كۆمسیۆن: ب رێژەیا 76% دەنگدەران كارتێن خوە یێن بایۆمەتری وەرگرتینە

كۆمسیۆن: ب رێژەیا 76% دەنگدەران كارتێن خوە یێن بایۆمەتری وەرگرتینە

3

كومسیۆنا بلندا سەربخوە یا هەلبژارتنێن ئیراقێ ڕاگەهاند، د گەڕا شەشێ یا هەلبژارتنێن پەرلەمانێ كوردستانێ دا سێ ملیۆن و 789 هزار كەسان مافێ‌ دەنگدانێ هەیە، هەتا نوكە دو ملیۆن و 901 هزار كەسان كارتا بایۆمەتری دەرئێخستیە، كو دبیتە رێژا 76% یا دەنگدەران.
كومسیۆنا بلندا سەربخوە یا هەلبژارتنێن ئیراقێ ئاشكرا ژی كریە كو ل پارێزگەها هەولێرێ ئێك ملیۆن و ٣٦٦ هزار دەنگدەرێن گشتی مافێ‌ دەنگدانێ هەیە و ژ ڤێ هەژمارێ ژی ئێك ملیۆن و ١٦ هزار و ٣٥٧ كەسان كارتا بایۆمەتری دەرئێخستیە.
ل پارێزگەها سلێمانیێ و هەلەبجە، ئێك ملیۆن و ٤٩٦ هزار دەنگدەرێن گشتی مافێ‌ دەنگدانێ هەیە و ژ ڤێ هەژمارێ ژی ئێك ملیۆن و ١٤٦ هزار كەسان كارتا بایۆمەتری دەرئێخستیە.
ل پاریزگەها دهۆكێ‌ ژی، ٩٢٦ هزار و ١٩٣ كەسان مافێ‌ دەنگدانا گشتی هەیە و هەتا نوكە ٧٣٨ هزار كەسان كارتا بایۆمەتری دەرئێخستیە.
وەكو دیار، سەرۆكاتیا هەرێما كوردستانێ‌ رۆژا ١٠ـی ئۆكتۆبەرا ئەڤ سالە بۆ ئەنجام دانا هەلبژارتنا گەڕا شەشێ یا پەرلەمانێ كوردستانێ دیاركریە.

کۆمێنتا تە