نەرویج ب مۆرالەكا بلند دێ بەرانبەر هێزا ئنگلتەرایێ بیت
بڕیارە ل شەڤا ئێكشەمبییا بهێت ل دەمژمێر 12ێ شەڤ یاریگەها هارد رۆك ل ئەمریكا دیدارەكا دی یا ئاگرین ژ قووناغا چارێك دووماهیێ دناڤبەرا هەلبژارتیێ ئنگلتەرا و نەرویج مێڤان بكەت، هەلبژارتیێ ئنگلتەرا-سێ شێران- ب زەحمەت دەربازبوو ڤێ قووناغێ پشتی بەرانبەر مەكسیك ب3-2 سەركەڤتن ئینایی، ژلایێ خوە هەلبژارتیێ نەرۆیج ئێك ژ هەلبژارتیێن بووینە سوپرایز پشتی سەركەڤتنەكا دیرۆكی ل سەر هەلبژارتیێ بەرازیل-هەلگرا پێنج ناسناڤا- بنیت ب 2-1 گۆلان.
گرنگترین یاریزانێن دناڤا هەلبژارتیێ نەرۆیج دا، ئیرلینگ هالاند گۆلكەرێ تیمێ، مارتن ئۆدیگارد، ئۆسكار بۆب، ئەنتۆنیۆ نۆسا و ساندر بیریج، ژلایەكێ دووڤە ئنگلتەرا دێ پشت بەستنێ ل سەر كۆمەكا یاریزانان كەت ژوانا هاری كین، جۆد بیلینگهام، یۆكایۆ ساكا، فێل فۆدین، دیكلاس رایس و جۆردان بیكفۆرد، لێ ژبەر كارتا سۆر گابریێل كوانسا ناكەت.
