هه‌ردو باره‌گه‌هان دكرن، د ئه‌نجامدانا وێ كاره‌ساتێ 100 سه‌ركرده و كادر و وه‌لاتی شه‌هید بوون.
ئەڤرۆ نیوز، نەوزاد هلوری:
شەڤا بوری هەتا نوکە بەفربارین ل چیایێ پیرس بەردەوامە و بوویە ئەگەرێ گرتنا رێیا سەرەکی یا دناڤبەرا دینارتە و باڕزان، د نوکە دا تیما رامالینا بەفرێ ێا سەخبێریا رێک و پرا مژولێ ڤەکرنا رێیا پیرسی یە.
محەمەد سەعید، رێڤەبەرێ سەخبێریا رێک و پرا ل ئاکرێ بۆ ئەڤرۆ نیوز گۆت: شەڤا بوری هەتا نوکە بەفربارین ل چیایێ پیرس بەردەوامە و بوویە ئەگەر گرتنا رێیا سەرەکی یا دناڤبەرا دینارتە و باڕزان، د نوکە دا تیما رامالینا بەفرێ یا سەخبێریا رێک و پرا ل ئاکرێ مژولێ ڤەکرنا رێیا پیرسی نە.
زێدەتر گۆت: چیایێ پیرس پتری 15سم بەفرێ بارینە، کێشە بۆ هاتن و چوونێ دروستکریە، ژبەرڤێ هەتا رێک دهێنە ڤەکرن، پێدڤی یە شوفێر ئاگەهدارێ خوە بن.
ئه‌ڤرۆ نیوز:
رێڤه‌به‌رێ باله‌فرخانه‌یا به‌سرا د راگه‌هاندنه‌كێ دا راگه‌هاند: فه‌رمان بۆ مه هاتیه كۆ پێشوازیێ ل چ شاند و وه‌لاتیێن چینێ نه‌كه‌ین.
سه‌میر یونس رێڤه‌به‌رێ باله‌فرخانه‌یا به‌سرا راگه‌هاند: فه‌رمان بۆ مه هاتیه كو پێشوازیێ ل چ شاندێن فه‌رمی یێن چینێ و بازرگان و وه‌لاتیێن چینێ نه‌كه‌ین، هاتنا فه‌رمانێ پتر بابه‌ته‌كێ خو پاراستنێ یه كۆ خوپاراستن ژ توشبوون ب ڤایروسێ كورونا كو ل چه‌ند وه‌لاتان به‌لاڤ بوویه چین ژی ئیكه ژ وان وه‌لاتێن زۆر ترین توشبوو تێدا په‌یدا بووینه.
نيشاندان