ناسرییە دخوازیت موسا شوکر بەردەوام بیت و سێ یانەیێن دی ژی پەیوەندی پێکرییە
د ماوەیێ بۆری دا چەند گرێبەست بۆ کوڕێ باژێرێ سێمێل موسا شوکر گۆلپارێزێ یانەیا ناسریە بوو هاتینە هەموو ژی یانەیێن خولا پلا نایابا ئیراقێ یاریێ دکەن، چاڤەڕێ دهێتە کرن ل ددەمەکێ نێزیک دا یانەیا خوە یا نوو ئێکلا بکەت.
ل دۆر ڤێ یەکێ گۆلپارێزێ گەنج یێ سێمێل بۆ رۆژنامەیا ئەڤرۆ دیارکر، پشتی ب دووماهی هاتنا خولا پلا نایابا ئیراقێ یانەیا ناسریە داخواز ژ من کر ئەز بەردەوامبم دگەل یانەیێ و گرێبەستا خوە بۆ وەرزەکێ نوو ئیمزا بکەم، ئەڤچەندە ژی هات دەرئەنجامێ ئەوێ باوەرییا کارگێرییا یانەیێ و جەماوەری ب ئاست و شیانێن من، ئەڤە ژی جهێ دلخوەشیێ یە، لێ هێشتا من چو بڕیار نە داینە ژبەرکو سێ ئۆفەرێن دی ژ یانەیێن جودا یێن ئیراقێ بۆ من هاتینە، دێ گەنگەشێ ل سەر هەموو ئۆفەران کەم و دەمەکێ نێزیک داد ێ چوونا خوە بۆ یانەیەکێ ڕاگەهینم.
موسا شوکر ئەوچەندە ژی گۆت: ل دووڤ ئامارێن ڕاهێنەرێ گۆلپارێزێن یانەیا ناسرە ل وەرزێ بۆری شیام د ماوەیێ ٢٣ێ یاریێن خولا نایابا ئیراقێ دا هەشت کلین شێتا تۆماربکەم دگەل گرتنا چەند پەنەلتیێن دژی یانەیا مە هاتینە دانان، هەروەسان چەندین هێرشێن گۆلکرنێ ل بەرانبەر ڕاوەستیایمە، پێنەڤێت ئەڤە ژی دەرئەنجامێ ئەوان ڕاهێنانێن بەردەوام و وەرگرتنا شارەزایێ و پلانان ژ ڕاهێنەرێ خوە، ڕاهێنەرێ گۆلپارێزان ئیبراهیم سالم خودان سەربۆر و شارەزایەکا باشە د ناڤا فوتبۆلا ئێراقێ دا هەیە.
ژلایەکێ دووڤە ناڤهاتی پەسنا کارگێرییا یانەیێ کر و گۆت: کارگێریا یانەیێ هەر ژ دەستپێکا پەیوەندی بمن کری هەمی ئاخڤن جوانی و ڕاستی گوتنە من دێ گولپارێزێ سەرەکی بی کەیف خوەشی یا دەف وان پەیدابی باوەریا وان من هەی وەکی ویێ دەرکەتم.
بۆ زانین موسا شوکر خەلکێ باژێرێ سێمێلێ یە هەر ژ دەستپێکا یاریکرنێ ل گەل تازەپێگەهشتیێن دهۆکێ بوو ل سالا ٢٠١٣ێ هەتا سالا ٢٠٢٤ێ دووڤدا بەر ب یانەیا پێشمەرگەیا سلێمانیێ چوو، پاشان گرێبەست دگەل ناسرییە ئێمزاکربوو.
