سەرۆك بارزانی پەیامەكا بەهیداریێ ئاراستەی شێخ نەهرۆ كەسنەزانی دكەت
سەرۆك بارزانی پەیامەكا بەهیداریێ ئاراستەی شێخ نەهرۆ كەسنەزانی، رێبەرێ تەریقەتا قادری كر بۆ وەغەركرنا برایێ وی پەرلەمانتار غاندی محەمەد كەسنەزانی.
د پەیاما بەهیداریێ یا سەرۆك بارزانی دا هاتیە» بەرێز شێخ نەهرۆ كەسنەزانی، رێبەرێ تەریقەتا قادری ب مخابنییەكا مەزن ڤە دەنگوباسێ وەغەركرنا برایێ هەوە (غاندی شێخ محەمەد كەریم) گەهشتە من، بەهیداریێ ئاراستەی هەوە و مالباتا هەوەیێن بەرێز و كەسوكارێن هەوە دكەم و خوە ب هەڤپشكێ خەما هەوە دزانم، ژ خودایێ مەزن دخوازم گیانێ برایێ هەوە ب بەهەشتا بەرین شاد بكەت و هەدارێ و ئارامیێ ب هەموو ئالییەكی ببەخشیت».
ژ ئالیێ خوەڤە نێچیرڤان بارزانی، سەرۆكێ هەرێما كوردستانێ پەیامەكا بەهیداریێ بەلاڤكر و تێدا دبێژیت» بەهیداریێ ئاراستەی شێخ نەهرۆ كەسنەزانی و مالباتا وی یا بەرێز دكەم بۆ وەغەركرنا برایێ وی غاندی شێخ محەمەد، ئەندامێ جڤاتا نوونەرێن ئیراقێ، هەڤسۆز و هەڤخەمم دگەل وان».
هەر ب هەمان هەلكەفت، مەسرور بارزانی، سەرۆكێ حوكمەتا هەرێما كوردستانێ پەیامەكا بەهیداریێ ئاراستەی شێخ نەهرۆ شێخ محەمەد كەسنەزانی كر و تێدا گۆت » ب مخابنی ڤە دەنگوباسێ وەغەركرنا برایێ هەوە رەحمەتی غاندی شێخ محەمەد، ئەندامێ جڤاتا نوونەران گەهشتە من، سەرەخوەشیێ ل هەوە دكەم و هەڤپشكێ خەما هەوەمە. خودایێ مەزن گیانێ وی ب بەهەشتێ شاد بكەت و هەدار و ئارامیێ ژی ب بنەمالا هەوە یا بەرێز ببەخشیت»
