رۆلێ ئۆپۆزسیۆنێن دروست د ئاڤاكرنا دەولەتان دا
ڕەمزی سیسۆ
بێگومان هەبوونا ئۆپۆزسیۆنێ د ناڤ هەر وەلاتەكێ دا گەلەك گرنگە. وەلات بێ ئۆپۆزسیۆن وەك ئوتومبێلەكا بێ برێكە. لێ ئەو ئۆپۆزسیۆنە دڤێت نەبیتە ئەگەرێ دوبەرەكی و مەترسیێ ل سەر وێ دەولەتێ.
ئۆپۆزسیۆنا راستەقینە رۆلەكێ گرنگ دبینیت د ئاڤاكرنا هەر دەولەتەكێ دا، بەلێ دڤێت بزانیین هندەك جۆرێن ئۆپۆزسیۆنێ ل هندەك وەلاتان رۆلێ خرابكرنا وەلاتان دبینن، بەروڤاژی پێشخستنا وەلاتی، رێكا خرابكرنا وەلاتی جێبەجێ دكەن.
رۆلێ ئۆپۆزسیۆنێ ل هندەك وەلاتێن پێشكەفتی:
• فرەیی یا سیاسی ب هێز دكەت.
• شەفافیەتێ دروست دكەت و گەندەلیێ كێم دكەت.
• گەنگەشا سیاسی دەولەمەندتر دكەت.
• بەرەڤانی ژ مافێ كێمینەیان دهێتە كرن.
ئەڤە ئۆپۆزسیۆنا ئەرێنی یە. ئۆپۆزسیۆنا كو دژایەتیا دەستەلاتێ دكەت، نە دژایەتیا وەلاتی.
رۆلێ ئۆپۆزسیۆنێ د ناڤ پرۆسەیا سیاسی یا هەرێما كوردستانێ دا:
ل هەرێما كوردستانێ، مخابن هندەك جار ئۆپۆزسیۆن ژ رۆلێ خۆ یێ سەرەكی دەردكەڤیت و دبیتە ئەگەرێ لاوازكرنا قەوارەیا هەرێمێ:
• نەكاراكرنا پەرلەمانێ كوردستانێ.
• رێگری كرن د دانانا دەستوورەكێ بۆ هەرێما كوردستانێ دا.
• رێگری كرن د جێبەجێكرنا پرۆژەیێن حكومەتێ ل سنۆرێ سلێمانیێ دا.
• دروستكرنا دوبەرەكیێ د ناڤبەرا هەولێر و سلێمانیێ دا و لاوازكرنا ئێكریزیا نیشتمانی.
• بێهیڤیكرنا گەنجان ب پرۆسەیا سیاسی و هنارتنا پەیامێن نەرێنی كو حكومەت چ تشت ناكەت.
• هەماهەنگی كرن ل گەل لایەنێن دەرەكی و بەغدا بۆ لێدانا قەوارەیا هەرێمێ و بڕینا مووچە و بودجەی.
ب كورتی، هەرێما كوردستانێ پێدڤی ب ئۆپۆزسیۆنەكا نیشتمانیە، نە ئۆپۆزسیۆنا تێكدانێ. ئۆپۆزسیۆنا كو رەخنێ ل حوكمەتێ بگریت بۆ چاكسازیێ، نەك بۆ نەمانا هەرێمێ.
