گوهۆڕین د کۆمەکا یاسایێن لالیگایێ دا هاتنە کرن
فدراسیۆنا فوتبۆلا ئسپانیا لالیگا بریار دا گوهۆڕینێ د کۆمەکا یاسایێن خولا وەرزێ نوو یا لالیگایێ دا دەرکرینە کو گرێدایی ب کارێن دادڤانان ڤە پێخەمەت زێدەت ڕێکخستن و ڕێڤەبرنا یاریان و ڕوەستاندنا حالەتێن کۆشتنا دەمی، ژ گرنگترین ئەوان گوهۆڕینان بڤی شێوەیی.
هنگافتنێن گۆلپارێزی ئێک ژ گوهۆرینێن یاسایێ ئەو دەمێ گۆلپارێز تووشی هنگاڤتنێ دبیت و یاری دهێتە ڕاوەستاندن پێدڤییە د ماوەیێ ١٠ چرکەیان دا ڕاهێنەرێ تیمێ دڤێت یاریزانەکێ خوە ژ یاریگەهێ دەربێخیت، هەکەر نە دڤێت کاپتنێ تیمێ ب دەرکەڤیت بۆ ماوەیێ ئێک خولەک ژ دەرڤە بیت پاشان ڤەگەڕیت.
هەروەسان د دەمێ گوهۆڕینا یاریزانەکی بۆ دەرڤە دڤێت د ماوەیێ ١٠ چرکەیان یاریگەهێ بجه بهێلیت، هەکە ژ دەمێ دەستنیشانکری نەچوو دیاریگەهێ دا دڤێت بۆ ئێک خولەک یاریزانێ یەدەک بمینیتە ل سەر هێلێ و پشتی یاری ب ڕاوەستیت، ئەڤ یاسایە ژ روودانێن هنگاڤتنێ و سەلامەتیێ ناگریت.
هەر ژ یاسایا نوو هەکە یاریزانەکی د لێدانا پەنەلتیەکێ دا ب شێوەیێ ئەنقەسد دوجارا پێخوە ل تەپێ دا، هەکە بۆ گۆل دێ هێتە دوبارەکرن، هەکە نە بوو گۆل دێ هژمێریت پەنەلتی ژ دەستدا، هەروەسان هەکە گۆلپارێزی لێدانا تەپێ بۆ ناڤ یاریگەهێ بۆ پێنج چرکەیان گیرووکر دادڤانی مافێ هەیی ل سەر تیما وی بکەتە کورنەر.
