سەیرترین میدالی و ئێكەمین دەستكەڤتێ تۆڤالۆ ب دەستڤە ئینا
بۆكسڤانا گەنج تارۆنا تاڤاكی بوو ئێكەم یاریزانا كچ و وەرزشڤان د وەرزشا وەلاتێ تۆڤالۆ دا ئێكەم دەستكەڤت بینیت ل ڕێزا سێیێ بهێت د قارەمانییا یاریێن كۆمنۆلس بۆ یاریزانێن خودان پێدڤیێن تایبەت ئەوا نوكە هەڤڕكیێن وێ ل گلاسكۆیا وەلاتێ ئوسكوتلەندا دهێنە كرن.
ب دەستڤە ئینانا میدالییا برۆنزی دبیتە ئێك ژ سەرترین میدالیێن قارەمانیێ، تارۆنا تاڤاكی یا 20 سالی پشكداری د یارییا بۆكسانێ بۆ 75 كگم كچان كربوو، سەرباری د ئێكەم یارییا خوە دا تووشی خوسارەتیێ بوو بەرانبەر یا هندستانی لۆفینا بۆرگۆهان لێ سیستەمێ قارەمانیێ ماف دایێ د پێش دووماهییا قارەمانیێ دا دەرباز بیت و بێ یاری یا سێیێ بهێت.
بۆ زانین قارەمانییا یاریێن كۆمنۆلس هەر چار سالان جارەكێ دهێتە كرن ئەوا ل 1930ێ دەستپێكری، تایبەت بۆ یاریزانێن خودان پێدڤیێن تایبەت ل سەر 10 یارییان دهێنە كرن.
