بۆ كۆپا ئاسیایێ ڤۆلی بۆلا ئیراقێ دسپێرتە كچێن كوردستانێ
قەیس وەیس:
د داخویانیەكێ دا سەرۆكێ فدراسیۆنا ڤۆلی بۆلا ئیراقێ دیار كر بۆ چاپا نوو یا كۆپا ئاسیا هەلبژارتیێ نشتمانیی یێ ئیراقی دێ سپارتنێ ب كچێن یانەیێن سەنحاریب، ئەكاد، ئەفرۆدێت و قەرەقووشێ كەن ژبۆ پشكدارییەكا سەركەڤتی و گەشبینن دێ ئاست و ئەنجامێن باش هەبن
زێدەتر حەبیب عەلی ئەللاوەندی گۆت: پشتی ئەوان ئاستێ بلند یێن یاریزانێن چەند یانەیان د قارەمانییا بۆری دا یا بەری مەهەكی وەكو فدراسیۆنا ڤۆلی بۆلا ئیراقێ مە كۆمبوون كر تێدا كادرەكێ ڕاهێنانێ دەستنیشان كر خوە بەرهەڤكرن بۆ قارەمانییا كۆپا ئاسیا ئەو بڕیارە هەڤڕكیێن باژێرێ تیانجین یا سینی هەر ژ 20 هەتا 27ێ ڤێ مەهێ مێڤاندارییا وێ بكەت، دووڤدا ناڤێن 12 یاریزانێن نایاب هاتنە ژێگرتن كو سەرجەمێ وان 10 ژ یانەیێن سەنحاریب، ئەكاد، ئەفرۆدێت و قەرەقووشن و یێن دی ژ ئەمانەت بەغدانە، ئەوێن نوكە د كەمپەكا ڕاهێنانێ دا ل هەولێرێ.
لدۆر ئەو یاریزانێن ژ نوونەرا پارێزگەها دهۆكێ داخوازكری ستان بازی هاریكارێ ڕاهێنەرێ یانەیا سەنحاریب دیار كر ژ یانەیا مە پێنچ یاریزانێن د ناڤ ڕێزێن هەلبژارتیێ ئیراقێ دانە ئەوژی هەرئێك دورین رۆمێل، هەمیشە هشیار، فاتما ڕەعەد، دیا وەلی و هێرۆ ئیبراهیم و گۆت: دڤیابا بۆ ناڤ ڕێزێن كادرێ ڕاهێنانێ ژی ژ یانەیا سەنحاریب با ژبەركو ل وەرزێ بۆری مە ناسناڤ دەستڤە ئینان بوو، هەروەسان وەكو مافەك دزانین، لێ ژ نشكەكێ ڤە هیچ كەسەكێ كادرێ ڕاهێنانێ دناڤ دا نەبوو، ب مخابنیڤە بۆ سالا دویێ ل دووڤ ئێك غەدر ل مە دهێتە كرن.
