ئەركێ ڕاهێنەری د ئەكادیمیان دا چیە؟
نەهلا ئەحمەد
ژ بەركو ل ئەكادیمیان كاركرن دگەل زاروكا پێدڤی ب زانست و شێوازەكێ جودا هەیە ل گەل یاریزانێن د یانەیان دا، پشكداریكرنا د خولان گەلەكا گرنگە راهێنەر فێر دبیت چاوانیا بەرنامەیێ راهێنانێ ل دووڤ تەمەنێ یاریزانی بەلاڤكەت ب تایبەت زاروكا بۆ هندێ كو زیان نەگەهیتە لەشێ وان، ژلایێ تەكنیك و تەكتیكێ ڤە ژبەركو ئەكادیمی جهێ دروستكرنا بناغەیی نە د خولان دا راهێنەر رێكێن زانستی یێن فێركرنا كونتروڵ، پاسدان، لێدانا شوتێ، ب شێوازەكێ درست فێردبن، خالا ژ هەمیێ گرنگتر پێدڤیە كەسێ ل ئەكادیمیێ كاربكەت باوەریێ لدەف زارووكی پەیدابكەت كو دێ ل پاشەروژێ بیتە یاریزانەكێ سەركەفتی د یانەیان دا هەكە پێگریێ ب راهێنانان و سیستەمێ خارنێ و نڤستنا خو دا بكەت، ژلایەكێ دووڤە بكارئینانا كەلوپەلێن نوو و پێشكەفتی د راهێنان دا یا پێدڤیە ل سەر راهێنەری ئەو كەلوپەلێن د ئەكادیمیێ دا بكار دئینیت د پێشكەفتی بن و راهێنەری هزرەكا باش ل سەر بكارئینانا ئەوان هەبیت و بشێوازەكێ پێشكەفتی و گەلەك باش بهێنە بكار ئینان، دهێتە زانین ئەو كەسێن دچنە ئەكادیمیان تەمەنێن ئەوان د بچیكن، ژ بەر هندێ ل سەر راهێنەری پێدڤیە دۆڤچوونەكا باش بكەت دا پاشەروژەكا باش بۆ وان د یاریێن وەرزشی دا درستبكەت، نە راهێنەر راهێنانێن شاشی نیشا بدەت ژ بەركو هەر راهێنانەكا شاش بهێتە دان ڕاستڤەكرنا وێ شاشیێ دەم بۆ دڤێت دبیت كارتێكرنێ ل سەر ئاستێ وی بكەت ئەڤجا هەر راهێنەرەكی بڤێت یێ سەركەفتی بیت ب شێوازەكێ باش و بلند بۆ هندێ كو پسیار ژ وی كەسی بهێتە كرن كا ئەرێ ئەوی ل چ ئەكادیمیێ راهێنان كرینە و ناڤێ ئەكادیمی و ئەو كەسێن راهێنانان نیشا زاروكان ددەن بلند ببیت دڤێت ب هەمی شیان و سیستەمەكێ پێشكەفتی زاروكێن ئەكادیمیان فێری هەر جورەكێ راهێنانان ببن، بۆچوونا من پێدڤیە هژمارەكا زۆر یا زاروكان ل ئەكادیمیێ نەوەرگرن،ژ بەركو مفایی ژ ڕاهێنانان نا وەرگرن و ڕاهێنەر نەشێت شاشیێن تاكی چارەسەربكەت، ب راستی ژی ئەڤە دێ بیتە شاشیەكا مەزن ژ بەركو هژمارا زور یا یاریزانان ل ئەكادیمیان كارتێكرنێ ل سەر پێشڤەچوونا ئاستێ وان دكەت، دبیت شاشیێن وان هەر نەهێنە چارەسەركرن، ئەڤجا بۆ هندێ یا پێدڤیە سەروكێ ئەكادیمیێ هژمارا زوور وەرنەگرن، یان هەتا ئەگەر هاتنە وەرگرتن بكەتە كۆمێن جودا ژ 20 یاریزانان زێدەتر نەبن و یاریگەهەكا باش دگەل كەلوپەلێن وەرزشی یێن باش بەرهەڤ بكەت دا بشێوەیەكێ باشە فێری هەر یارییەكا وەرزشی بن
