ئه‌ڤرۆ نیوز:
گولچیێ به‌رنیاس یێ هه‌لبژارتیێ ئه‌لمانیا و یانا به‌رشه‌لۆنا تێر شتیگن نوكه‌ دهێته‌ هژمارتن ئێك ژ باشترین گولچیا ل سه‌ر ئاستێ جیهانێ د دیداره‌كێ دا ل گه‌ل گوڤارا فرانس فتبول یا فره‌نسى ناڤێ چار گولچیا ئاشكراكر كو نوكه‌ دهێته‌ هژمارتن ژ باشترین گولچیێن جیهانێ و روله‌كێ مه‌زن ل گه‌ل یانێن خوه‌ و هه‌لبژارتیێن وه‌لاتێن خوه‌ هه‌نه‌.

هه‌ردیسان وى گولچیێ ئه‌لمانى دیاركر گولچیێ یانا ئه‌تله‌تیكو مه‌درید ئوبلاك روله‌كێ گه‌له‌ك مه‌زن ل گه‌ل یانا خوه‌ نوكه‌ هه‌یه‌ و شێوازێ وى ل گه‌ل یانا وى گه‌له‌ك د گونچیت هه‌ردیسان یێ یانا مانچێسته‌ر یونایتد داڤید دى خیا كو روله‌كى باش ل گه‌ل هه‌لبژارتیێ وه‌لاتێ خوه‌ ژى هه‌یه‌ و یێ یانا لیڤه‌رپول ئه‌لیسون بیكیر و مانویل نویر یێ یانا بایرن میونیخ روله‌كێ مه‌زن ل چه‌ند سالێن بورى ل گه‌ل هه‌ردو یانێن خوه‌ هه‌نه‌ بوو برنا چه‌ندین ده‌ستكه‌فتیان .
هه‌ردیسان سه‌باره‌ت هه‌ڤالێ خوه‌ ل هه‌لبژارتیێ ئه‌لمانیا نویر ناڤبرى دیاركر ئه‌و هه‌ردو هه‌ڤركیه‌كا باقژ دكه‌ن بوو پاراستنا درێسێ وه‌لاتێ خوه‌ و ئه‌و دبینت نویر ئێك ژ باشترین گولچیا نه‌ نوكه‌ ل سه‌ر ئاستێ جیهانێ و روله‌كێ وى ل ماوێ بورى ل گه‌ل هه‌لبژارتیێ ئه‌لمانیا و یانا بایرن میونیخ چ جاران ناهێته‌ ژبیركرن.

ل دووماهیى وى گولچیێ به‌رشه‌لۆنا دیاركر ژى راسته‌ ئه‌و نوكه‌ گولچیێ هژمارا ئێك ل یانا خوه‌ لێ پێدڤى یه‌ ئه‌و هه‌موو گاڤان رێزى ل هه‌ڤالێن خوه‌ یێن دى ژى ل یانێ بگریت یێن گولچیى و پێدڤى یه‌ ئاستێ خوه‌ پارێزیت و هه‌ڤركیێ هه‌رده‌م بكه‌ت بوو پاراستنا ئاستێ خوه‌.

ئه‌ڤرۆ نیوز:
ستێرا فره‌نسى و یانا به‌رشه‌لۆنا عوسمان دێمبلى دیاركر تیما ئه‌وان دێ ل ڤێ حه‌فتیێ هه‌مبه‌رى دو گرنگترین و ب زه‌حمه‌ترین یارى به‌ن كو ل سه‌ر ئه‌وان پێدڤى یه‌ بوو ئه‌وان هه‌ردو یاریان د هوشداربن.
زێده‌تر دێمبلى بوو رۆژناما موندو دیپورتیڤو دیاركر تیما ئه‌وان دڤێ حه‌فتیێ دا دێ دو گرنگترین یارى كه‌ن كو ده‌ستپێكێ دێ دژى بروسیا دورتموند كه‌ن ژ قاره‌مانیا چامپیونیز لیگ كو سه‌ركه‌فتنا ئه‌وان دڤێ یاریێ دا دێ ده‌ربازبوونا ئه‌وان بوو قوناغا 16 مسوگه‌ر كه‌ت له‌ورا و پاشتر ب چه‌ند رۆژا دێ یاریه‌كا گرنگ به‌رامبه‌ر ئه‌تله‌تیكو مه‌درید ئه‌نجامده‌ن ژ چارچوڤێ خۆلا لالیگا ئیسپانیا .
هه‌ردیسان ناڤبرى دیاركر ژى ل سه‌ر ئه‌وان پێدڤى یه‌ یارى ب هوشدارى به‌رامبه‌ر بروسیا دورتموند بكه‌ن ژبه‌ركو ئه‌و دێ یاریێ به‌رامبه‌ر یانه‌كا مه‌زن ل سه‌ر ئاستێ ئورۆپا كه‌ن و سه‌ركه‌فتنا ئه‌وان دڤێ یاریێ دا گه‌له‌ك یا گرنگه‌ ژبه‌ركو ئه‌و ناخوازن چاره‌نڤیسێ ئه‌وان ب كه‌ڤته‌ سه‌ر یاریا دووماهیێ كو دێ دووماهیى یاریا ئه‌وان به‌رامبه‌ر یانا ئه‌نتر میلان بیت ل یاریگه‌ها ئه‌نتر .
هه‌ردیسان دێمبلى ئاشكراكر ژى به‌رى چه‌ند سالان ئه‌وى شه‌ر بوو ده‌ستڤه‌ ئینانا سێ خالان بو بروسیا دورتموند كر لێ نوكه‌ ئه‌و دخوازیت وێ یانێ خوساره‌ت بكه‌ت و هه‌ردیسان چه‌ندین هه‌ڤالێن وى ژى ل گه‌ل دا هه‌نه‌ سوباهى دێ یاریێ دژى ئه‌وان هه‌ڤالێن خوه‌ كه‌ت لێ ئه‌ڤێ چه‌ندێ ب كاره‌كێ سروشتى دبینت ژبه‌ركو نوكه‌ ئه‌و د ژیانا پیشه‌كارى دا دژیت به‌رى نوكه‌ ئه‌وى درێسێ دورتموند پاراست لێ نوكه‌ ئه‌و یێ درێسێ به‌رشه‌لۆنا د پارێزیت.