ئه‌ڤرۆ نيوز:
دوهى رۆژا سێشه‌مبى ستێرا يانا به‌رشه‌لونا ليونێل مێسى تووشى هنگافتنه‌كا نوو بوو و دێ بۆ ماوێ هه‌يڤه‌كا دى ژ ياريگه‌هان دوركه‌ڤيت.
راديويا كه‌تالونيا دياركر د پشكنينێن نوشدارى دا دياربوويه مێسى هێشتا ژ هنگافتنا خوه چاره‌سه‌رنه‌بوويه ب ته‌مامى و پێدڤى ب ماوێ هه‌يڤه‌كا دى يه داكو بشێت ڤه‌گه‌ريته ياريگه‌هان و بۆ ياريا بهێت به‌رامبه‌ر يانا ئوساسونا پشكداريێ ناكه‌ت ل حه‌فتيا بهێت، پاش دێ خولێن ئوروپى هێنه راگرتن ژ به‌ر هه‌بوونا ياريێن نێڤده‌وله‌تى يێن هه‌ڤالينى.
ئەڤرۆ نیوز:
ئەڤرۆ سەرۆک مەسعود بارزانی ل گەل سەرۆکاتیا پەرلەمانێ کوردستانێ کۆمبوو و د کۆمبوونێ دا سەرۆک بارزانی پشتەڤانیا خوە بۆ پەرلەمانێ کوردستانێ د چاڤدێریا کاروبارێن حوکمەتێ دا دیار کر و راگەهاند کو دڤێت پەرلەمانێ کوردستانێ کار بۆ بهێزکرنا پێکڤەژیانا هەموو ئایین و نەتەوان ل کوردستانێ بکەت.
سەرۆک بارزانی ئەو یەک ژی دیار کر کو پێدڤیە پەرلەمانێ کوردستانێ کار ل سەر پرۆژێ چاکسازیێ بکەت و ئەو یەک ژی ل گۆر بەرژەوەندیێن گشتی یێن گەلێ کوردستانێ بیت.
ئەڤرۆ نیوز، نەوزاد هلۆری:
ئەڤرۆ جڤاتا پارێزگەها دهۆکێ ل دۆر بهایێ ئه‌ریزان پشتی کو ژلایێ كۆمپانیەكا راسپاردی هاتیە دیارکرن، ب بەرهەڤبوونا نوونەرێ کومپانیێ و دادنوس و داواکارێ گشتی ئەنجام دا، ل دووماهیا كۆمبونێ سەرۆکێ جڤاتێ دیارکر کو ئەو وەکو جڤاتا پارێزگەها دهۆکێ ل گەل وێ چه‌ندێ نینن کو بهایێئه‌ریزان بهێتە گرانکرن ژبەرکو دێ بارگرانیێ ل سەر وەلاتیان درۆست کەت.
ئه‌ڤرۆ نیوز، محه‌مه‌د عه‌لى نورى:
ب فه‌رمى كارگێریا یانا دهۆك گرێبه‌ست دگه‌ل یاریزانێ به‌رێ یێ یانا كه‌رخ نه‌وره‌س زه‌را زاهر ئیمزاكر، ژبۆ پشكداریێ دگه‌ل تیما باسكت بۆلا یانێ بۆ وه‌رزێ نوو یێ خولا پلا نایابا عیراقێ.
قاسم سالح سه‌رپه‌رستێ تیما دهۆكێ بۆ ئه‌ڤرۆ نیوز دیاركر كو پشتى رازیبوونا كادرێ راهێنانێ لسه‌ر ئاست و شیانێن یاریزان نه‌وره‌س زه‌را، ب فه‌رمى گرێبه‌ست بۆ ماوێ ئێك وه‌رز دگه‌ل ناڤهاتى هاته ئیمزاكرن وه‌كو یاریزان بۆ ناڤ رێزێن تیما باسكت بۆلا یانا دهۆك بۆ وه‌رزێ 2019-2020 و گوت: تیما دهۆك دێ بشێوه‌كێ باشتر و بهێز هێنه دناڤ خولێ دا پێخه‌مه‌ت ڤه‌گه‌راندنا زلهێزیا ناڤێ یانێ.
ئه‌ڤرۆ نيوز:
ژنەکا خودان دو زارۆ دبێژیت: بەری ھەشت سالا من و کەسەکی حەز ژئێکدو دکر، لێ ئەم نەگەھشتنە ئێک، من ژی ژ کەربادا شوو کر، ئەو کەسێ من شوو پێ کری نە ل ئاستێ مالا بابێ منە، بەس ب راستی ھەڤژینەکێ گەلەک باشە بو من، نوکە ئاریشا من ئەوە ئەز نەشێم خوشتڤیێ خوە ژبیر بکەم و بەردەوام چاڤدێریا وی دکەم و سەح دکەمە فەیسبوکا وی کا ژیانا خوە چاوا ب رێڤە دبەت، چەند زارو ھەنە و سەح دکەمە وێنێن زارۆیێن وی، دەمێ ئەز دبینم دلێ من دسوزیت، دبێژم خوزی ئەز ھەڤژینا وی بام و ئەڤە زارویێن من و وی بان و گەلەک خوزیێن دی رادھێلم. ب
ێھنا من گەلەک تەنگ دبیت و ھزرا خوە کوشتنێ دکەم، حەتا من بزاڤ ژی کریە، بەس ژبەر زارویێن خوە نەشێم، ئەڤجا ھیڤیدارم ھوون چ دبێژن و ئەز چ بکەم؟
خانما ھێژا:
تە نوکە دو زارو ھەنە و خودان ھەڤژینی، وان ژبیر نەکە و پشتگوە نەئێخە مادەم تە چ ئاریشە نینن و ھەڤژینێ تە یێ باشە ل گەل تە، ل سەر تە پێدڤیە تو خوشتڤیێ خوە یێ بەرێ ژ ھزرا خوە بینیە دەر، ژبەرکو ئەو ژی خێزاندارە، نابیت تو ھەموو ھزرا خوە بێخیە سەر وی، ئەڤە شاشیە کو دووڤچونا وی دکەی و حەز دکەی بزانی کا ژیانا وی چاوا دبوریت، ب ھیچ رەنگەکێ نە سەحکە فێسبوکا وی کونترولێ ل سەر خوە بکە، دا ژبیر بکەی، چونکی چ پەیوەندی ب تەڤە نینە و یێ ل گەل ئێکا دیتر دژیت و مالا خوە یا ئاڤا کری، ھەکە تو یا بەردەوام بی ل سەر ڤی کاری دێ کارتێکرنەکا نێگەتیڤ ل دەروونێ تە بیت و دێ پەیوەندیا تە ل گەل زارۆ و ھەڤژینێ تە لاواز بیت، ژبەرکو بڤی رەنگی تو خوە ئازار ددەی، دڤێت تو یا بھێز بی، بلا تە باوەری ھەبیت کو ئەڤە ژیانە و نە ھەر تشت دێ وەسا چێبیت وەکی مرۆڤی دڤێت، لدووڤ رابردوی نەچە ئەڤە قەدەرا تەیە و شەری دگەل قەدەرا خوە نەکە دڤێت تو قەبیل بکەی ھەکە تە رەد کر دێ خوە ئازار دەی، بەلکی خێرا ھەوە تێدا بیت کو نەگەھشتینە ئێکدو، چ جارا ھزرا کوشتنا خوە نەکە چونکی مرۆڤێت ترسنوک ڤان ھزرا دکەن و بریارێن بڤی رەنگی ددەن. لگەل رێزگرتنێ
بەرسڤدان، دەروونناس: ئاواز
Facebook: dilexo veke
Instagram: Awazm_az
ئەڤرۆ نیوز، نەوزاد ھلۆری:
ژ ئەگەرێ نەمانا ئوکسجینێ دناڤ ئاڤێ دا، ھژمارەکا زۆرا ماسیان دناڤ پروژەکێ خودانکرنا وان ل گوندێ چەمترێ ل سنورێ ناحیا مانگێشک یا سەر ب پارێزگەھا دھۆک مرن، خودانێ پروژەی ددەت دیارکرن ئەگەر حوکمەتێ کارەبا نیشتمانی بو وان دابینکربایە ماسیێن وان نەدمرن.
ھێرش تەھا، خودانێ پرۆژەی بو ئەڤرۆ نیوز گۆت: (ژ ئەگەرێ نەبوونا کارەبا نیشتمانی، کارەب ل سەر پرۆژەی نەما و بڤێ یەکێ ژی ئوکسجین دناڤ ئاڤێ دا نەما و بویە ئەگەرا مرنا ماسیان).
زێدەتر گوت: (نێزیکێ 10 ھزار ماسیان مرن، ئەوێن دی ژی توشی نەخوشی و خاڤبونێ بوون، ھندەک ب تنێ ماینە ساخ، مرنا وان ماسیان زیانێن زۆر ب مە گەھاندن، ژبەرڤێ ئەم داخوازا قەرەبوکرنێ ل حوکمەتێ دکەین، دیسان دخوازین کو کارەبا نیشتمانی ژی بۆ مە دابین بکەن، ئەگەر کارەبا نیشتمانی ل سەر پرۆژەی ھەبایە ماسێن مە نەدمرن).
پێشتر ژی چەند جارەکا ل سنوورێ پارێزگەھا دھۆک ماسی توشی ژەھراوی و مرنێ بوینە، ژ وانان پرۆژەکێ دێرەلوکو ئێک ژی ل شێلادزێ.
ئەڤرۆ نیوز، نیوار محەمەد سەلیم:
بڕياره ئه‌ڤرۆ رۆژا چارشه‌مبى جڤاتا پارێزگه‌ها دهۆكێ كۆمبوونا خوه يا ئاسايى ئه‌نجام بده‌ت و تێدا هه‌ر ئێك ژ رێڤه‌به‌را فه‌رمانگه‌ها دادنڤيسيێ، نيدار محه‌مه‌د موفتى و نوونه‌رێ كۆمپانيا “INFO RR LTD” يا په‌يوه‌نديدار هاتينه داخوازكرن.
ب گۆره‌ى نڤيساره‌كێ كو جڤاتا پارێزگه‌ها دهۆكێ به‌لاڤكريه ئاشكه‌را كريه كو ژبۆ به‌رژه‌وه‌نديا گشتى و ل گۆر بڕگا (1) ماددێ (28) ژ په‌يره‌وێ ناڤخۆ يێ جڤاتا پارێزگه‌ها دهۆكێ و پشتى بڕيارا ئه‌لكترۆنيكرنا فه‌رمانگه‌هێن دادنڤيسيێ بوويه جهێ نه‌رازيبوونێ ل ده‌ف وه‌لاتيێن پارێزگه‌هێ جڤاتا پارێزگه‌هێ دێ كۆمبوونا خوه يا ئاسايى يا ژماره 99 ل رۆژا چارشه‌مبى ل هۆلا جڤاتێ گێريت.
هه‌ر د وێ نڤيسارێ دا ئاماژه ب وێ چه‌ندێ ژى كريه كو ئه‌ڤ كۆمبوونه دێ يا تايبه‌ت بيت ب بابه‌تێ “سيسته‌مێ ئه‌لكترۆنيكرنا فه‌رماهه‌نگێن دادنڤيسێ” ل پارێزگه‌ها دهۆكێ ب ئاماده‌بوونا لايه‌نێن په‌يوه‌نديدار كو هه‌ر ئێك ژ رێڤه‌به‌را فه‌رمانگه‌ها دادنڤيسيێ، نيدار محه‌مه‌د موفتى و نوونه‌رێ كۆمپانيا “INFO RR LTD” يا په‌يوه‌نديدار.
ئەڤرۆ نیوز، عەلی حاجی :
د سەرەدانەكێ بۆ باژێرێ زاخۆ ،وەزیرێ خواندنا بلند و ڤەكولینێن زانستی ئارام محەمەد و شاندەكێ دگەلدا،سەرەدانا زانكویا زاخۆ كر و ئاڤاهیێ كولیژا ئەندازیاری دناڤ زانكویا زاخۆ دا ب شێوەیەكی فەرمی ڤەكرن .
د كونگەرەیەكێ رۆژنامەڤانی دا، ئامانچ سەعید راوێژكارێ وەزیرێ خواندنا بلند و ڤەكولینێن زانستی دیار كر سەرەدانا وەزیری و تیما دگەلدا بۆ زانكویا زاخۆ د بەرنامێ وێ سەەردانا دو رۆژی یە بۆ پارێزگەها دهوكێ و ههه‌موو زانكویێن كوردستانێ و هەتا نوكە سەرەدانا چه‌ندین زانكویێن كوردستانێ كری یە ، پشتی سەرەدانا وەزیری بو هەر سێ زانكویێن زاخۆ و دهوك و پولی تەكینیكی ، مە ژ نێزیك ڤە دانوستاندن د گه‌ل جڤاتا زانكویان كریە،د واندانوستاندنان دا بەحس ل دارێشتنا پلانا چار سالێن بهێن بۆ وان زانكویێن سەر ب وەزارەتا مەڤە هاته كرن ، د كومبونان دا تەئكید ل سەر باشتركرنا رەوشا زانكویان هاتیە كرن ز چاوانیا پێشڤه‌برنێ ب ڤەكولینێن زانستی و پشتەڤانی كرنا زانكویان بۆ هندێ زانكو بشێن ژ روویێ ژێرخانان ڤە پێش بكەڤن د گەلەك تشتێن دی دا ، زانكویا زاخۆ ژ زانكویێن گرنكن بۆ وەزارەتا مە ژبەر كو ڤێ زانكویێ شیانێن گەشەكرنەكا باش یا هه‌ى و پێنگاڤێن باش هاڤێتینە د بابەتێن نێڤده‌وله‌تیكرنا كرنا سیستەمێ یۆلونی .
خەتاب شێخانی،رێڤەبەرێ گشتیێ دیوانا وەزارەتێ دیار كر وەكو وەزارەت ژ روویێ تەكنیكی ڤە یا به‌رهه‌ڤه بۆ وەرگرتنا قوتابیان د ناڤ زانكویان داهەر ئەڤرۆ مه یا راگه‌هاندى كو ناڤ و هژمارا نهێنی یا قوتابیان مە رەوانەی وەزارەتا پەروەردێ كریە و پشتی ئەزمونێن قوناغا دویێ دێ دەست ب وەرگرتنا قوتابیان كەین دا كو كێشەیا زۆر یا وەرگرتنا قوتابیان روونەدەت و ل دیواناجڤاتا وەزارەتا مه دانوستاندن هاتیه كرن و هه‌موو رێنما هاتینە دیار كرن ژبو هندێ ئەم ژڤێ ئاریشێ رزگار ببین،هنده‌ك زانكویان داخوازا ڤەكرنا خواندنا ئێڤاران كریە و هندەك ژی حەز ناكەن بهێتەڤەكرن،وەكو بریارا سەرەتایی بۆ ئەڤ سالە دێ خواندنا ئێڤاران بۆ پەیمانگەهانو كولیژا پەروەردێ بیت و هەتا نوكە ژی بریار نەهاتیە دەركرن بۆ بەردەوامی بونا خواندنا ئێڤاریان دناڤ زانكویان دا ،د كومبونا بهێت دا یا وەزارەتێ دێ بریار ل سەر هندێ هێتە دان .
لەزگین عەبدی ،سەروكێ زانكویا زاخۆ دیاركر ئەڤ سەرەدانە دێ بیتە دەرگەهەك وەزیرێ ناڤبری رەوشا زانكویێ بزانیت و گوه ل هزر و بیرێن زانكویا زاخۆ بگریت دەربارەیی كارناما زانكویێ،وەزارەتا ناڤبری گەلەك گرنگی ب كارناما حوكمه‌تێ كریە ب ووردبینی دووفچوونێ دكەت و بۆ ڤێ چەندێ ژی لژنەكا تایبەت پێكئینایە،كارناما چار سالان یا زانكویا زاخۆ ب دوماهی هاتیە وهه‌موو داخوازى و چالاكی و ڤەكولینێن زانستی و چاوانیا پێشخستنا زانكویێ هاتینە بەحس كرن و هاتیە رادەست كرن بۆ وەزیرێ خواندنا بلند و ڤەكولینێن زانستی و وەزیری ژی گەلەك ب گرنگی ئەڤ كارنامە وەرگرتیە و ب هێڤی نە ئەڤ كارنامە بهێتە جێبەجێ كرن دگەل سەروكاتیا جڤاتا وەزیران و دگەل دا ژی بودجەكا تایبەت بۆ ئاریشێن زانكویێ بهێنە دابین كرن و ئەم ڤێ پێنگاڤێ ب گرنگ دبینن .
داود ئەتروشی رێڤەبەرێ گشتیێ پرۆژەیان ل وەزارەتێ گوت : ل دۆر بابەتێ نە دانپێدانێ ب زانكویا زاخۆ ژلایێ حوكمه‌تا عێراقێ ڤە،بزاڤێن رژد هاتینە كرن ژلایێ حوكمه‌تا بوری ڤە ،د نوكە ژی دا دێ بزاڤێن باشتر ژی هێنە دكرن و بۆ ئێكلاكرنا ڤی بابەتی ژی دێ سەرەدانەك هێتە كرن ژلایێ وەزارەتێ ڤە و ئەز ل وێ باوەرێ مە لێك تێگەهشتنەكا باش یا هه‌ى د ناڤبەرا هەردو وەزارەتێن خواندنا بلند یا كوردستانێ و عیراقێ و هەتا نوكە ژی پێنگاڤێن باش هاتینە هاڤێتن بۆ چارەسەر كرنێ ، ژبەر قەیرانا داراییهه‌تا نوكە 38 پرۆژە هاتینە راوەستاندن د ناڤ زانكو و پەیمانگەهان دا و ئەو پروژێن نیڤە روو ماین و پروژێن نوو بهێنە دروست كرن ل دووڤ داخوازیێن زانكویان دێ بۆ وەزارەتێ هێنە ڤرێكرن و ئەم ژی ژلایێ خوەڤە دێ داخوازا بودجەكا پێدڤی كەین داكو ئه‌و پرۆژه بهێنه ده‌ستپێكرن وتمامكرن.
ئەڤرۆ نیوز ، عەلی حاجی :
ئەڤرۆ ل روژا سێ شەمبێ رێكەڤتی 27/8/2019 د سەرەدانەكێ داب بو باژیرێ زاخۆ ،وەزیرێ ئاڤەدانكرن و نیشتەجێكرنێ ل حكومەتا هەرێما كوردستانێ ،سەرەدانا چەندین پروژەیان ل باژێرێ زاخۆ دا.
د كۆنگرەیەكێ رۆژنامەڤانی دا دانا عەبدولحەمید،وەزیرێ ئاڤەدانكرن و نیشتەجێكرنێ دیار كر مەرەما سەرەكی ژڤێ سەرەدانێ ئەو بوو ژ نیزیك كێم و كاسیێن دەڤەرێ بزانین،داكو بكەینە د كارنامەیا پلانا چار سالی دا، د سەرەدانا خوە دا مە سەرەدانا چەند پرۆژەیەكا كر ژ وان ژی رێیا سەرەكی یا سحێلا كو نێزیكی 80% كارێن وێ ب دوماهی هاتیە و پروژەیەكێ باشە و دبیت ل دەستپێكا سالا بهێت ئەڤ پروژەیە ب دوماهی بهێت، هه‌روه‌سا رێیا ئیبراهیم خەلیل بۆ دێرەبونێ كو هەتا نوكە 90% كارێ وێ ب دوماهی هاتیە و بریارە دچەند هەیڤێن بهێت دا كارێ وێ ب دوماهی بهێت و پروژەیێ سیێ ژی شوقەیێن كێم دەرامەتایە ،ئەم سوپاسیا بەلێندارێ كومپانیا جێبەجێ كار دكەین ، كو ژ كاری نەراوەستیایە و ب داهاتێ خوە بەردەوامی دایە دروست كرنا شووقەیان،هەروه‌سا پێدڤیە ژی د زووترین دەم دا ئەو كێم و كاسیێن د خزمەتگوزاریان دا هەین بهێنە بجهئینان به‌رى ب دوماهی ئینانا ئاڤاكرنا شوقەیان .
گوت ژی : ل دووڤ وێ پلانا مە رەوانەی جڤاتا وەزیران كری و رازیبوون ل سەر هاتیە كرن كو 33 ملیار دینار دێ هێنە مه‌زاختن بۆ رێك و پران ل هه‌رێمێ ژ وان ژی 10 ملیار دینار بۆ رێك و پران ل پارێزگەها دهوكێ هاتینە تەرخان كرن ، دروست كرنا چەپێن زرێزەی ژى دناڤ پلانا وەزارەتێ دایە و هەر رێیەكا گرنگ بیت ، پێدڤیە بهێتە دروست كرن و بكەڤیتە د خزمه‌تا وه‌لاتیان دا.
ئه‌ڤرۆ نیوز:
وه‌زاره‌تا خواندنا بلند وڤه‌كۆلینێن زانستى ل هه‌رێما كوردستانێ رێزا 12 ئاماده‌یى ئاگه‌هدار دكه‌ت كو ل ده‌ستپێكا هه‌فتیا داهاتى سه‌ره‌دانا قوتابخانێن خوه بكه‌ن.
عه‌باس ئه‌كره‌م، په‌یڤدارێ وه‌زاره‌تا خواندنا بلند وڤه‌كۆلینێن زانستى د راگه‌هاندنه‌كێ دا دیاركر” پشتى بزاڤێن رێڤه‌به‌ریا گشتی یا خواندن وپلاندانان ودووڤچوونێ ل وه‌زاره‌تێ وناڤه‌ندا وه‌رگرتنا قوتابین، په‌یڤێن تێپه‌ر ونهێنى (پاسوورد ویوزه‌ر نه‌یم) بۆ هه‌موو ده‌رچویان هاتنه به‌هه‌ڤكرن وئه‌ڤرۆ ژى په‌یڤێن تێپه‌ر ونهێنى (پاسوورد ویوزه‌ر نه‌یم) هاتنه هنارتن بۆ وه‌زاره‌تا په‌روه‌ردێ”.
ناڤبرى داخواز ژ ده‌رچوویێن ریزا 12 ئاماده‌یى ب هه‌ردو خۆلێن ئێكێ و دویێ كو ل ده‌ستپێكا هه‌فتیا داهاتى سه‌ره‌دانا قوتابخانێن خوه بكه‌ن بۆ وه‌رگرتنا په‌یڤێن تێپه‌ر و نهێنى (پاسوورد و یوزور نه‌یم) بۆ وێ چه‌ندێ پاشى ب رێیا وان ( پاسوورد و یوزور نه‌یم) زانكۆلاینێ پر بكه‌ن.
نيشاندان