ئه‌ڤرۆ نیوز، نه‌وزاد هلۆرى:
ب مه‌ره‌ما زێده‌تر گرنگیدان ب كه‌رتێ گه‌شتوگۆزار و خزمه‌تكرنا گه‌شتیاران، كارگێریا هاڤینگه‌ها گه‌لیێ شێرانه رابویه ب نوژه‌نكرن و چێكرنا هژماره‌كا گورانكاریێن نوو لهاڤینگه‌ها ناڤبرى، ئه‌و پێشبینى دكه‌ن هژماره‌كا زور یا گه‌شتیاران ئه‌ڤساله قه‌ستا هاڤینگه‌ها گه‌لیێ شێرانه بكه‌ن.
ئەڤرۆ نیوز:
ئە ڤرو..تاکە روژنامە ودەزگایێ کوردی یە دێ ب فەرمی پشکداریێ د کاسا جیھانی یا ئافرەتان france ٢٠١٩ uh ئە وا دێ ھە شتی ھە یڤا بھێت ب پشکداریا ٢٤ وە لاتان ھێتە کرن.
پشکداریا روژنامێ دێ برێکا ھە ڤکار و پەیامنێرێ رۆژناما ئەڤرۆ ل ئوروپا ئازاد گولەیی بیت پشتی کو فیفایێ ب فەرمی رازەمەندیا خوە دەربری داکو رۆژناما ئەڤرو پشکداریێ د ڤێ قارە مانیا جیھانی دا بکە ت.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشه‌مبى رێکەفتی 6ى گۆلانا 2019ێ دهێته پێشبينكرن ئه‌سمان دێ ئه‌وره‌كێ ناڤه‌ندى بيت و ئه‌گه‌رێ بارانه‌كا هوور ل ده‌ڤه‌رێن چيايى يا هه‌ى.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ئه‌وره‌كێ ناڤه‌ندى بيت و ئه‌گه‌رێ بارانه‌كا هوور ل ده‌ڤه‌رێن چيايى يا هه‌ى.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ د ناڤبه‌را 9 بۆ 10کم دا بیت، پلێن گەرمێ ژی دێ د ناڤبەرا 12 بۆ 25 پلان دا بن.
ئەڤرۆ نيوز:
سەرەراری نەخوارن و ڤەخوارنێ ژ ئەگەرێ رۆژیگرتنێ د ھەیڤا رەمەزانێ دا، گەلەک کەس قەلەو دبن و قەلەویا وان ژبۆ نەدووڤچوونا شێوازەکێ دروستێ خوارنێ و مژوولبوونا وان ب شەڤێ ھەمیێ ب خوارنێ ڤە ڤەدگەریت و دیسان نەئەنجامدانا وەرزشێ و وەرزش ژ کارێن گرنگە دھەیڤا رەمەزانا پیروز دا داکو لەشێ مرۆڤی یێ ب ھێز بیت و دوبارە ب ڤەژیتەڤە و شێوازێن دروستێن خوارنا ساخلەم باشترین دەرگەھن کو مرۆڤ ب ساخلەمی ژینا خۆ ببورینیت.
ژبۆ نەھێلانا قەلەویێ د ھەیڤا رەمەزانێ دا پێدڤیە ھەڤسەنگیەک دناڤبەرا خوارنا پاشیڤێ و فتارێ دا ھەبیت و باشترە خوارنا مرۆڤی یا پێکھاتی بیت ژ خوارنێن کو ( زوو بھێنە ھەرسکرن و مرۆڤی تێر بکەن، کێم کاوری دناڤدا ھەبن و گەلەک پێکھێنەر و ژێدەرێن خوارنێ دناڤدا ھەبن و لەورا ژی باشترە مرۆڤ دەستپپێبکەت ب ڤەخوارنا ئاڤێ یان شەربەتێ یان زەلاتێ و دیسان باشترە مرۆڤ دانەکی کاربوھیدراتان وەکو ( مەعکەرونا و پتات و برنجی) ب کەمیەکا کێم بخوت، دگەل زەلاتەکا کەسکاتیێ و خوارنا ماسیێ.ھەروەسان دێ باشتر بیت ھەکە شریناھی ب دو دانێن سڤک بھێنە خوارن.
ژبوونا وێ چەندێ مرۆڤ ب باشترین ساخلەمی رۆژیێن خۆ ببورینیت، باشترە مرۆڤ ل پاشیڤان زەلاتێ و پارچەیەکا نانی یان گوشتی یان مریشکێ بخوت دگەل فێقی و ماستی و شوربێ بەلێ پێدڤیە گەلەک چەوری دناڤدا نەبن.
ل دەمێ فتارێ ژی باشترە ماعونەکا شوربێ دگەل خوارنێن کاربوھیدری و زەلاتێ بھێنە خوارن و خوارنا شرینی ژی یا پێدڤیە بەلێ بێی ئیسرافکرن، ب ڤی رەنگی ھەر کەسەک دێ شێت سەنگێ خۆ راگریت و مرۆڤێن قەلەو ژی ب شێوەیەکێ سروشتی زەعیف دبن.
ژبوی مرۆڤ پاراستنا بەژ زراڤیا خۆ بکەت یا پێدڤیە ل دووڤ چەند رێیەکان خوارنێ ئامادە بکەت وەکو خوارنێن ب روین و شرین کێم بکەت بەلێ نەکو ب ئێکجاری خۆ ژێ دوور بکەت، دیسان ڤەخوارن و شلەمەنیێن دەستکرد کێم بکەت و ل جھێ وان ئاڤەماستێ یان عەێیرا فێقی ڤەخوت و ھندی دشیان دابیت دگەل خوارنێ ئاڤێ و شەربەتێ نەڤەخوت.
ھندەک ژ رۆژیگران ل دەمێ رەمەزانێ ھندەک خەلەتیان دوارێ خوارنێ دا دکەن و ئەو خەلەتی دبنە ئەگەر کو سەنگێ وان زێدەببیت و قەلەو بن و ژ گرنگترین وان خەلەتیان دێ دەست ب فتارێ کەن ب خوارنا گەلەک شریناھیان و ب شەڤێ ھەمیێ دێ بەردەوام خوارنێ خوون و ئەڤە کارتێکرنێ ل سەنگێ وان دکەت. ھەروەسان ل دەمێ پاشیڤێ ھندەک ھەنە دێ خوارنێن پری روین دخون ب مەرەما وێ چەندێ کو برسی نەبن، ئانکو ب کورتی ئەم دشێین بێژین ھەیڤا رەمەزانێ بۆ ھندەک ژ خەلکی وەکو فیستەڤالا خوارنێ یە و ئەڤ چەندە ل دھۆکێ ژی یا بەرچاڤە و دبیتە ئەگەرێ قەلەویێ و دیسان راستە ھندەک کەسێن نەخوش ژی مفای ژ رەمەزانێ دبینن دەمێ خوارنێ کێم دخون بەلێ ب شەڤێ دوبارە دەست ب خوارنێ دکەنەڤە و یا باشتر ئەوە ل جھێ ڤێ چەندێ رۆژیگر خو ب وەرزشێ ڤە مژوول بکەت داکو ھێز و شیانێن وی بھێنە ڤەژاندن و بشێت کارێن خو یێن رۆژانە ئەنجام بدەت.
ئەڤرۆ نيوز:
ئەندامەکێ لیژنا موەلیدان ل پارێزگەھا دھۆکێ راگەھاند، رێژەیا کارەبا دھۆکێ ژ پارێزگەھێن دی کێمترە و نھا 110 مێگاواتێن کارەبا پارێزگەھا دھۆکێ ژ پارێزگەھێن دی کێمترە و سێ ئەگەر بۆ کێمبوونا رێژەیا کارەبا دھۆکێ ھەنە.
کاوە عەبدولعەزیز، ئەندامێ لیژنا بلند یا موەلیدەیان ل پارێزگەھا دھۆکێ ژ جڤاکێ سڤیل بۆ ئەڤرۆ نيوز دیار کر، سێ ئەگەر بۆ کێمبوونا کارەبا گشتیا دھۆکێ ھەنە، ئەگەرێ ئێکێ: رێژەیا 24% یا کارەبا دھۆکێ ب دروستی ناگەھیت و 110 مێگاوات کێمتر دگەھن، ئەگەرێ دویێ: ئەوە 50 مێگاواتێن کارەبا دھۆکێ بۆ کەمپێن ئاوارەیان ژ بەھرا دھۆکێ دچن و یا سیێ ژی: 50 مێگاواتێن بەھرا کارەبا دھۆکێ بۆ دەڤەرێن مادێ 140 دچن.
ئاشکرا ژی کر کو پێدڤیە کارەبا کەمپێن ئاوارەیان و کارەبا دەڤەرێن نوو رزگارکری بکەڤیتە سەر بەھرا کوردستانێ، دا کو کارەبا دھۆکێ باشتر لێ بھێت و بەھرا وێ دروست بگەھیت و ئەگەر ئەڤ ھەر سێ ئەگەرە بھێنە چارەسەرکرن، دێ رەوشا کارەبا دھۆکێ گەلەک باش بیت و وەکو پارێزگەھێن دی لێ ھێت.
کاوە عەبدولعەزیز ئاماژە ب ھندێ ژی کر کو بۆ مەھا چار یا ئەڤ سالە ل گۆرەی پیڤەرێن دانا کارەبا گشتی و کارەبا موەلیدەیان، بۆ ھەر ئەمپێرەکێ کارەبێ 7500 دینار ھاتنە دەستنیشانکرن، ھەروەسا بڕیار ژی ھاتە دان بۆ مەھا رەمەزانێ کارەبا پارێزگەھا دھۆکێ ببیتە 24 دەمژمێری، ھەر دەمێ کارەبا گشتی بچیت، ئێکسەر موەلیدە بھێتە ھەلکرن.
ل گۆرەی پێزانینێن ئەڤرۆ نيوز ب دەستخۆڤە ئیناین، پارێزگەھا دھۆکێ بۆ بەلاڤکرنا کارەبا گشتی بۆ ماوێ 24 دەمژمێران پێدڤی ب 900 مێگاواتان ھەیە و ب تنێ دو وێستگەھێن بەرھەمئینانا کارەبێ یێن کواشێ ل دھۆکێ کاردکەن و وێستگەھا باعەدرێ کو رێژەیەکا کێم یا کارەبێ بەرھەم دئینیت و تێرا دھۆکێ ناکەت، ژ بەر نەبوونا سۆتەمەنیێ.
ئەڤرۆ نيوز:
بریارە ئەڤرۆ ئێکشەمبی 5/5/2019 شاندەکێ بلند یێ پارتی دیموکراتی کوردستان ب سەرۆکاتیا نێچیرڤان بارزانی جێگرێ سەرۆکێ پارتی سەرەدانا پارێزگەھا سلێمانیێ بکەت ول گەل ھەر ئێک ژ ئێکەتی نیشتمانی کوردستان وبزاڤا گۆران کۆم ببیت.
سەرەدانا شاندێ پارتی ب مەرەما پێکئیانا کابینا نوو یا حوکمەتا ھەرێما کوردستانێ یە، پێشبینی دھێتە کرن رێککەفتن ل گەل ئێکەتی وگۆران ل دۆر پشکداریا وان د کابینا نوو یا حوکمەتێ دا و پۆستێن وان تێدا بھێتە ئیمزاکرن.
ل رۆژا 30 ئەیلولا 2018 ھەلبژارتنێن پەرلەمانێ کوردستانێ ھاتنە ئەنجامدان وتێدا پارتی دیموکراتی کوردستان پتریا کورسیان بدەستڤەئینان وئەرکێ پێکئینانا حوکمەتێ کەفتە ستوویێ پارتی، بەرپرسێن پارتی پشتی ھەلبژارتنان راگەھاند کو ناخوازن ب زوورینە حوکمەتێ پێکبینیت، لەوما بریارا دانوستاندنێ ل گەل ئێکەتی وگۆران دەرکر.
پارتی خودان 45 کورسی یە وئێکەتی 21 کورسی وگۆران 12 کورسی، بەلێ پشتی بۆرینا چەندین ھەیڤان ژ ھەلبژارتنان ھەتا نوکە کابینا نەھێ یا حوکمەتێ نەھاتیە پێکئینان ژبەر داخوازیێن ئێکەتیێ ورێکنەکەفتنا وێ ل گەل گۆران، ھەرچەندە بەری ئێکەتیێ، پارتی رێککەفتن ل گەل گۆران ئیمزاکر وھژمارەکا پۆستان پێ دا، بەلێ بۆ وێ چەندێ کوردستان ژ گەف ومەترسیان یا پاراستی بیت، پارتی پێکئینانا حوکمەتێ ژبەر ئێکەتیێ پاشخست ول دووڤ پھەرلەمانتارەکێ پارتی، بریارە ئەڤرۆ ھەموو ئەو رێککەفتنە بۆ پێکئینانا حوکمەتێ بھێنە ئیمزاکرن.
ئێکەتی نیشتمانی کوردستان دبینیت کو شیایە دەستکەفتێن خوە د دانوستاندنێن پێکئینانا حوکمەتێ ب دەستڤەبینیت ئەوژی پشتی داخوازا زێدەکرنا پۆستێ جێگرێ دوویێ یێ سەرۆکێ ھەرێما کوردستانێ کری کو نوکە د پرۆژێ پێشنیازا کاراکرنا دەزگەھێ سەرۆکاتیا ھەرێما کوردستانێ کو پەرلەمان دانوستاندنێ ل سەر دکەت، ھاتیە جێگیرکرن.
شوان کەریم، ئەندامێ پەرلەمانێ کوردستانێ ژ فراکسیۆنا پارتی دیموکراتی کوردستان راگەھاند” بریارە پارتی و ئێکەتی بۆ دووماھی جار رێککەفتنا پێکئینانا حوکمەتا ھەرێما کوردستانێ ئیمزا بکەن، چونکە نوکە دووماھی ب ھەموو کێشان ھاتیە ورێکەفتن ل سەر پێکئینانا حوکمەتێ تمام بوویە”.
شوانی گۆت ژی” رێککەفتنا د ناڤبەرا پارتی وئێکەتیێ بەر زێدەکرنا پۆستێ جێگرێ دوویێ یێ سەرۆکێ ھەرێما کوردستانێ ھاتبوو پاشخستن، پارتی دەم دابوو لایەنان ونوکە دەمێ پێکئینانا حوکمەتێ یە”.
ژ لایێ خوەڤە ئارێز عەبدوللا ئەندامێ سەرکردایەتیا ئێکەتیێ دووپات کر کو رێککەفتنا د ناڤبەرا پارتی وئێکەتیێ دا ھێتە ئیمزاکرن وگۆت” چو کێشە ل بەردەم پێکئینانا حوکمەتا نوو یا ھەرێما کوردستانێ دا نینن”.
ھەروەسا دوھی شەمبیێ 4/5/2019 جڤاتا نیشتمانی یا بزاڤا گۆران کۆمبوو ول دووڤ پێزانینان بریارا دووماھیێ ل سەر رازیبوون ب رێککەفتنا ل سەر پێکئینانا حوکمەتێ دایە و بزاڤا گۆران دخوازیت ب زووترین دەم رێککەفتن د ناڤبەرا پارتی وئێکەتیێ بۆ پێکئینانا حوکمەتێ بھێتە دیارکرن.
پارتی پۆستێن کابینا نوو یا حوکمەتێ ل گەل ئێکەتیێ وگۆران بەلاڤکرینە کو پۆستێن گۆران دێ ب جێگرێ سەرۆکێ ھەرێما کوردستانێ وھاریکارێ سەرۆکێ حوکمەتا ھەرێمێ بۆ چاکسازیێ دەستپێکەن وپۆستێن ئێکەتیێ دێ ژ جێگرێ سەرۆکێ حوکمەتا ھەرێمێ وجێگرێ دوویێ یێ سەرۆکێ ھەرێمێ دەست پێکەن.
پشتی ئیمزاکرنا رێککەفتنا د ناڤبەرا لایەنێن سیاسی دا، دێ پەرلەمانێ کوردستانێ کۆمبیت وپرۆژێ کاراکرنا سەرۆکاتیا ھەرێما کوردستانێ پەسەند کەت وپشتی وێ ب دەمێ 10 رۆژان بەربژارێ پۆستێ سەرۆکێ ھەرێما کوردستانێ دێ سویندا قانوونی خوینیت وپاشی دێ بەربژارێ سەرۆکاتیا حوکمەتا ھەرێمێ راسپێریت.
دھێتە زانین کو مەسرور بارزانی شیرەتکارێ جڤاتا ئاسایشا ھەرێما کوردستانێ یێ بەربژارە بۆ وەرگرتنا پۆستێ سەرۆک وەزیرێن داھاتی یێ ھەرێما کوردستانێ ونێچیرڤان بارزانی بەربژارە بۆ وەرگرتنا پۆستێ سەرۆکێ ھەرێما کوردستانێ.
سویسرا، ئازاد گولەی:
ل ماوێ بوری بابەتێ کرینا ترومبێلا ستێرا پرتوگالی و یانا یوڤانتوس یا ئیتالی کرستیانو رونالدوی ئەوا ب کوژمێ ١١ ملیۆن دولاران کری بوویە جھێ گرنگیا راگەھاندنا جیھانێ، لەورا پەیامنێرێ ئەڤرۆ نیوز ل وی جھێ ترومبێلا رونالدوی لێ ئامادەبوو بۆ حەژێکەرێن یاریا تەپا پێ و ڤی یاریزانی ئەڤ وێنەیە ب چافکێ کامیرا ئەڤرۆ نیوز ببینن.
ئەڤرۆ نیوز،
دەمەکێ کێم بەری نوکە ل گوندێ هەلانیا یا سەر ب ناحیا شێروان مەزن دناڤبەرا باکوور و باشوورێ کوردستانێ هێزەکا جەندرمێن سوپایێ تورکیا کو ل قەرەقولەکا دەڤەرێ دەوامێ دکەن ب مەرەما دەرکەفتنەکا سەربازی دەرکەفتوون، بەلێ کەفتنە کەمینەکا پەکەکێ و هژمارەک ژ وان هاتینە کوشتن و هژمارەک ژی برینداربوون.
ژیدەرەکێ ل گوندێ هولانیا نەڤیا ناڤێ خوە بێژیت تایبەت بۆ ئەڤرۆ نیوز گۆت: (دەمەکێ کێم بەری نوکە هژمارەکا جەندرمێن تورکیا کو ل قەرەقولەکا تورکیا لسەر سنوورێ باکوور و باشوور ل گوندێ هولانیا یا ناحیا شێروان مەزن ئاکنجینە، ب مەرەما دەرکەفتنەکا سەربازی هاتبونە ئاقارێ گوندێ ناڤبری، بەلێ کەفتنە کەمینەکا پەکەکێ).
زێدەتر گوت: (ب گورەی زانیاریێن مە سێ جەندرمە هاتینە کوشتن و هژمارەکا دی بریندارن، پشتی شەری فروکێن تورکیا ژی هاتن و دەست ب بوردومانکرنێ کر، نوکە خەلکێ گوندی مالێن خوە چولکرن و ئاوارەێ دەردوران بوون).
نيشاندان