تۆلڤەكرن و ڤەگەڕاندنا ناكۆكییان ڕەهندا یارییا ئەڤرۆ یە
بڕیارە ئەڤرۆ ل دەمژمێر 10ی شەڤ یارییەكا ئاگرین و دیرۆكی د ناڤبەرا دو جەمسەرێن كێشوەرێ ئۆرۆپا و ئەمریكا باشۆر هەلبژارتیێ ئنگلتەرا و ئەرجەنتین ل یاریگەها مێرسێدس ل ئەتلانتا یا ئەمریكا بهێتە كرن ژ چارچووڤەیێ قووناغا پێش دووماهیێ و دەربازبوون بۆ فینالا مۆندیالێ.
چاوا دەربازبوون
هەلبژارتیێ ئەرجەنتین هەلگرا ناسناڤێ مۆندیالا بۆری یا 2022ێ شیا ل سەر كیستێ هەلبژارتیێ سویسرا دەربازبیتە ڤێ قووناغێ پشتی ب 3-1 سەركەڤتنەكا بزەحمەت ل سەر ئینایی ژلایێ خوەڤە هەلبژارتیێ ئنگلتەرا ژی ب زەحمەت دەربازبوو ڤێ قووناغێ پشتی بەرانبەر هەلبژارتیێ نەرویج ب 2-1 سەركەڤتی.
دیدارێن پێشتر د بەرژوەندیا
ئنگلتەرایێ دانە
لدووڤ ئامارێن فدراسیۆنا فوتبۆلا جیهانی فیفا، دیدارێن پێشتر یێن مۆندیالێ دناڤبەرا وان دا پێنچ یاری بووینە و بڤی شێوەیی.
– مۆندیالا 1962، د قووناغا كۆمان دا ئنگلتەرا 3-1 ئەرجەنتین
– مۆندیالا 1966، قووناغا چارێك دووماهیێ، ئنگلتەرا 1-چنە ئەرجەنتین.
– مۆندیالا 1986، قووناغا چارێك دووماهیێ، ئنگلتەرا 1-2 ئەرجەنتین.
– مۆندیالا 1998، قووناغا هەشتێ، ئنگلتەرا 2-2 ئەرجەنتین، ب لێدانێن پەنەلتییان ئەرجەنتین ب 4-3 سەركەڤت.
– مۆندیالا 2002، قووناغا كۆمان، ئنگلتەرا 1-چنە ئەرجەنتین.
چەكێ هەردو لەشكەران
هەلبژارتیێ ئەرجەنتین دێ هێتە دناڤ یاریگەهێ دا ب سەركێشیا لۆنێل مێسی كاپتنێ تیمێ هەروەسان هەر ئێك ژ جۆلیان ئالڤارێز، ئەلێكسێس ماك ئەلێستر، لاوتارۆ مارتینێز و گۆلپارێز ئیمیالیانۆ مارتینێز، ژلایێ خوەڤە ئنگلتەرایێ ژی كۆمەكا لەشكەران هەیە ژ وانا، جۆد بیلینگهام، هاری كین،بۆكایۆ ساكا، دیكلان رایس و جۆن ستۆنز، پێشبینییا شەڕەكێ ئاگرین دهێتە كرن.
مالڤیناس خالان ناكۆكیێ
د دیرۆكا پێشتری چار چالێن بەری مۆندیالا 1986ێ شەڕەكێ سیاسی و لەشكەری دناڤبەرا هەردو وەلاتان پەیدابوو سەرا گزیرتەیا مالڤیناس ل باشۆرێ ئۆكیانۆسا ئەتلەسی ب480كم ژ ئەرجەنتین دوورە، دشەرێ سالا 1982ێ 255 لەشكەرێن بریتانا هاتبوونە كۆشتن و 649 ژ لەشكەرێ ئەرجەنتین هاتبوونە كۆشتن، ئەرجەنتین هەتا ئەڤرۆ ژی ڕژدە كو ئەردی وێ یە، لێ ئنگلتەرا ب مافێ خوە دایە زانین، یارییا ئەڤرۆ دبیت هندەك نهێنیێن دی پەیدابكەت و بگەهیتە ناكۆكیێن مەزنتر ژ یێن وەرزشی.
