ئەحمەد حسێن: دۆڤچوون و چاڤدێرییا ئەکادیمییان بەردەوامە و خولێن ڕاهێنەران ژی هاتینە ڤەکرن
شاهۆ فەرید:
د داخویانەکێ دا ئەحمەد حسێن جێگرێ سەرۆکێ فدراسیونا فۆتبۆلا ئیراقێ تایێ دهۆک بۆ رۆژنامەیا ئەڤرۆ گۆت: مە چار لژنە پێیکئیناینە بۆ دۆڤچوونا ئەکادیمیان، ئەو لژنە بەلاڤبووینە لسەر دەڤەرێن جودا، ئەو ژی یا دهۆکێ و دەوروبەرا و ئیدارا سەربەخوەیا زاخۆ و دەوروبەران و یا سێیێ سێمێل و مسێریک و فەیدی و شاریا و دومیز خوەڤەدگریت، لژنا چارێ شێخان و ئاکری و بەردەرەش و چرەی و دەوروبەران ب خوەڤەدگریت، ئەڤ لژنە بەردەوام چاڤدێریا ئەکادیماین دکەن، هەتا نوکە مە شازدە ئەکادیمیێن نە دەستیردایی دائێخستینە، هەروەسا دەستویری هاتیەدان ب ٣٤ ئەکادیماین کۆ هەموو مەرج و رێنمایێن بخوەڤە دگرن.
زێدەتر ناڤهاتی گۆت ژی: بۆ ڕاهێنەران ژی نوکە دو خول هاتینە ڤەکرن بۆ ئیراقێ ئاستێ (D) یە، یا کۆردستانێ ئاستی (C) کۆ سەرێ ئێکی هەیڤا بهێت دێ ئەڤ خولە دەستپێکەت، هەموو مەرج و رێسایێن فدراسیونا کوردستانێ دێ جێبەجێ کەین.
دهێتە زانین فدراسیۆنا فوتبۆلا پارێزگەها دهۆکێ ب هەڤکاری دگەل ڕێڤەبەرییا وەرزشی ل پارێزگەهێ بۆ ماوەیێ چەند سالە ڕێکخستنا کارێن ئەکادیمی و فێرگەهێن وەرزشی ل پارێزگەها دهۆک دکەن کو ل دووڤ ڕێنمایێن ڕێڤەبەرییا گشتی یا وەرزشی ل هەرێما کوردستانێ دهێنە کارا کرن.
