سیپان سەدیق: من پێ خوەشە یاریێ بۆ یانەیێن کوردستانێ بکەم
شاهۆ فەرید:
د دیدارەکێ دا سیپان سەدیق کوڕێ باژێرێ زاخۆ یاریزانێ یانەیا قوە ئەلجەویە یا بەغدایێ بۆ رۆژنامەیا ئەڤرۆ گۆت: پشتی من وەرزەکێ ئاست بلند نیشاندایی گەل یانەیا زاخۆ و ڕێزبەندیێن پێشیێ هاتن و گەهشتینە فینالا کۆپا ئیراقێ، گەلەک یانەیان ئۆفەریێن باش پێشکێشی کرن، خەونا هەریاریزانەکێ یە کۆ قارەمانییەکێ ب دەستڤە بینیت، من یانەیا جەویە هەلبژارت و خودێ تەوفیقا دا و ئێکەم وەرز شیاین خولا ستێرین ئیراقێ ب دەستڤەبینین کو ئێک ژ خەونیێن من بوون، گەلەکا زەحمەتە تو ژ یانەیەکێ دەرکەڤی بۆ ئێکادی بەلێ زەحمەتا دووماهیێ بەرهەم پێڤە بهێت ئەو هەموو دهێتە ژبیرکرن.
زێدەتر ناڤهاتی گۆت ژی: بەری دووماهی هاتنا خولێ کارگێریا یانەیا جەویە گەلەک ژمن خواست گرێبەستا خەوە نوو بکەم، گەلەک یانەیێن دی پەیوەندی من کرن وەکۆ مووسل، زەورا و هەولێری ژمن خواستن، هەروەسا ل هییڤیا هەرئێک ژ یانەیێن دهۆک و زاخۆ بووم پەیوەندیێ من بکەن، پشتی سێزدە رۆژان ژ هزرکرنێ و هەلبژارتنێ من دووباره جەویە هەلبژارت چونکۆ ئەڤی وەرزی دێ پشکداریێ چامپیۆنزلیگا ئاسیا دا کەت، ئەڤ قارەمانیە ژی هیڤیەکا دیە بۆ هەر یاریزانەکێ یاریێ ناڤدا بکەت، من خوە دیت مانا من باشترە ژ سەر و ژنوو ل گەل یانەکا دی دەستپێبکەم، کارگێری و جەماورێ جەویە رێز و ڤیانەکا زۆر بۆ من هەیە.
سیپان سەدیق گۆت ژی: پشتی من گرێبەستا خوە ل گەل یانەیا جەویە نوو کری دووڤ دا سێ ڕۆژان کارگێریا نوو یانەیا زاخۆ پەیوەندی من کرن کۆ دووبارە بزڤرمە تیما وانا، من بزاڤکرن گرێبەستا خوە ب هەلوەشینم و سەد ملیونێن من مابوونە دەف یانەیێ ئەوان ژی دەستبەردابم بتنێ دووبارە ڤەگەرمە زاخۆ، چەندین بزاڤ هاتنەکرن ژلایێ چەندین کەسانڤە و سەرۆکێ یانەیا زاخۆ بخوە ژی پەیوەندی واناکر، بەلێ یانەیا جەویە بهیچ رەنگەکێ ڕازی نەبوو.
