ل چینێ، کچەکا دهۆکێ بوویە جهێ حێبەتییا پشكداران
ستێرا گەنج یا پارێزگەها دهۆكێ دۆرین رۆمێل یاریزانا یانەیا سەنحاریب و هەلبژارتیێ ئیراقێ یا یارییا ڤۆلی بۆلێ بوویە ئێك ژ باشترین یاریزان ل سەر ئاستێ ئیراقێ و شیا پرانییا خالێن ئیراقێ بینیت و ئاستەكێ باش د قارەمانییا كۆپا ئاسیا دا پێشێشبكەت، د هەڤڕكیێن واندا ئەوا ل وەلاتێ چینێ دهێنە كرن.
عەلا خەلەف ڕاهێنەرێ هەلبژارتیێ ئیراقێ یێ كوڕان پەسنا كچا پارێزگەهێ كر و گۆت: سەرباری ئەڤە پشكدارییا ئێكێ یە یا كچان ل سەر ڤی ئاستی د كۆپا ئاسیا دا لێ خوسارەتی بەرانبەر چینێ، تایۆان و ئیرانی ئەو هەلبژارتیێن زلهێز سرۆشتی یە، بۆ من و ئەوان دناڤا قارەمانیێ دا بوویە جهێ حێبیەتیێ ئاستێ چەند یاریزانەكان تایبەت دۆرین رۆمێل كو ئەڤە ژی دەستكەڤتەكێ گرنگە بۆ ڤۆلی بۆلا ئیراقێ و گەشبینم قارەمانیێن داهاتی دێ باشتر بن.
بۆ زانین دۆرین رۆمێل كچا باژێرێ دهۆكێ ژیێ 20 سالی دایە و قوتابییا زانكۆیا پزیشكی كۆلیژا ددانان، ژ مالەكا وەرزشڤانن باپێرێ وێ داود ڕەبەن، دایك و خالەك و خالێن وێ هەموو وەرزشڤان و یاریێن جودا یێن وەرزشی بناڤێ یانەیا خوە و هەلبژارتیێ ئیراقێ كرینە.
