ئەڤرۆ نیوز:
بەرپرسێن یانا بەرشەلۆنا دخوازن یاریزانێ خوە و ھەلبژارتیێ تورکیا ئاردا توران ب فەرمی بفروشنە یانەکا دی ئەوێ نوکە ب شێوەیێ خواستن یاری ل گەل سەرکێشا سوپەر لیگا تورکیا یانا باشاک شەھیر دکەت .
رۆژناما سپورت یا ئیسپانی دیارکریە یانا بەرشەلۆنا بەری نوکە رێککەفت بوو ل گەل یانا باشاک شەھیر بوو ڤەگوھاستنا یاریزانێ خوە ئاردا توران ب شێوەیێ خواستن بۆ سال و نیڤا و پشتی وێ رێککەفتنێ وێ یانا تورکی ماڤێ کرینا ئەوی یاریزانی ھەیە لێ نوکە ئەو یانە ل وێ بریارا خوە لیڤەبوویە و ناخوازیت ھەڤبەستێ ل گەل ئەوی یاریزانێ بەرشەلۆنا ئیمزا بکەت ژبەر ئەو رافتارا ل وەرزێ ئەڤ سالە بەرامبەر دادڤانەکی خۆلا تورکیا کری پشتی ھێرشکریە سەر ئەوی و یاریزان ھاتیە راوستاندن بۆ ماوێ ١٦ یاریان ھەردیسان ئەو ناڤبری نەشیا وی ئاستێ ژێ د ھاتە چاڤەرێکرن پێشکێش بکەت ل گەل وێ یانا تورکی د ماوێ بوری دا .
ئەوێ رۆژنامێ ئاماژە ب وێ چەندێ ژی دایە ھەڤبەستا ئاردا توران بریارە ل ھاڤینا ٢٠٢٠ ب دووماھیی بھێت و بەری ڤی دەمی یانا بەرشەلۆنا دخوازیت ڤی یاریزانی بفروشتە یانەکا دی داکو ئەو یاریزان ب ھەڤبەستەکا سەربەست نە ھێتە ڤەگوھاستن لێ ھەتا نوکە چ یانا ھەڤبەست پێشکێشی بەرشەلۆنا نەکرینە بوو ڤەگوھاستنا ئەوی یاریزانی بتنێ ئێک یانە نەبیت ئەوژی یانا وی یا بەری نوکە ئەوژی گەلاتەسەرای لێ بەرامبەر کوژمەکێ گەلەک کێم و ل دیڤ گوتنا وێ رۆژنامێ بەرشەلۆنا دێ نەچار بیت ل سەر داخوازیا گەلاتەسەرای رازی بیت ژبەرکو ھەکە رازی نەبوو بەرشەلۆنا دێ نەچار بیت ل وەرزێ بھێت موچەیێ وی یێ سالانە بدەتێ و ل وەرزێ دویڤدا دێ ب ھەڤبەستەکا سەربەست ژی ھێتە ڤەگوھاستن و ب کوژمەکێ مەزن بەرشەلۆنا خوسارەت بیت.

ھەژی گوتنێ یە بەرشەلۆنا ل سالا ٢٠١٥ ب کوژمێ ٣٤ ملیون یورۆیا ھەڤبەستا ئاردا توران ئیمزاکر بوو پشتی ژ یانا ئەتلەتیکو مەدرید ڤەگوھاستی یە ناڤ رێزێن خوە و د ماوێ دو سالان دا ٥٥ یاری ل گەل بەرشەلۆنا کرن و شیابوو ١٥ گولان توماربکەت و ل گەل ١١ ئەسیست و ژ وەرزێ بوری وەرە ل گەل یانا خوە یا نوو باشاک شەھیر بتنێ ٢٧ یاری ئەنجامداینە و دو گول تومارکرینە .

ئەڤرۆ نیوز:
١٦٨ ملیون دولار بۆ دروستکرنا پروژەکێ نوو ل ئەلمانیا ھاتینە تەرخانکرن بۆ دروستکرنا پروژەیێ دروستکرنا ئەکادمیەکا وەرزشی کو بریارە ل سالا ٢٠٢١ ئەو پروژە ب دووماھیی بھێت.
ئێکەتیا تەپا پێ یا ئەلمانی ل سەر مالپەرێ خوە یێ فەرمی راگەھاندی یە ئەوان ب فەرمی دەست ب پروژەیێ دروستکرنا ئەکادمیەکا نوو کریە کو دھێتە چاڤەرێکرن ئەو پروژە بیتە ئێک ژ مەنترین پروژەیێن وەرزشی ل وی وەلاتی کو پێکھاتیی یە ژ ٩ یاریگەھێن تایبەت بۆ ئەنجامدانا راھێنانان و چەند یاریگەھێن تایبەت بوو ئەنجامدانا یاریێن ھەڤالینی و نیڤدەولی ل گەل ڤەحەواندنا یاریزانان بۆ دانا کەمپێن راھێنانی ل پاشەرۆژێ .
ھەردیسان ئەوی مالپەری ئاشکراکریە ژی کوژمێ ١٥٠ ملیون یورۆیا کو دبنە ١٦٨ ملیون دولار بۆ ئەوی پروژەیێ نوو ھاتینە مەزاختن و چاڤەرێ دھێتەکرن ل سالا ٢٠٢١ ئەو پروژەیێ وەرزشی ب دووماھیی بھێت کو دێ گرێدای ھەموو ھەلبژارتیێن سەر ب ئێکەتیا تەپا پێ یا ئەلمانی ڤە بن و دێ بیتە جھەکێ سەرەکی بوو دانا کەمپێن راھێنانی بۆ ھەلبژارتیێن ئەلمانیا ل پاشەرۆژێ.

ئەڤرۆ نیوز:

ستێرا ئەرژەنتینی و یانا ئەنتر میلان یا ئیتالی ماورو ئیکاردی نێزیکی ب جە ھێلا پێکھاتیێ یانا ئەنتر میلان بوویە بوو وەرزێ بھێت پشتی ل ڤێ دووماھیێ چەند ئاریشە دناڤبەرا وی و بەرپرسێن یانێ و راھێنەرێ یانێ دا پەیدابوون ل دیڤ راگەھاندنا ئیتالی ئەو یاریزان نێزیکی ئیمزاکرنا ھەڤبەستا یانا یوڤانتوس بوویە.
مالپەرێ کاتشیو مێرکاتو یێ ئیتالی دیارکریە چاڤەرێ دھێتەکرن ل ڤێ حەفتیێ بەرپرسێن ھەردو یانێن ئەنتر میلان و یوڤانتوس کومنبوونەکێ ل باژێرێ لەندەن یێ یرێتانی ل گەل ئێک بکەن ل سەر ڤەگوھاستنا ستێرا یانا ئەنتر میلان ئیکاری بوو یانا یوڤانتوس بۆ وەرزێ بھێت پشتی ل ماوێ چەند رۆژێن بوری سەرکێشا خولا ئیتالیا و ھەلگرا ناسناڤێ وەرزێ ئەڤ سالە یانا یوڤانتوس کوژمێ ٦٠ ملیون یورۆیا پێشکێشی یانا ئەنتر کری بوو ڤەگوھاستنا ئەوی یاریزانی لێ بەرپرسێن یانا ئەنتر داخوازیا ٨٠ ملیون یورۆیا کری و ل دیڤ گوتنا وی مالپەری دبیت ھەردو یانە ل سەر ڤەگوھاستنا ڤی یاریزانی ل حەفتیا بھێت رازی بن ژبەرکو ھەردوو لایەن نێزیکی ئێک بووینە ل سەر ڤەگوھاستنا ئەوی بتنێ جوداھی دناڤبەرا ھەردو یانان دا ٢٠ ملیون و وەسا دھێتە چاڤەرێکرن ل کومبوونا ئەڤ جارە بریار ب فەرمی ل سەر بھێتە دانێ .
ئەوی مالپەرێ ئیتالی ئاماژە ب وێ چەندێ ژی کریە یانا یوڤانتوس دێ موچەیەکێ سالانە ١٠ ملیون یورۆیا پێشکێشی ئەوی یاریزانێ ئەرژەنتینی کەت ھەکە ئەو یاریزان ھاتە ڤەگوھاستن بوو یانا یوڤانتوس .
ھەژی گوتنێ یە یانا ئەنتر میلان د بەندا ھەڤبەستا ئیکاردی دا دو رێککەفتن ھەنە بوو ھەلوەشاندنا ھەڤبەستا وی کو ھەر یانەکا ژ دەرڤەی ئیتالیا حەزا ئیمزاکرنا ھەڤبەستا ئەوی یاریزانی ھەبیت پێدڤی یە کوژمێ ١١٠ ملیون یورۆیا پێشکێشی ئەنتر بکەت بوو بھایێ ھەلوەشاندنا وی لێ بوو یانێن نافخوی یێن ئیتالی بھایێ ھەلوەشاندنا وی ٨٠ ملیون یورۆ.