ئه‌ڤرۆ نيوز:
سه‌رۆكێ توركيا ره‌جه‌ب ته‌يب ئه‌دۆگان راگه‌هاند، دێ په‌كه‌كێ ژ ناڤ ئاخا عيراقێ ده‌رێخين ودياركر كو ئۆپه‌راسيۆنا خواكۆركێ ب سه‌ركه‌فتى ب رێڤه دچيت ول گه‌ل به‌رپرسێن عيراقى وئيرانێ ژى ل دۆر وێ ئۆپه‌راسيۆنێ و دهه‌ڤ هه‌لويستين.
ئه‌ردۆگانى د كۆنگره‌كێ رۆژنامه‌ڤانى دا گۆت” د ده‌مه‌كێ نێزيك دا دێ كۆنسۆلخانێن توركيا ل مووسلێ و به‌سرا ڤه‌كه‌ين، بۆ ڤه‌كرنا دو كونسۆلخانێن دى ل كه‌ركووكێ ونه‌جه‌فێ، مه داخوازى ئاراسته‌ى حوكمه‌ت عيراقێ كريه”.
ئه‌ڤرۆ نیوز:
ب سه‌رپه‌رشتیا فه‌رهاد ئه‌مین ئه‌ترووشی، پارێزگه‌رێ دهۆكێ، ئه‌ڤرۆ 6/8/2019 كۆمبوونا (43) یا لیژنا پیشه‌سازی ل پارێزگه‌ها دهۆكێ هاته سازكرن و تێدا 40 پرۆژێن پیشه‌سازی هاتنه په‌سه‌ندكرن.
د كۆمبوونێ دا به‌حسێ ره‌وشا پرۆژێن پیشه‌سازی ل پارێزگه‌هێ و چاوانیا پێشخستنا كه‌رتێ پیشه‌سازی یێ گشتی، ئه‌و ژی ب رێكا پشته‌ڤانیكرنا پرۆژێن وه‌به‌رهێنانێ یێن پیشه‌سازی ل سنوورێ پارێزگه‌هێ هاته كرن.
د لایه‌كێ دیێ كۆمبوونێ دا به‌حسێ داخوازیێن وه‌لاتیان بۆ چێكرنا پرۆژێن پیشه‌سازی ل جهێن جودا جودا ل سنوورێ پارێزگه‌ها دهۆكێ هاته كرن.
پارێزگه‌رێ دهۆكێ ته‌كه‌ز كر كو لیژنا پیشه‌سازی هه‌موو ئاسانكاریان و ل دووڤ رێنمایێن ده‌سته‌یا وه‌به‌رهێنانێ بۆ وه‌به‌رهێنه‌رێن ده‌ڤه‌رێ بكه‌ت بۆ وێ یه‌كێ خودان شیان و سه‌رمایه‌دار پرۆژێن پیشه‌سازی ئاڤابكه‌ن بۆ خزمه‌تكرنا وه‌لاتیێن پارێزگه‌هێ.
ل دووماهیا كۆمبوونێ و پشتی گه‌نگه‌شێن تێر و ته‌سه‌ل ل سه‌ر هژماره‌كا پرۆژێن پیشه‌سازی یێن داخوازكری ژ لایێ وه‌لاتیان ڤه هاتینه كرن، بڕیار هاته‌دان و رازیبوون ل سه‌ر هژماره‌كا داخوازیان هاته كرن و (40) پرۆژه ژی هاتنه په‌سه‌ندكرن.
ئەڤرۆ نیوز، نەوزاد هلوری:
ب مەرەما زێدەتر خزمەتکرنا شوفێران، د نووترین پرۆژەدا کومپانیەک رابوویە ب دانانا پانزينخانێن گەرۆک د ناڤا باژێرێ سلێمانیێ دا، کو دبیتە ئێکەم پانزینخانه ژ ڤی جۆری ل کوردستانێ.
هەڤال ئەبوبەکر، پارێزگارێ سلێمانیێ د کونگرەیەکێ رۆژنامەڤانی دا دیارکر کو پشتی چەندين بزاڤان ل دووماهيێ ئه‌و شيان پانزینخانێن گەرۆک ل سلێمانیێ بدانن و گوت: (ئومێدەوارین ئەڤ پانزینخانە بشێت خزمەتەکا باش بۆ خەلکێ سلێمانیێ بکەن).
دهێتە زانین کو پانزینخانا ناڤبری ژلایێ کومپانیەکێ هاتیە دانان و بهایێ لێترا وێ 50 دیناران ئەرزانترە ژ پانزینا پانزینخانێن دى و کوالێتیا وێ ژی باشترە.
ئه‌ڤرۆ نيوز:
ژێده‌ره‌كى ژ مووسل بۆ ئه‌ڤرۆ نيوز دياركر پشتى سه‌ره‌دانا ئه‌ڤرۆ سێشه‌مبى 6/8/2019 يا فالح فه‌ياز شيره‌تكارێ ئاسايشا نيشتمانى يا عيراقێ وهژماره‌كا سه‌ركردێن له‌شكرێ عيراقێ وميليشيێن حه‌شدا شه‌عبى بۆ مووسل، ژ ئه‌نجامێ ئالۆزيا كه‌فتيه د ناڤبه‌را له‌شكرێ عيراقێ و حه‌شدا شه‌عبى ل مووسل بتايبه‌تى ل سه‌ر هه‌بوونا بازگه‌هێن حه‌شدى وداخوازا له‌شكرێ عيراقێ بۆ ڤه‌كێشانا حه‌شدا شه‌عبى ل مووسل، و د ئه‌نجامدا حه‌شدێ رێيا مووسل بۆ هه‌ولێر داخستى وئه‌ندامێن وێ مانگرتن كرى د ناڤ مووسل دا، فالح فه‌ياز دياركر، د كۆمبوونه‌كێ ئه‌و گه‌هشتينه رێككه‌فتنه‌كێ كو بازگه‌هێن هه‌ڤپشك د ناڤبه‌را له‌شكرێ عيراقێ وحه‌شدا شه‌عبى ژ خه‌لكێ ده‌ڤه‌رێ بهێنه دانان ب تايبه‌تى ل ده‌شتا نه‌ينه‌وا.
وى ژێده‌رى دياركر ژى كو فالح فه‌ياز ئاماژه‌كر، پێدڤيه رێزگرتن ل سه‌روه‌ريا ده‌وله‌تێ بهێته گرتن ورێز ل رۆلێ له‌شكرێ عيراقێ بهێته گرتن، هه‌روه‌سا رێز ل حه‌شدا شه‌عبى ژى بهێته گرتن ب تايبه‌تى ئه‌وێن خه‌لكێ ده‌ڤه‌رێ.
وى ژێده‌رى گۆت ژى” مانگرتيێن حه‌شدا شه‌عبى مانگرتنا خوه ب دووماهى ئينا وچادرێن خوه ژ رێيان راكرن ئه‌وێن به‌رى نوكه ل ناڤ مووسل داخستين ژوان ژى رێيا مووسل – هه‌ولێر”.
ئه‌ڤرۆ نیوز، حه‌مۆ محه‌مه‌د:
ب مه‌ره‌ما سڤككرنا نه‌خوشیا وان ل سه‌ر وان، ل نه‌خۆشخانا هیڤی یا زارۆیان، جلكێن جه‌ژنێ ل سه‌ر 50 زارۆیێن نه‌خۆش هاتنه به‌لاڤكرن.
ل نه‌خۆشخانا هیڤی یا زارۆیان، ئه‌ڤرۆ 6/8/2019 گۆڤارا بازار ریكلام، وه‌كو كاره‌كێ خێرخوازی جلكێن جه‌ژنێ ل سه‌ر 50 زارۆیێن نه‌خوش به‌لاڤكرن.
سهام ماجد، خودانا ئمتیازا گۆڤارا بازار ریكلام بۆ ئه‌ڤرۆ نیوز گۆت: “مه ب فه‌ر زانی ب هه‌لكه‌فتا هاتنا جه‌ژنا قۆربانی، جلكێن جه‌ژنێ ل سه‌ر زارۆیێن نه‌خوش یێن نه‌خۆشخانا هیڤی یا زارۆیان به‌لاڤ بكه‌ین، مه‌ره‌ما مه ژی ئه‌و بوو كو نه‌خوشیێن وان ل سه‌ر سڤك بكه‌ین و كه‌یفا وان بینین بۆ جه‌ژنێ”.
ئەڤرۆ نیوز :عەلی حاجی:
پشتی رویدانا سووتنا ٢٠ چادران ل کەمپا چه‌م مشكو زەرەر و زیان بەر ب ۲۱ خێزانان کەڤتین نڤێسینگەها بەرسڤ دانا قەیرانان ل پارێزگەها دهوکێ هاریکاری گەهاندنە وان خێزانان.
خەلات ئوسمان بەرپرسێ ئاوارە و پەنابەران ل قایممقامیا زاخۆ بۆ ئەڤرۆ نیوز دیارکر لدووڤ داخازیا قایمقامیا زاخو جھێن پەیوەندیدار ب تایەتی نڤێسنگەھا بەرسڤ دانا قەیرانا ل پارێزگەھا دھوکێ رابون ب دابینکرنا ٢٠ چادر و٢٠ فێنکەرا و دەزگایێ بارزانیێ نەمر نڤێسینگەها زاخۆ و رێکخراوا قەندیل رابون ب دابینکرنا ھەمی کەل وپەلێن ناڤ مال و ئەرزاق وجل وبەرگان. ئەڤە ددەمەکێ دایە هەر ئەڤرۆ ل روژا سێ شەمبێ ئەو هاریکاری گەهشتنە کەمپا چەم مشکو و هاریکاری ل سەر زەرەرمەندان هاتنە بەلاڤ کرن و دێ هاریکاری دگەل وان دا هێتە کرن د دانانا چادران بو وان خێزانان.
ئەڤرۆ نیوز:
سەرۆک کۆمارێ ئیرانێ حەسەن رۆحانی راگەهاند کو شەرکرن ل گەل ئیرانێ ب ساناهی نابیت و هەکە ئەمریکا هێرشی ئیرانێ بکەت دێ گەلەک دەڤەر ببنە مەیدانا شەری، ژ بەر هندێ ژی ئەم دبێژین شەر د بەرژەوەندیا چو ئالیەکێ دا نینە.
سەرۆک کۆمارێ ئیرانێ ئەو یەک ژی راگەهاند کو وان خوە بۆ هەر ئەگەرەکێ ژی بەرهەڤ کرینە و بۆ شەری ژی بەرهەڤن.
ئه‌ڤرۆ نیوز، بارزان مزوورى:
شه‌مال محه‌مه‌د ئه‌دیب، رێڤه‌به‌رێ ناحیا باعه‌درێ بۆ ئه‌ڤرۆ نیوز گوت: ئه‌ڤرۆ رێككه‌فتى 6/8/2019 وه‌زاره‌تا سامانێن سرۆشتى یا حكومه‌تا هه‌رێما كوردستانێ ب هه‌ماهه‌نگى دگه‌ل كومپانیا هانت ئویا یا به‌رهه‌م ئینانا پترۆلێ ل سنورێ ناحیا باعه‌درێ جوتیارێن گوندێن”شكه‌فتیان، عین سڤنێ، گه‌لى خدێدا، ئێسیان و باعه‌درێ” ئه‌و جوتیارێن عه‌ردێ وان یێ چاندنێ كه‌فتیه به‌ر بلوكێ كارێ كومپانیێ هاتنه قه‌ره‌بووكرن.
ناڤهاتى خویاكر سه‌رجه‌مێ وانا 97 جوتیار بوون بكوژمێ 112 ملیون دینارا هاتن قه‌ره‌بوكرن ژ قه‌ره‌بویا سالا 2019.
ناڤهاتى گوت : لدووڤ بریارا وه‌زاره‌تا سامانێن سرۆشتى ئه‌و عه‌ردێن چاندنێ ئه‌وێن دكه‌ڤنه به‌ر بلوكێ كومپانیێ سالانه دهێنه قه‌ره‌بوكرن لدووڤ رێژا دونه‌مێن عه‌ردى.
ئه‌ڤرۆ نیوز، بارزان مزوورى:
ئه‌ندامێ لقا 14 مووسل یا پارتى دیموكراتى كوردستان بۆ ئه‌ڤرۆ نیوز گوت: ئه‌ڤرۆ نیڤرۆ رێكه‌فتى 6/8/2019 ل زالگه‌ها بازیوه یا حه‌شدا شه‌عبى ل ده‌ڤه‌را باشیك ئافره‌ته‌ك كو خه‌لكێ باژێرێ مووسل بوو دا ده‌ربازى هه‌رێما كوردستانێ بیت ژلایێ حه‌شدا شه‌عبى ڤه رێك هات بوو داخستن ژ گه‌رمادا ل زالگه‌هێ گیانێ خۆ ژ ده‌ست دا.
عیماد باجه‌لان خویاكر ئه‌ڤه‌ى دوهى سپێدێ رێكه‌فتى 5/8/2019 لیوا/30 یا حه‌شدا شه‌عبى رێك داخستیه ناهێلیت خه‌لك و بازرگان هاتن و چونێ لێ بكه‌ن ئه‌ڤرۆ پارێزگارێ مووسل دگه‌ل سه‌ركرده‌یێن حه‌شدێ كومبویه كو ماوێ دو ده‌مژمێرێن دى زالگه‌ها چول بكه‌ن لدوڤ بریارا عادل عبدالمه‌هدى و له‌شكه‌رێ عێراقێ و پولیس زالگه‌ها بگرن.
ناڤهاتى گۆت: حه‌شدا شه‌عبى دناڤ گوندان دگه‌رێت ب زورى خه‌لكى پالده‌ن بهێنه سه‌ر رێكا خوپیشاندانێ بكه‌ن وه‌ك نه‌رازیبون كو زالگه‌ه نه‌هێن چولكرن ژلایێ حه‌شدێ ڤه .
ئەڤرۆ نیوز، عەلی حاجی :
پشتی ئەڤرۆ ل روژا سێ شەمبێ ل دەمژمێر ٦:۲۰ خولەک ژ ئەگەرێ شورتەکێ کارەبێ ۲۰ خيڤه‌تێن دناف کەمپا چەمشکو دا سوتین و زیانێن ماددی بەر خودانێن وان کەڤتین نوكه كار بۆ قه‌ره‌بووكرنا وان دهێته كرن.
مەئمون یەحیا رێڤەبەرێ کەمپا چەمشکو بۆ، ئه‌ڤرۆ نیوز ئاشکەرا کر پشتی ئەو روودانا سوتنێ روویدای دناڤ کەمپێ دا ئێسکەر قایممامێ زاخۆ و سەرۆکێ باژێرڤانیا زاخۆ و رێڤەبەرێ ئاسایشا زاخۆ ل جهێ روودانێ ئامادەبوون و بەرهەڤیا خوە دیار کرینە کو زووترین دەم دا ئەو هاولاتی یە بهێنە قەرەبوکرن، هەر دیسان بۆ قوناغا ئێکێ مە جهەک بۆ وان خێزانان دەست نیشان کرینە کو ژیانا خوە دەرباز بکەن دناڤ کەمپێ دا، هەتا کو جهێ وان بهێتە نووژەنکرن.
ناڤهاتی گوت ژی: دێ هەوەکا مەزن دناڤ کەمپێ دا دەست پێ کەین داکو جل و بەرگ و پێدڤیێن خارنێ بۆ ڤان ۲۱ خێزانا بهێنە دابین کرن و هەر دیسان دنوکە دا ئەم چاڤەرێ هندێ نە راپورتا بەرەڤانیا باژێری نە ژبو وێ چەندێ ئەم بزانین زەرەرو زیانێن وێ روودانێ چەندن ل پشت را ئەو راپورت دێ هێتە رەوانەکرن بۆ جهێن شولەژێ و زێدەباری وێ چەندێژی مە راپورتەک دی ڤرێکری یە بو بوردێ کاروبارێن مروڤانل پارێزگەها دهوکێ دا کو ئەو ۲۱ خێزان بهێنە قەرەبوکرن و چادرێن نوو بو وان بهێنە دابین کرن.
نيشاندان