ناما (بیستێ) بۆ پشتگیریا سه‌رۆكێ حوكمه‌تا كوردستانێ
پ/ د. ئیراهیم سمۆ
د ڤان نامه‌یان دا زانیاریێن كورتێن بۆچوونێن منن كۆ جه‌نابێ وه د سه‌رۆكاتیا حوكمه‌تێ دا بۆ چوویه و مه هه‌ول دایه پشكدار و هانده‌رێن ئه‌وێن دیتر بین ل سه‌ر پشكداربوونێ، داكو ئێك بم ژ وان پشكدارێن نه‌گیرۆبوویى ژ پشتبه‌ستنێ ل سه‌ر وان و ئه‌ڤ پشكداریا مه، نه رامانا وێ چه‌ندێ یه هه‌ر تشتێ دنڤیسین بهێته تۆماركرن، لێ مه‌به‌ستا مه ئه‌وه دیرۆك بپارێزیت و كه‌س ب نه‌فره‌تێن دیرۆك لێ دكه‌ت كه‌یفخۆش نه‌بیت، لێ ل سه‌ر وى یه نه‌فره‌تا ل سه‌ر هه‌مى كارێن خوه یێن شه‌رمین و نه‌رێنى و هه‌مى ته‌نگاڤى و ڕاوێژێن ئه‌و ل سه‌ر كو چه‌وتى و زۆرداری ل سه‌ر گه‌لێ خوه كرینه، یان ئێشاندینه یان دزینه یان ژى بارگێریێ (مساومه) و بن بڕكرنێ، ئه‌ز خوه دبین زۆر جاران یێ نه‌چارم بۆ ئاخفتنێ و ده‌ستنیشانكرنا بوویه‌رێن نه‌رێنى ئه‌ورێن بێهنا وێ ده‌ركریه و كارێن وى زه‌فت كرینه، نه ژبه‌ر چى، تنێ ژبه‌ر هه‌بوونا ڤێ ژمارا زۆرا پرتووك و ئه‌و نڤیسه‌رێن زۆر مفا ژ ڤێ حوكمه‌تێ و حوكمه‌تێن به‌رێ وه‌رگرتى، ئه‌ڤ پشتگیریا مه‌زن و هه‌مه لایه‌نى زۆر مه‌زنتره ل بێده‌نگیا پرانیا نڤیسه‌ر و تۆره‌ڤان و ره‌وشه‌نبیران و نه‌پشكداریا وان كاران د ئاڤاكرنا وه‌لاتى و په‌سنا باشا ئه‌رێنیا و ده‌ستنیشانكرن و به‌رهنگاربوونا تشتێن گه‌نى ل هه‌ر جهه‌كى هه‌بیت و كى بیت و كى هه‌ڤپشكێ بكه‌رى بیت. ژبلى مفاداربوونا وان ژ پارتى دیمۆكراتى كوردستان و ئێكه‌تیا نشتیمانیا كوردستانێ جودا جودا. ب پشكدارنه‌بوونا وان ژ ئاڤاكرن و نووژه‌نكرنا نه‌ك حزبێ به‌لكى وه‌لاتى زۆر حێبه‌تى مام كو به‌شێن گرنگ بوون ل عه‌قلیه‌ت و نه‌خشێن حوكمه‌تێن ئێك ل دووڤ ئێكێن كوردى.
ئه‌رێنى یه زۆر لێبۆرینى لێ بخوازم ژبه‌كو خوانده‌ڤان چ وه‌كى تاك یان كو مه‌دناسن و ئه‌و شه‌رمێ ژ نه پشكداربوونا ب كۆم بكه‌ن ل گه‌ل حوكمه‌تا نوو یا حه‌زێن ئه‌رێنیێن ب هێز هه‌ی حوكمه‌تا هیڤیێن هه‌مى كوردان و ئه‌ز پسیارێ ژ خوه دكه‌م پشتى ڤێ حوكمه‌تێ و هه‌بوونا به‌رێز مه‌سروور بارزانى پشتى وێ چیه و چیه .؟ دبه ئێكه‌م كه‌سێ هه‌ژى كو ئه‌م ئاماژه بكه‌ین و پشتبه‌ستنێ پێ بكه‌ین، پێنڤیسێن بێ تاوانێن راستگۆنه ئه‌وێن بوویه له‌شكره‌كێ پشته‌ڤانیا حوكمه‌تێ …
نه شه‌رمه به‌لكى شانازیه هه‌ر كه‌سه‌كێ ل سه‌ر حوكمه‌تا خوه یا كوردى یا بێ زه‌لال بنڤیسیت و نابیته ئاریشه ئه‌گه‌ر هنده‌ك كه‌سایه‌تیێن وێ د جهێ ره‌زامه‌ندیا ئه‌ڤه یان یێ دیتر دا بن.
دبێژینه وان ژى: ئه‌ڤه به‌رهه‌مێ هه‌لبژارتنانه و ئه‌ڤه نوونه‌رێن مه‌نه و حوكمه‌تا مه ب ڤى ئاوایى یه مه دلخۆش بكه‌ت یان غه‌مگین.
لێ بلا دگه‌ل حوكمه‌ت و وه‌لاتێ خوه كوردستانا خوشتڤى بین و ب هه‌مى ره‌نگان و راستگۆیانه و هه‌ر ل جه و پێگه‌ه و كارێ خوه ب پێشنیار و كارێن دلسۆز پشتگیریێ لێ بكه‌ین و ب هه‌دار دبین، و وان چاوانیان ده‌ستنیشان بكه‌ین كو دبین هنده‌ك كه‌سایه‌تیێن سه‌ر ده‌وله‌تێ و حوكمه‌تێ و پارتیان دهێنه هژماركرن بكه‌ن كو باوه‌رى پێ هاتیه‌دان و دبیت هه‌ژى ڤێ باوه‌ریێ نه‌بن و خیانه‌تێ ل وێ باوه‌رى پێدانێ بكه‌ن، باوه‌ریدانا مله‌تى و حوكمه‌تێ و پارتیێن وان.
نامێن مه ژبۆ پێكڤه‌گرێدانا سه‌رده‌مى و بزاڤێن حوكمه‌تێنه ژبووى پێشكه‌فتنێ نه د هه‌مى واران دا. پێدڤى یه حوكمه‌تا مه پێشه‌نگبیت ل حوكمه‌تێن دۆرماندۆر بۆ پێشكێشكرنا باشترین جۆرێن هاریكاریێ و پشته‌ڤانیێ و رێزگرتنێ ل نڤیسه‌ر و خودانێن پێنڤیسێن ئازاد و وێره‌ك یێن ب دلسۆزى و راستگۆیانه و ڤیانا وه‌لاتى و دادوه‌ریێ و مرۆڤایه‌تێ ب به‌رفره‌هى پێنڤسێن خوه درێژن دوور ژ ده‌ڤخۆشكرنا زێده و ڤه‌شارتن و شێواندنا راستیا و تشتێ سپى ڕه‌ش دكه‌ن و ڕه‌شا سپى دكه‌ن. راسته و جهێ تبیبیێ یه جوداهى د ناڤبه‌را حوكمه‌تێ و هه‌لگرێن پێنڤیسان چ نڤیسه‌ر بن یان تۆره‌ڤان و رۆژنامه‌ڤان ژى هه‌یه، لێ ڕامانا ڤێ ئه‌و نینه ئه‌ڤ جوداهیه به‌رفره‌هتر ببیت، لێ ل سه‌ر حوكمه‌تێ و نڤیسه‌ر و تۆره‌ڤان و رۆژنامه‌ڤان خودان پێنڤسێن نشتیمانى و راستگۆ و داهێنه‌ره یێن حه‌ژ وه‌لاتێ خوه دكه‌ن ب نه‌هێلانا ڤێ پرسێ راببن و ڤێ ڤالاهیێ بگرن و پره‌كا نوو یا ب هێز ئاڤا بكه‌ن بۆ په‌یوه‌ندی و گرنگیدان و شێوه‌رمه‌ندیا حوكمه‌تێ ب خودان پێنڤسان بۆ به‌رده‌وامیا حوكمه‌ته‌كا سه‌ركه‌فتى و ب هێز و نموونه یا خزمه‌تكاران گه‌ل و وه‌لاتى، داكو ل گه‌ل وێ ئێك ده‌ست و ئێك دل بن ل گه‌ل ئاراسته‌كرنا هزرێن نوو و پێشكه‌فتى و به‌رهنگاربوونا ئه‌وێن ل ده‌رڤه‌ى قانوونێ و وه‌لات یێ هه‌میانه نه‌ك یێ چینه‌كێ یان گرۆپه‌كى یان كه‌سه‌كێ یان پارتیه‌كێ، به‌لكى یێ هه‌میانه و ل سه‌ر هه‌میانه پشتگیر بن و كارێن باش بكه‌ن. بلا به‌س بیت ڕه‌خنا ژ پێخه‌مه‌ت ڕه‌خنێ، یان ژلایه‌كێ لۆمه بكه‌ین و به‌رامبه‌ر هنده‌كا وه‌ك بالندێ تۆتى بین بێ زڤراندن هزر و هۆش و راستیا وان تشتێن زیانێ دگه‌هینه مه هه‌میان ب گه‌ل و حوكمه‌تڤه.
ئه‌گه‌ر مه بڤێت وه‌ك حوكمه‌ت و خه‌لك د سه‌ركه‌فتى و نموونه بین پێدڤى یه ل سه‌ر چاكیێ و دلۆڤانیێ و هه‌ر تشتێ جهێ ره‌زامه‌ندیا خودێ بیت دگه‌ل ئێك د هاریكار بین پاشى قانوونێ و هزێن گه‌ش و پێگه‌هشتى و پێشكه‌فتى.
ب ڤێ چه‌ندێ حوكمه‌ت ل كاراكرن و پشكداریا ئه‌وێن دى ل چینا ره‌وشه‌نبیرى یا سه‌ركه‌فتى بیت،
دبیت ئه‌ڤ په‌یوه‌نده بۆ حوكمه‌تێ د ئه‌رێنى بن بۆ ئه‌كتیڤكرنا رۆلێ وه‌لاتیان ل پشكداریێ لێ ل دووماهیێ مفا دێ بۆ ڤه‌گه‌رێت و هه‌ر ئه‌و ژى دێ تامكه‌ته به‌رهه‌مێ وێ یێ شرین و ب ڤێ چه‌ندێ ئه‌و دێ سه‌ركه‌فتیا ئێكێ بیت پاشى وه‌لاتى.
دبیت هاندانا مه بۆ پشكداریا هه‌لگرێن پێنڤیسان بۆ ئاڤاكرنا بنه‌مایێن ئه‌ركێن كارێن حوكمه‌ت كار پێ بكه‌ت ببنه پالده‌رێن ره‌خنا هه‌ڤركیێن حزبایه‌تیا به‌رته‌نگ، لێ ئه‌م گوه ناده‌ینێ، چونكى ئه‌م پشكه‌كا نه جوداینه ل وێ و نه شه‌رمه و نه ژى كێماسى یه هه‌كه تۆ بنڤیسى، یان ئه‌ز یان ژى خه‌لكه‌كێ دى یێن هه‌ڤوه‌لاتیێن ڤى وه‌لاتێ خۆشته‌ڤى و ئازاد و ئاشتیخواز یێن باوه‌ر ب خودێ و پاشى ب خوه و سه‌ركردایه‌تیا خوه یا زانا و وێره‌ك و راستگۆ و زۆر زۆر پاراستى ل سه‌ر حوكمه‌تا كوردستانى هه‌ى، ئه‌زێ ب ره و رڤشت هه‌ر وه‌سا نوون ژى. چ خێر د مه‌دا نینه هه‌كه ئه‌م هه‌مى د وێره‌ك و پارێزه‌ر و راستگۆ نه‌بین ل نڤیسین و گۆتار خوه‌دا بۆ حوكمه‌تا مه یا چاكخواز، ئه‌وا پارێزه و زێره‌ڤانا مه و ئه‌و بوومه بابێ رێزدار و دایكا دلۆڤانه، ئه‌م ڤان نامان ل سه‌ر مێزا حوكمه‌تا وه یا بیرمه‌ند به‌رچاڤ دكه‌ن، ژبۆ دیتنێ و تمامكرما مفاى و وه‌رگرتنا ئه‌وا بكێرهاتى و فه‌رامۆشكرنا ئه‌وا بكێرنه‌هاتى، چونكى ده‌نگێ راستیێ یه، ده‌نگى وى ملله‌تى یه ئه‌وى هوون خۆش دڤێن له‌وما هوون هه‌لبژارتینه و چاڤه‌رێ پتر و پتره ل هه‌وه و هوون هیڤیا وان یا مه‌زن و ئێكانه‌نه د هه‌مى چاكی و ژیانا وان یا به‌خته‌وه‌ر دا پشتى خودایێ مه‌زن.
لاڤا ل خودێ دكه‌ین مه ل وان هژمار نه‌كه‌ت ئه‌وێن حوكمه‌تا خوه بریندار دكه‌ت و ده‌سكه‌فت و بها و گرنگیا وێ كێم دكه‌ت، و ئه‌و هه‌مى كار و خزمه‌تێن وه بۆ ملله‌ته‌كێ مه‌زن كرى و یێ د ناخ و سه‌ره‌ده‌ریێن خوه‌دا یێ ساده و ساكار.
نه ژ پێخه‌مه‌ت چى، تنێ ژبۆى مه‌ره‌مێن دیاكرنا زه‌ڤله‌كێن خوه ل سه‌ر حسابا هنده‌كێن ب گازنده و ب تاڵده‌رێن چه‌په‌ل و هنده‌ك مه‌رامێن دیتر ب ده‌نگێن بلند هیڤیێن خرابكاریێ بۆ حوكمه‌تێ دخوازن ژبۆ دروستكرن و چێكرنا ره‌وشه‌كا ئاڵۆز ل ڤێره و وێرا هه‌نێ و ژێكڤه‌كرنا به‌ره‌یێ ناڤخوه یێ ڤى ملله‌تێ باش ئه‌وێ خوه ل به‌ر هه‌مى جۆرێن نه‌خۆشى و كاره‌ساتێن دژوار گرتى، هه‌تا كو بوویه خوادن حوكمه‌تێن خومالى ل وه‌لاتێ خوه.
و ئه‌و نزانن ب دووماهیا خودێ نه‌كه‌ت ب دووماهیا حوكمه‌تا كوردستانێ دێ داوى ب وان و پێنڤیسێن وان ژى هێت، ئه‌رێ ما پێنڤیسێن مه و هه‌بوونا مه چ بها دێ هه‌بیت، ئه‌گه‌ر بێ هه‌بوونا حوكمه‌ته‌كا نشتیمانیا ئازاد ل مه و هژیانا ئالایێ مه و بن سێبه‌رێ وى ب ئازادى و ته‌ناهى و ئاشتیانه و دادوه‌رانه بژین.
پێدڤى یه كه‌رنه‌ڤالێن مه ب سه‌ركه‌فتنا حوكمه‌تا مه بداوى بهێن، بۆ گه‌هشتن ب ئه‌وا مه دڤێت، نه ب ڕاكرنا رێبه‌ر و ره‌مزێن خوه و سه‌ر ژنوو زڤراندن بۆ دووبه‌ره‌كى و هه‌ڤركیان.
چ وه‌لاتیێن ب روومه‌ت و بنیات ئه‌وێن وه‌لاتێ خوه بڤێت نه‌ڤێت جاره‌كا دى برسى ببین و پاشڤه بزڤرین. لێ هه‌تا كو نه‌گه‌هین و نه‌شێین كارێن خوه یێن ساده ژى بكه‌ین بۆ مه كوردان ئه‌ڤه دێ مه‌ترسیا كۆمكوژیێ و ده‌ربده‌ریێ و ژده‌ستدانا بهاى و شه‌رمزاریێ و سه‌ربلندیێ و دوومه‌تیێ (خودێ نه‌كه‌ت).
لێ بێگومانم كۆ ڤان نامه‌یان دێ پێگه‌هێ خوه ل ده‌ڤ كه‌سێن دلسۆز و خودان هه‌ست و بیرمه‌ندا هه‌بن.
سه‌ره‌راى كو من هزر دكر و به‌رده‌وام یێ پشتراست بووم كو دبیت نڤیسینا وان ده‌رنه‌كه‌ڤیته ل سه‌ر مێزا حوكمه‌تا وه یا نشتیمانى بۆ گه‌نگه‌شێ، لێ ئه‌وا جهێ پووته‌پێدانێ لاى من ئه‌وه ئه‌ڤ نڤیسینه ب هه‌ده‌ر ناچن و چ جاران نامرن، چونكى به‌لگه‌نامێن دیرۆكینه ژلایێ هه‌ڤوه‌لاتیان بۆ ڤێ حوكمه‌تا هه‌وه.
ئه‌و رۆژ هه‌ر دێ هێت كو ب بالكێشى بهێنه دیتن و خواندن و به‌راهیێ ئه‌ز وه‌ك وه‌لاتیه‌كێ حه‌ژێكه‌رێ هه‌مى وه‌لاتیێن كوردستانێ ب خه‌لك و حوكمه‌ت ڤه دخوازم جهێ گرنگیا وه بیت.
جه‌نابێ سه‌رۆكێ حوكمه‌تێ هیڤى یه ب ووردى بهێنه خواندن تنێ ژ بووى مفا وه‌رگرتنێ و ژ پێخه‌مه‌ت حه‌ز و ڤیانا مه ژبوو حوكمه‌تا مه ببیته سه‌ركه‌فتیترین حوكمه‌ت و ژپێخه‌مه‌ت به‌رده‌وامیا كوردستانا خوشته‌ڤى هه‌تا كو دگوهینه ئارمانجێ، مه‌زن ژ وان ده‌وله‌ته‌كا كوردستانى یا مه‌زن و ئێكگرتى، پشتى كو برایێن مه یێن به‌رنیاسێن مرۆڤایه‌تیێ ئه‌م ژێكڤه‌كرى و مافێن مه بن پێكرى و جیرانێن مه پیرۆزیێن مه ژ مه ستاندى ئه‌و ژى هه‌بوونا مه‌یه ل سه‌ر ئاخا باب و باپیران.
هه‌ر چاوا بیت به‌لگه‌نامێن دیرۆكى ته‌كه‌ز كریه كو حوكمه‌تێن پشتبه‌ستنێ ب دیتنێن زانا و بیرمه‌ند و هزرێن گه‌ش دكه‌ن، دێ حوكمه‌تێن زیندى و دوومدار و پێشكه‌فتى بن و ئه‌و حوكمه‌تێن گرنگیێ دده‌نه زانست و زانینێ و پووته‌ى دده‌نه په‌روه‌رده و خواندنێ و پشتگیری و پشته‌ڤانیا هه‌لگرێن پێنڤیسێن نشتیمانى و ئازاد و راستگۆ دكه‌ن، حوكمه‌تێن نموونه و خۆشتڤى نه ل ده‌ڤ ملله‌تێ خوه و ئه‌و حوكمه‌تێن سه‌ركه‌فتى و دوومدارن.
ئه‌و حوكمه‌تا ب ڤى ئاوایى ئه‌وا ده‌مه‌كێ درێژه ئه‌م چاڤه‌رێ، ئه‌ڤ پیرۆزیه دێ ل سه‌ر ده‌ستێن وه بیت و ئه‌م پشته‌ڤانین و ب شه‌ڤ و رۆژ ئه‌م لێ دهشیارین ژ پێخه‌مه‌ت وه‌لاتێ مه یێ خۆشته‌ڤى، چونكى ژ پێخه‌مه‌ت هه‌وه و لێڤه‌گه‌رێ كوردستانى و رێبه‌ر و بابێ خۆشتڤى مه‌سرۆر بارزانى، ئه‌م د ڤان نیعمه‌ت ئازادیا ده‌ربرینێ و ب خۆشى دژین پشتى خودایێ مه‌زن، پا چاوا ئه‌م پشته‌ڤانێن ڤێ لڤین و رابوونا وه نابین و هوون وه‌ك رێبه‌ر و برا و خه‌باتكار ل سه‌ر ده‌سهه‌لاتێ بن.!.
سۆز بیت ل سه‌ر مه ئه‌م بمینین پێشمه‌رگه‌ه بۆ خزمه‌تا كورد و كوردستانێ، سۆزا مه مینا سۆزا ئه‌وێن به‌راهیێ بیت ل بابوكالا ل شۆره‌شێن كوردى بۆ نه‌خشاندنا كه‌رامه‌تێ و پێنڤیسێ مه ژبلى په‌یڤێن پشتگیریا وه و حوكمه‌تا وه پا حه‌كیمانه بۆ سه‌ركه‌فت و پێشڤه‌چوونێ چیێ دى نه نڤیسیت.
و خودێ هاریكار و پشته‌ڤانێ وه بیت دڤى ئه‌ركێ بزه‌حمه‌ت و گراندا و هه‌ر سه‌ركه‌فتى و به‌خته‌وه‌ر بن بۆ خزمه‌تا خه‌لكێ وه یێ خۆشتڤى، ئه‌وێ هوون دڤێن و هیڤیا خۆشى و به‌خته‌وه‌ریێ بۆ وه دخوازن و هیڤى خوازن ئارمانجێـن وان ل سه‌ر ده‌ستێن وه بجه بهێن، كو تنێ ب شاسوار و وێره‌ك و شه‌ره‌فمه‌ند و دلسۆز و قوربانیده‌رێن وه‌كى وه دگه‌هن.
خودێ پارێزه‌رێ وه بیت و ملله‌تێ وه یێ مه‌زن و ئاشتیخواز و لێبۆرده‌یى پشته‌ڤانێ وه بیت، ئه‌وێ هه‌رده‌م چاكى بۆ خوه و هه‌مى خه‌لكێ ل سه‌ر ڤێ جیهانێ دڤێت.
و/ ئه‌ڤرۆ
