ئه‌ڤرۆ نیوز:
چاڤه‌رێ دهێته‌كرن ئه‌ڤ شه‌ڤه‌ یانا به‌رشه‌لۆنا ل یاریگه‌ها خوه‌ كامپ نوو مێڤانداریا یانا ڤه‌له‌دل وه‌لید بكه‌ت ژ چارچوڤێ یاریێن گه‌را 11 ژ خۆلا ئیسپانیا .
راهێنه‌رێ یانا به‌رشه‌لۆنا ڤالڤێردى به‌رى ڤێ یاریێ د داخویانیه‌كێ دا بوو ده‌زگه‌هێن راگه‌هاندنێ دیاركر ڤه‌گه‌راندن بوو خولا ئیسپانیا پشتى یاریا وان یا حه‌فتیا بورى هاتیه‌ پاشێخستن یا ب سانه‌هى نینه‌ تایبه‌ت یارى كرن ل گه‌ل یانه‌كا وه‌كو ڤه‌له‌دل وه‌لید كو ل وه‌رزێ ئه‌ڤ ساله‌ ڤێ یانێ هه‌تا نوكه‌ شیایه‌ ئاسته‌كێ باش پێشكێش بكه‌ت كو 14 خال هه‌تا نوكه‌ كومكرینه‌ كو 8 ژ ده‌رڤه‌ى یاریگه‌ها وێ بوون.
راهێنه‌رێ به‌رشه‌لۆنا ئاماژه‌ ب وێ چه‌ندێ ژى كر بوو ڤێ یاریێ دبیت چه‌ند گوهورینا ل پێكهاتیێ تیمێ بكه‌م لێ ل هێلا پێشیێ ئه‌و دێ پشت به‌ستنێ ل سه‌ر هه‌مان یاریزانێن سه‌ره‌كى كه‌ت .
سه‌باره‌ت ئه‌وان ده‌نگوباسان ئه‌وێن به‌لاڤه‌كرینه‌ كو یاریزانێ یانێ ئه‌لینا ل ڤه‌گوهاستنێن بهێت په‌یوه‌ندى ب یانه‌كا دى كه‌ت راهێنه‌رێ به‌رشه‌لۆنا دیاركر ئه‌لینا یاریزانه‌كێ خودان شیانه‌ ل ناڤا پێكهاتیێ یانێ و ژ هه‌ژى كرنا یاریێ یه‌ وه‌كو یاریزانه‌كێ سه‌ره‌كى ل گه‌ل به‌رشه‌لۆنا لێ ژبه‌ر هه‌بوونا هژماره‌كا مه‌زن یا یاریزانان ل هێلا ناڤین ده‌لیڤه‌یا كرنا یاریێ بوو ئه‌وى كێمتر لێهاتى یه‌ و ئه‌و نوكه‌ یاریزانێ تیمێ یه‌ و ئه‌و دێ چاڤه‌رێ بن هه‌تا ڤه‌گوهاستنێن بهێت كا دێ چو رویده‌ت.

ئه‌ڤرۆ نیوز:
چاڤه‌رێ دهێـته‌كرن ئه‌ڤرۆ و شه‌ڤه‌ چه‌ندین یارى ل سه‌ر ئاستێ خولێن ئورۆپى بهێنه‌كرن .
خۆلا لالیگا ئیسپانی حه‌فتیا 11
دیپورتیفو ئالاڤیس و ئه‌تله‌تیكو مه‌درید ده‌مژمێر 21:00
به‌رشه‌لۆنا و ڤه‌له‌دل وه‌لید ده‌مژمێر 23:15

خۆلا كاتشیو یا ئیتالى حه‌فتیا 10
پارما و ڤیرونا ده‌مژمێر 21:00
بریشیا و ئه‌نتر میلان ده‌مژمێر 23:00
كاس ئنگلته‌را قوناغا 16
هه‌موو یارى ده‌مژمێر 22:45 هێنه‌كرن
ئیڤه‌رتون و وانفورد
مانچێسته‌ر سیتى و ساوسهامتون
بیرتن ئه‌لبیون و لیسته‌ر سیتى
كرولى تاون و كولشیستر
ئاكسفورد یونایتد و سه‌ندرلاند
خۆلا به‌لجیكا گه‌را
هه‌موو یارى ده‌مژمێر 22:30 هێنه‌كرن
كورترابیك و بوبین
ئوستند و روایال شارلوروا
سیركل بروچ و روایال موسكرون

كاسا فره‌نسا
نیم ئولومپیك و لانس ده‌مژمێر 20:45
بوردو و دیجون ده‌مژمێر 23:05

گرنگترین یاریێن قوناغا دوێ یێن كاسا هوله‌ندا
ڤیتیسه ئارنهیم و دی گرافشاب ده‌مژمێر 20:30
یاریێن ده‌مژمێر 21:45
جوس و كامبور
جى ڤى ڤى ڤى و هلموند سپورت
ئه‌لمیر سیتى و جواهید ئایگلز
ئاكسیلسیور و نیمیگن
ئاڤ سى دوردریخت و ماستریخت
هویك بى ئه‌ى سى زڤوله‌
ئایسلمیرڤوجیلس و و دى بوش

كاسا توركیا قوناغا 4
ئه‌لتینوردو و ئامه‌د سپور ده‌مژمێر 14:00
نیگادى سپور و ئه‌نتالیا سپور ده‌مژمێر 14:45
ئه‌ده‌نا سپور و دیاربه‌كر سپور ده‌مژمێر 19:30
ئالانیا سپور و ئنگول سپور ده‌مژمێر 21:30

ئه‌ڤرۆ نیوز:
ستێرا وێلزى و یانا ریال مه‌درید ل ڤه‌گوهاستنێن هاڤینا بورى نێزیك بوو پێكهاتیێ وێ یانێ ب جه بهێلت و به‌ر ب یانه‌كا دیڤه‌ بچیت كو ژ ئه‌وانا هه‌ڤبه‌ستا یانه‌كا چینى لێ ژبه‌ر موچه‌یێ وى یێ بلند وێ یانێ داخوازیا وى یاریزانى ره‌تكر .
رۆژنامه‌یێن نێزیكى یانا ریال مه‌درید ل چه‌ند رۆژێن بورى به‌لاڤه‌كربوو یانا ریال هزر ل فروتنا چه‌ند یاریزانێن خوه‌ كریه‌ بوو ده‌ستڤه‌ ئینانا مباپێ ل پاشه‌رۆژێ كو ئێك ژ ئه‌وان یاریزانان ستێرا وێلزى گارس بێل .
رۆژناما ئاس یا ئیسپانى دیاركریه‌ یانا ریال مه‌درید دخوازیت ل ڤه‌گوهاستنێن بهێت ده‌ستا ژ ستێرا خوه‌ یا وێلزى گارس بێل به‌رده‌ت و نوكه‌ چه‌ند یانێن ئنگلیزى هاتیه‌ سه‌ر هێلى بوو دانوستاندنان بوو ڤه‌گوهاستنا وى یاریزانى.
هه‌ردیسان وێ رۆژنامێ دیاركریه‌ ژى هه‌ر چه‌نده‌ ل ڤێ دووماهیێ په‌یوه‌ندیێن راهێنه‌رێ یانێ زێدان و وى یاریزانى ل گه‌ل ئێك به‌ر ب باشى ڤه‌ چووینه‌ لێ هه‌كه‌ یانێ داخوازى ژ وى راهێنه‌رى كر وى یاریزانى بفروشن داخوازیا یانێ ره‌ت ناكه‌ت ژبه‌ركو ئه‌و ژى دخوازیت ژ وى یاریزانى قورتال بیت و ل جهێ وى هه‌ڤبه‌ستێ ل گه‌ل ستێره‌كا دى ئیمزا بكه‌ن ژبه‌ركو هه‌تا نوكه‌ ئه‌و یاریزان ب تمامى نه‌بوویه‌ جهێ رازیبوونا راهێنه‌رێ یانا ریال مه‌درید.

ئه‌ڤرۆ نیوز:
یانا ناپولى یا ئیتالى بهایێ بهایێ فروتنا ستێرا خوه‌ فابیان رویز ده‌ست نیشانكر كو ئه‌و یاریزان نوكه‌ بوویه‌ ئارمانجا سه‌ره‌كى یا هه‌ردو جه‌مسه‌رێن مه‌زن ل ئیسپانیا ئه‌وژى ریال مه‌درید و به‌رشه‌لۆنا كو هه‌ڤركیه‌كا ب هێز هه‌ردو یانه‌ ل گه‌ل ئێك دكه‌ن بوو ده‌ستڤه‌ ئینانا شیانێن ئه‌وى یاریزانى.
كالپه‌رێ كاتشیو مێركاتو یێ ئیتالى ئاشكراكریه‌ به‌رپرسێن یانا ناپولى دیاركریه‌ هه‌ر یانه‌كا بخوازیت هه‌ڤبه‌ستێ ل گه‌ل ستێرا ئه‌وان یا ئیسپانى فابیان رویز ئیمزا بكه‌ن پێدڤى یه‌ كوژمێ 100 ملیون یورۆیا پێشكێشى یانێ بكه‌ن وه‌كو بهایێ هه‌لوه‌شاندنا ئه‌وى .
فابیان رویز ئه‌وێ ل هاڤینا 2018 ب كوژمێ 30 ملیون یورۆیا ژ ریال بتیس هاتیه‌ ڤه‌گوهاستن بوو ناپولى ل هاڤینا ئه‌ڤ ساله‌ بهایێ ڤه‌گوهاستنا ئه‌وى گه‌هشتبوو 70 ملیون یورۆیا لێ پشتى چ یانه‌ نه‌شیان شیانێن ئه‌وى ب ده‌ستخوڤه‌ بینن نوكه‌ به‌رپرسێن وێ یانێ بهایێ فروتنا وى بلندتر لێ كریه‌ و دیاركریه‌ كێمتر ژ 100 ملیون یورۆیا ئه‌و دانوستاندنان ل گه‌ل چ یانان ناكه‌ن.
هه‌ژى گوتنێ یه‌ هه‌ڤبه‌ستا وى یاریزانێ ئیسپانى هه‌تا 2023 ل گه‌ل یانا ناپولى یه‌ و ئه‌و یاریزان ل هاڤینا بورى ببو جهێ هژماره‌كا یانێن به‌رنیاس ل ئورۆپا كو هه‌تا نوكه‌ هه‌ر ئێك ژ ریال مه‌درید و به‌رشه‌لۆنا د به‌رده‌وامن ل سه‌ر بزاڤێن خوه‌ بوو ده‌ستڤه‌ ئینانا ئه‌وى یاریزانى.