رەنگ و جوداكرنا مرۆڤان
سالح حەكیم
هەكە بهێین رەفتار و كریارێن خوە بگشتی وەكو جڤاك ژ ڕەنگان جودا بكەین، پتریا خەلكی ب ڕەنگێ ڕەش و سپی دبینن و ب دیتنا من ئەڤە شاشیەكە وەسا هزر دكەین كو كورد جڤاكەكێ پەككەفتی لێ د رۆخسارێ خۆ دا ئەڤ گۆتنە دوورن ژ راستیێ تاك هەنە خودان ئەزموونێن زانستی دبیاڤێن جودا دشێن یان شیاینە گەلەك گاڤان بەرەف پێشڤەبرنێ ببەن شوون تبلێن گەلەك ژ وان ددیارن، لێ وەكو پێدڤی نینە و ب دیتنا من هەكە پشتەڤان و هاریكاری ژلایێ مادی و مەعنەوی ڤە بۆ تاكی ڤی جڤاكی هەبیت یان دەم و دەلیڤە پێرا بهێن ڕۆخساندن دێ گاڤێن باشتر ژی هێنە هاڤێتن، چونكی بسپۆر دبۆارێن جودا ناڤ جڤاكێ مە هەنە بۆ پێگەهاندن و رێكخستن و پەروەردەیا مرۆڤان، هەلبەت كاریگەریا ئالاڤ و تەكنولۆژیا ئەڤرۆ ژی، هاریكارە بۆ مرۆڤی كو بشێت گەهاندنا پەیامێن بلەز ب وێ جیهانا هندە مەزن ب گوندەكێ بچووك پێ بحەسبینیت، ئەڤە ژی ئێك ژ رێخوەشكرنەكێ یە بۆ كەسی هەكە كار سەر بكەن نابیت ئەم هەموو ڕەنگان تێكەلی ڕەش و سپی بتنێ بكەین، دناڤ هەموو جڤاكان دا، خالا لاوازییا تاكی و كۆمی ب رێكێن سەردەم دهێنە ڕاستەرێكرن.
بۆچی پێدڤیە پیڤەرێ كشان و پیڤانان هەبیت؟ گڕۆڤە ژی ژێ ئەوە دا بشێن باشتر وەكو جڤاك خوە پێناسە بكەین و هەلسەنگینن، ل ئاستێن جڤاكێ شیاین ڤەلڤینێن هزری و مەعریفی، بەرەف كۆپیتكا پێشداچوونێ برین، هەر چ نەبیت خوە دگەل وان جڤاكان تاقی بكەین و هەلسەنگینین، بلا دداكێشانا تڕازیێ ژی دابن لێ فەرە تاك میكانیزم ڕێوڕەوێن جڤاكبوونێ بزانیت و یاسایان لێ بپارێزیت. هەكە هەتا نهۆ مە جڤاكێ خۆ دكوكا ڕەنگێن جودا جودا نە نیاسیبیت، دێ چاوا خوە ل گەل جڤاكێن بیانیان پێناسەكەین، یان دێ چاوا یاسایێن جڤاكێن وەلاتێن رۆژئاڤای وەكو پێزانین وەرگرین، دڤێت ئەرێنی و نەرێنیا هەموو جڤاكێن دونیایێ ل خۆ شرۆڤە بكەین و كار ل سەر پەیرەوێن باشیا وان بكەین، شاشیێن وان ژی ژ جڤاكێ خۆجودا بكەین، ژ ئەڤرۆ پێدا كار و پێداجوونا ل سەر شاشی و باشیێن خۆ ژی بكەین، ب تڕازیا هەلكێشان و داكێشانا وان جڤاكێن شیاین پێشداچوونا د گاڤێن خۆ دا بكەن، ئەو جڤاكێن حەتا نهۆ نەشیاین ژی چ نوویاتی داهینانێن زانستی ئەنجام بددەن.
