ئەڤرۆ نیوز:
فەرست سوفی پارێزگارێ هەولێرێ پێشوازی ل بالیوزێ ئەرمەنستانێ ل بەغدا کر و د روونشتنەکێ دا هیراچیا پۆلادیان بالیوزێ ئەرمەنستانێ ل بەغدا راگەهاند کو وان دڤێت پەیوەندیێن خوە ل گەل هەرێما کوردستانێ باشتر لێ بکەن و ژ بەر هندێ ژی نها کار دکەن دا د دەمەکێ نێزیک دا کونسولخانا خوە ل هەولێرێ ڤەکەن.
پارێزگارێ هەولێرێ ژی کەیفخوەشیا خوە ل هەمبەر ڤەکرنا کونسولخانا ئەرمەنستانێ ل هەولێرێ دیار کر و راگەهاند ئەو بەرهەڤن ب هەموو رەنگەکێ هاریکار بن.
ئەڤرۆ نیوز:
وەزارەتا ساخلەمیا هەرێما کوردستانێ ئامارا ٢٤ دەمژمێرێن بۆری بەلاڤکر کو تێدا هاتیە دیار کرن ٥٤٥ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و ١٩ تووشبوو ژی مرینە.
ل پارێزگەها دهۆکێ ژی ٢١١ کەسێن دی تووشی کۆرۆنایێ بووینە و ٧ تووشبوو ژی مرینە کو ل چاڤ رۆژێن بۆری رێژا مرنێ ل دهۆکێ زێدە بوویە.
ئه‌ڤرۆ نیوز:
پشتی گازندێن سه‌رۆكا په‌رله‌مانێ كوردستانێ، ده‌مێ كۆمبوونا په‌رله‌مانێ كوردستانێ هاته گوهارتن، و سكرتێرا په‌رله‌مانی ژی به‌حسا چاره‌كرنا ئه‌وێ ئاریشه‌یێ دكه‌ت.
مونا قاوه‌چی سكرتێرا په‌رله‌مانێ كوردستانێ راگه‌هاند بریاره هه‌فتیا بهێت ده‌سته‌یا سه‌رۆكاتیا په‌رله‌مانێ كوردستانێ میكانزمه‌كێ بۆ چاره‌كرنا ئاریشه‌یا به‌رهه‌ڤنه‌بوونا په‌رله‌مانتاران ل هولا كۆمبوونا دابنیت.
بریاره ئه‌ڤرۆ ده‌مژمێر 2 پشتی نیڤرۆ په‌رله‌مانێ كوردستانێ رینشتنا ژماره 4 یا ئاسایی یا خۆلا پائیزی یا سالا دوێ ژ خۆلا پێنجێ یا هه‌لبژارتنان برێڤه بچیت.
بۆ جارا ئێكێ یه كۆمبوونا په‌رله‌مانێ كوردستانێ دكه‌ڤته پشتی ده‌مژمێر 2 نیڤرۆ ئه‌ڤه ژی پشتی گازندا رێواز فایه‌ق سه‌رۆكا په‌رله‌مانێ كوردستانێ هات كۆ راگه‌هاند بوو، پشكه‌كا په‌رله‌مانتاران پێگیری ده‌مێ كۆمبوونێ نابن.
به‌رنامه‌یێ كارێ كۆمبوونا په‌رله‌مانێ كوردستانێ بۆ ئه‌ڤرۆ خاندنا دوێ بۆ پرۆژه‌یی یاسایا بستوڤه‌كرنا قه‌رمانبه‌رێن هه‌رێما كوردستانێ یه.
ئه‌ڤرۆ نیوز، له‌زگین جوقی:
د. نزار عسمه‌ت، رێڤه‌به‌رێ گشتی یێ ساخله‌میا پارێزگه‌ها دهۆكێ دیاركركو ئه‌ڤرۆ 9/9/2020ێ كۆمپانیا فاستلینك پشته‌ڤانی و هاریكاریێن ساخله‌میێ پێشكیشی دهۆكێ كرن دپێكهاتی بوون ژ 14 ئامیرێن هه‌ناسه‌دانا ده‌ستكرد دگه‌ل هژماره‌كا ماسكا”.
د. نزار عسمه‌ت، رێڤه‌به‌رێ گشتی یێ ساخله‌میا پارێزگه‌ها دهۆكێ گۆت: كوژمێ نیزیكێ 100 ملیۆن دینار مه‌زاختین ڤان هاریكاریێن ساخله‌میێ مه دهۆكێ پێدڤی ب ڤان جۆره هاریكاریان هه‌بوویه ژبه‌ر زێده‌بوونا نه‌خۆشیا كۆرۆنایێ وزێده‌بوونا وان تووشبوویان یێن پێدڤی ئامیرێ هه‌ناسه‌دانا ده‌ستكرد هه‌ین ئه‌م هیڤدارن خه‌لكه‌كێ خێرخواز بهێن پشته‌ڤانیێ ل ساخله‌میا دهۆكێ بكه‌ن ژبه‌ر پێدڤیا زۆر ب هه‌بوونا پشته‌ڤانیێ هه‌روه‌سا نۆكه به‌رنامه‌كێ دی ل دهۆكێ ده‌ستپێكریه بۆ چاره‌سه‌ركرنا تووشبوویێن كۆرۆنایێ.
ئاشكه‌را كركو رێژا كۆرۆنایێ رۆژ دووڤ رۆژی دزێده‌بوونێ دایه رێژا گیان ژ ده‌ستدانێ ل دهۆكێ 1% یه سرۆشتی ڤێ نه‌خۆشی بخۆ وه‌سا یه 80% نیشانیێن وێ سڤكن یان دبێ نێشانن و 20% تووشبوویان ئه‌ون یێن نێشان ده‌ڤ دیاربن وهنده‌ك ژی نیشانێن وان دژوارن هیڤێ دكه‌ین هژمارا تووشبوویان كێم بیت دا بشێن خزمه‌تا وان تووشبوویان بكه‌ین یێن پێدڤی ب نه‌خۆشخانێ هه‌ین راستی بارگرانیی ل سه‌ر نه‌خۆشخانه‌یان چێبوویه و پتریا تووشبوویێن ناڤ نه‌خۆشخانه‌یان دا ئه‌ون یێن پێدڤیی ب ئوكسجینێ وئامیرێ هه‌ناسه‌دانا ده‌ستكرد بن.
ئه‌ڤرۆ نیوز:
ئه‌ڤرۆ سپێدێ 9/9/2020 د.علی ته‌ته‌ر پارێزگارێ دهۆكێ سه‌رپه‌رشتیا كۆمبوونه‌كا تایبه‌ت ل گه‌ل چه‌ند فه‌رمانگه‌هێن ئه‌ندازیاری وخزمه‌تگوزاری كر.
دكۆمبوونێدا دانوستاندن لدوردانانا میكانزمه‌كا نوویا ئاڤه‌دانكرنێ ل سنورێ پارێزگه‌ها دهوكێ كر.
پارێزگارێ دهوكێ فه‌رمانگه‌هێن پشكدار راسپاردن كو پلان و میكانزمه‌كا نوو یا ئاڤه‌دانكرنێ ل ناڤ باژێر وباژێركێن پارێزگه‌هێ به‌رهه‌ڤكه‌ن وهه‌موو ئاڤاهی وپروژێن ئاڤه‌دانكرنێ ل دوڤ رێنما ویاسایێن حكومه‌تا هه‌رێمێ وب كوالیتیه‌كا پێشكه‌فتی بهێنه دورستكرن وپشته‌ڤانیا كارگێریا پارێزگه‌هێ نیشان دا بۆ بجهئینانا میكانزما نوو.
ئه‌ڤرۆ نیوز:
نابیت ل ده‌مێ رێكخستن یان گوهورینا گرێبه‌سته‌كا كرینا یه‌كه‌یێن ئاكنجیبوونێ پاره ژ بكران بهێنه وه‌رگرتن.
رێڤه‌به‌راتیا وه‌به‌رهێنانێ ل پارێزگه‌ها دهۆكێ د راگه‌هاندنه‌كێ دا به‌لاڤكریه و تێدا هاتیه، ئەڤرۆ ل رێکەفتی 9/9/2020هەوا ئاگەهدارکرنا خودانێن پڕۆژێن ئاکنجیبوونێ ل سەر وێ بڕیارا ژ لایێ حکومەتا هەرێما کوردستانێ بۆ بەرژەوەندیا گشتی یا وەلاتیان هاتیەدان کو (نابیت پارە بەرامبەر رێکخستن یان گهۆڕینا گریبەستا کڕینا یەکێن ئاکنجیبوونێ ژ بکڕان بهێتە وەرگرتن، ل سنوورێ قەزایێن سەر ب پارێزگەها دهۆکێ ڤە (دهۆک، سێمێل، زاخۆ، ئاکرێ، بەردەڕەش و ئامێدیێ) بدوماهی هات.
هه‌ر د ئه‌وێ راگه‌هاندنا رێڤه‌به‌ریا وه‌به‌رهێنانا دهۆكێ ئاماژه ب وێ چه‌ندێ هاتیه دان كۆ هه‌وا ئاگه‌هداركرنێ ب رێكا نڤیساره‌كا فه‌رمی و پوسته‌ره‌كێ فیلیكسی بۆ هه‌موو پرۆژێن ئاكنجیبوونێ هاتیه ئاراسته‌كرن.
رێڤه‌به‌راتیا وه‌به‌رهێنانێ ل پارێزگه‌ها دهۆكێ ئه‌و چه‌نده ژی د راگه‌هاندانا خوه دا دیاركریه هەر دەما پارە بەرامبەر رێکخستن یان گهۆڕینا گرێبەستێ ژ وەڵاتیان هاتە وەرگرتن، ل وی دەمی وەڵاتی دێ سکاڵایا خۆ پێشکێشی رێڤەبەریا گشتی یا وەبەرهێنانێ کەت یان ژی پەیوەندیێ ب ڤێ ژمارێن ٠٧٥١٤١٠٩٦٧٦
٠٧٥٠٨٧٧١٠٥٤ مه کەت.
ئه‌ڤرۆ نیوز:
بومبه‌ك ب كاروانێ ترۆمبێلێن جێگرێ سه‌رۆكێ ئه‌فغانستانێ ته‌قی و شه‌ش ژ زێره‌ڤانێن وی هاتنه كوشتن و ئه‌و ژی برینداره.
په‌یڤدارێ وه‌زاره‌تا ساخله‌میا ئه‌فغانستانێ راگه‌هاند ب ئه‌گه‌رێ ته‌قینه‌كێ 12 كه‌س بریندار بوون و شه‌ش كه‌س ژی هاتنه كوشتن، عه‌مروللا سالح جێگرێ سه‌رۆكێ ئه‌فغانستانێ ژی برینداره.
عه‌مروللا سالح د ڤیدویه‌كێ دا راگه‌هاند ئه‌زێ باشم به‌لێ هنده‌ك ژ زێره‌ڤانێن من بریندارن و ئه‌ز و كورێ خوژی د باشین.
ته‌قین د ده‌مه‌كی دایه كۆ پێشبینی دهاته‌كرن، دانوستاندنێن ئاشتیێ و دانوستاندنێن حكومه‌تا ئه‌فغانستان و بزاڤا تالیبان ل باژێرێ دوحه‌یا پایته‌ختێ قه‌ته‌رێ ده‌ست پێ بكه‌ت.
ئه‌ڤرۆ نیوز:
رێ و رسمێن فه‌رمی یێن ئیمزاكرنا ئاسایكرنا په‌یوه‌ندیێن دناڤبه‌را ئیسرائیل و ئیمارات، ل 15 ئیلول ل كۆچكا سپی هێته ئه‌نجام دان.
به‌رپرسێن كوچكا سپی ئه‌و چه‌نده راگه‌هاند رێ و رسمێن ئیمزاكرنا رێكه‌تنا ناڤبه‌را ئیسرائیل و ئیماراتێ ل رۆژا 15 ئیلول ل كۆچكا سپی ب مێڤانداریا دونالد تره‌مپ سه‌رۆكێ ئه‌مریكا برێڤه دچیت.
دهێته چاڤه‌رێكرن شاندێ ئیسرائیلێ ب سه‌رۆكاتیا بنیامین ناتانیاهو سه‌رۆك وه‌زیرێ ئیسرائیلێ و شاندێ ئیماراتێ ژی ب سه‌رۆكاتیا محه‌مه‌د بن زاید برایێ جهنشینێ ئیماراتێ و عه‌بدولا بن زاید ئالنهیان وه‌زیرێ ده‌رڤه‌یێ ئیماراتێ بیت.
ل 13 ئاب دونالد تره‌مپ دناڤبه‌را ئیماراتێ و ئیسرائیلێ راگه‌هاند ئه‌ڤه د ده‌مه‌كی دایه ئیمارات پشتی مسرێ ل سالا 1979 و ئوردن ل سالا 1994 دبیته وه‌لاتێ سیێ یێ عه‌ره‌بی رێكه‌تنا ئاسایكرنا په‌یوه‌ندیێن خوه ل گه‌ل ئیسرائیلێ ئیمزا بكه‌ت.
ئه‌ڤرۆ نیوز:
به‌رپرسه‌كێ وه‌زاره‌تا ساخله‌میا عیراقێ ده‌مێ هاتنا پێلا دوێ یا كورونایێ دیاری دكه‌ت.
ریاز عه‌بدلئه‌میر رێڤه‌به‌رێ ساخله‌میا گشتی ل وه‌زاره‌تا ساخله‌میا عیراقێ راگه‌هاند زێده‌بوونا توشبوویێن ب كورونایێ ل عیراقێ ساخبوون ژی زێده‌كریه و گه‌هشتیه چار هزار كه‌سان د رۆژێ دا، هه‌ر رۆژا ژماره‌یا پشكنینێن كورونایێ زێده‌تر بیت، راسته‌وخو ژماره‌یا توشبوویان بلندتر دبیت.
ناڤبری ئه‌و چه‌نده ژی راگه‌هاند پێلا دوێ یا كورونایێ ئه‌وی ده‌می هێت، كۆ پێلا ئیكی به‌ره‌ڤ بێ هێزیێ بچن، پێلا دویێ یا كورونایێ ل هه‌یڤا 10 یا ئیسال دێ ل عیراقێ سه‌رهلده‌ت ره‌نگه ژماره‌یا توشبوویان بلندتر بیت.
ئەڤرۆ نیوز:
پەیڤدارێ سەرۆک وەزیرێن عیراقێ دیار کر: حوکمەتا عیراقێ بەرپرسیارە بەرامبەر وەلاتیێن کورد، بەلێ بۆ بابەتێ رێککەفتنێ ل سەر مووچەی داخواز دکەت هەرێما کوردستانێ پابەندی دستووری، پرسا نەفتێ و داهاتێ دەروازێن سنووری بیت و گۆتیە، د رێککەفتنا ڤێ جارێ دا دستوور دێ بنەما بیت.
ئەحمەد مەلا تەلال، پەیڤدارێ سەرۆک وەزیرێن عیراقێ ئەڤرۆ سێشەمبی 8 ئیلۆنا 2020 کۆنگرێ رۆژنامەڤانی یێ حەفتیانە سازکر، د بەرسڤا پرسیارەکێ دا سەبارەت بزاڤێن هەولێر و بەغدا بۆ رێککەفتنێ ل سەر بودجێ گشتی و هنارتنا مووچێ فەرمانبەرێن هەرێما کوردستانێ، راگەهاند، رێککەفتنا ڤێ دووماهیێ یا دناڤبەرا سەرۆک وەزیرێن عیراقێ و سەرۆک وەزیرێن هەرێما کوردستانێ هاتیە کرن و گوتیە، بەندێن وێ رێککەفتنێ و ئەنجامێ وی ئەوە، کو دەولەت ل بەرامبەر وەلاتیێن کورد بەرپرسیارە.
سە‌میر ھە‌ورامی، پەیڤدارێ جێگرێ سە‌رۆكێ حوکمەتا ھەرێما كوردستانێ گۆتیه: حوکمەتا ھەرێما کوردستانێ ئامادە‌یا خوە دە‌ربریە بۆ رێككە‌فتنێ ل گەل حوکمەتا عیراقێ سەبارەت پرسا داھاتێ نەفتێ و نافخۆ و داھاتێ دەروازێن سنووری.
نيشاندان