ئەگەرێن نزمبوونا «تۆنێ» ل نک هونەرمەندی
ئەرشەد زاخۆیی:
نزمبوونا «تونێ» یان پلەیا دەنگی ل دەف سترانبێژی دیاردەیەکا فیزیۆلۆژی و تەکنیکی یە، دگەل چەند ئەگەرێن جودا جودا، هندەک ژ وان کێمن و دێ بورن، و هندەک ژ وان ژی ژ ئەنجامێ وەکری و ماندووبوونا بەردەوام دهێن. ئەڤە گرنگترین ئەگەرێن وێ دیاردێ نە:
١- ماندووبوونا تەناڤێن دەنگی (Vocal Fatigue)
ئەڤە ئەگەرێ هەرە بەربلاڤە، دهێت ژ ئەنجامێ بکارئینانا زێدە یان بکارئینانا شاش یا تەناڤێن دەنگی:
سترانگۆتنا ب دەمێن درێژ: نەدانا دەمەکێ بێهنڤەدانێ بۆ تەناڤێن دەنگی دبیتە ئەگەرێ ئاوسانەکا کێم د شانەیێن دەنگی دا، ئەڤە ژی دیتنا دەنگی دگوهۆریت و دکەتە دەنگەکێ گەلەکێ ئەستوور یان «گرتی».
تەکنیکا شاش: پشت بەستن ب ماسولکێن قوڕگێ (تەنگکرنا قوڕگێ) ل جهێ پشت بەستنێ ب هندێ (سپایێ)، فشارەکا مەزن ل سەر تەناڤێن دەنگی دروست دکەت.
٢- ئەگەرێن ساخلەمی و ژینگەهی
پشکاندنا ئاڤێ (نەبوونا شێداریێ): تەناڤێن دەنگی پێدڤی ب شێداریێ نە دا ب نەرمی بجولن. کێمبوونا ئاڤێ د لەشی دا دبیتە ئەگەرێ ویێ هندێ کو ئەو کەرێ (مخات) ل دۆر تەناڤێن دەنگی قەپوور بیت، ئەڤە ژی دێ رێگر بیت ل هەمبەر جولەیا ب لەز یا پێدڤی بۆ پلەیێن بلند، لەورا دەنگ بێ ئیرادە بەر ب نزمبوونێ ڤە دچیت.
گەڕانا ترشێ گەدەی (الارتجاع المریئی): دەرکەتنا ترشێ گەدەی بۆ دەڤەرێ قوڕگێ دبیتە ئەگەرێ هەوکرنەکا بەردەوام ل سەر تەناڤێن دەنگی، ئەڤە ژی دیتنا «تونێ» دگوهۆریت و دەنگی دکەتە گڕ گڕ، ب تایبەتی ل دەمێ سپێدێ.
حەساسیە و هەوکرن: سەرمابوون، حەساسییا وەرزان، یان هەوکرنا بۆریێن بێهن وەرگرتنێ دبیتە ئەگەرێ کۆمبوونا ئاڤێ د شانەیان دا، ئەڤە ژی تەناڤێن دەنگی گران دکەت و نەرمیا وان کێم دکەت.
٣- ئەگەرێن دەروونی
تەنگەژە و دلەڕاوکێ: رەوشا دەروونی یا توند و سترێس دبیتە ئەگەرێ گرژبوونا ماسولکێن مل و شانا و قوڕگێ، ئەڤە ژی ئازادیا دەنگی کێم دکەت و هونەرمەندی ناچار دکەت ب پلەیەکا نزمتر سترانێ بێژیت، لێ ئەو پلە گەلەک لاوازتر دبیت.
٤- گوهۆڕینێن سرۆشتی و تەمەنی
بەرەڤ پیریێ چوون: دگەل بورینا سالان، ئەوان شانەیێن د دۆر قوڕگێ دا نە دبیت نەرمیا خوە ژ دەست بدەن، یان هندەک لاوازبوون د ماسولکێن تەناڤێن دەنگی دا چێبیت، ئەڤە ژی کاریگەریێ ل سەر وی دەنگی (رەنین) دکەت یێ کو هونەرمەندی د وێ پلێ دا دکارینیت.
٥- ئەگەرێن پەیوەندی ب شێوازێ ژیانێ هەی
جگەرەکێشان و ماددێن بێزارکەر: جگەرەکێشان دبیتە ئەگەرێ هەوکرن و ئاوسانا بەردەوام یا تەناڤێن دەنگی، ئەڤە ژی گەلەک جاران دەنگی ئەستوور دکەت و پلێن وی نزم دکەت، هندەک جاران ب شێوەیەکێ بەردەوام.
نەکرنا گەرمکرنا دەنگی (إحماو): نەکرنا مەشقێن گەرمکرنا دەنگی بەری سترانگۆتنێ، تەناڤێن دەنگی بۆ پلەیێن بلند ئامادە ناکەت، لەورا هونەرمەند ناچار دکەت بۆ «جهێ بێهنڤەدانێ» (منگقە الراحە) یان ژی پلەیێن ناڤین و نزم ڤەگەریت.
ئامۆژگاری بۆ پاراستنا پلەیا دەنگی:
هەکە ئەو گوهۆڕین د «تونێ» دا ب سێرا و بەردەوام بیت، باشترین تشت ئەوە هونەرمەند سەرەدانا نوژدارەکێ تایبەت ب قوڕگ و گوهـ و دفنێ (ENT) بکەت، بۆ پشکنینا تەناڤێن دەنگی ب رێکا کامێرایێ، دا دلنیا بیت کو چ کێشێن وەک «گرێ» (Nodules) یان پارچێن بێ پێدڤی د قوڕگێ دا نەبن ژ ئەنجامێ بکارئینانا شاش.
