گەڕەكا دی یا جەنگا ئەمریكا و ئیرانێ ئەڤێ جارێ بێ ئیسرائیل
ڕەمزی سیسۆ
گەرەكا دی یا جەنگی ئەمریكا دڤێت ئەڤێ جارێ بێ ئیسرائیل جەنگ دەست پێ بكەت، ئەمریكا ژ شەڕێ ١٢ رۆژی سالا ٢٠٢٥ دزانت شەر ل گەل رژێما ئیرانێ نە شەرەكێ ب ساناهی یە. هەروەسا ئەمریكا دزانیت ل دۆسەیا ئیرانێ دا یا هاتیە خاپاندن ژ لایێ ئیسرائیلێ ڤە ل سەر وان داتا و راپۆرتێن هەوالگیری یێن هاتین دان ژ لایێ ئیسرائیل ڤە بۆ ئیدارەیا دۆنالد ترامپ ڤە، لەوا ئیران باش دزانت كو ئەمریكا ناخوازیت هێرشەكا هشكاتێ یا بەرفرەهی بكەت ل سەر ئیرانێ، لەورا ئیران ب ساناهی ناهێتە بن وان خال و مەرجێن ئەمریكا دڤێت ل سەر ئیرانێ جێبەجێ بكەت، ئەو هێرشا ئەمریكا كریە سەر بەندەرێن ئیرانێ چەندین پەیام بۆ ئیرانێ هنارتن داكو ئیران سازێش بكەت.
١ – ئەمریكا بۆ ئیرانێ دیار بكەت كو پەشێمان نینە ژ هێرشا ل سەر وێ و كوشتنا ڕابەرێ وێ عەلی خامەنەئی.
٢ – ئەمریكا دڤێت بۆ ئیرانێ دیاركەت دوبارە دێ ئابوورێ وێ ژ ناڤبەت.
٣ – ترساندنا شاندێ ئیرانێ ژ ئارمانجگرتنا وان ژ لایێ ئەمریكا ڤە.
٤ – ئەمریكا دڤێت بزانت كا بەرسڤا ئیرانێ بۆ هێرشێن ئەمریكا دێ چ ئاست دا بیت.
٥ – ئەمریكا درووشمێ ژناڤبرنا رژێما ئیرانێ دوبارە ل هزرا ئیرانێ بینیت.
ب شێوەیەكێ گشتی هەردو دەولەتێن ئەمریكا و ئیران بێزارن ژ ڤی جەنگی، سەرەرای وی چەندێ ماوەی ٦٠ رۆژە بۆ لێكتێگەهشتن هاتیە ئیمزاكرن بەر ب دوماهی ڤە دچیت، هەردو لایەن خۆ ئامادە دكەن گەرەكا دی یا جەنگی و ئەمریكا دڤێت ئەڤ جارە بێ ئیسرائیل جەنگ دەست پێ بكەت دا كو راوەستاندنا جەنگی ب ساناهیتر بێت، ئەز ل وێ باوەرێ مە مەرجێن ئەمریكا بۆ ئیرانێ (ڤەكرنا گەرووی هورمز = راگرتنا سزایین ئابووری)، هەروەسا (ژ ناڤبرنا بەرنامەیێ ئەتۆمی = مانا رژێما ئیسلامیا ئیرانی)، د بەرانبەر دا ئیران دبینت دەستان ژ بەرنامەیێ ئەتۆمی بەردەت خۆكوژیا وێ یە، د نوكە دا ئەگەرێ شەڕی مسۆگەرترن ژ گەهشتنا ئاشتیێ، لەوا ئەمریكا و ئیسرائیل چەندین ناڤێن بەرپرسێن ئیرانێ دەست نیشانكرینە بۆ كوشتنا وان، ئیران ژی دێ ل سەر وێ ستراتیجیەتا خۆ بەردەوام بیت كو هاڤێتنا مۆشەكان بۆ دەولەتێن كەنداڤی و گرتنا گەرووی هورمز ژ بەركو چ كارتێن دی د دەست ئیرانێ دا نینن، هەروەسا دۆنالد ترامپ گەلەك جارا بەحس ل بۆردۆمانكرنا بەندەر و وێسگتەهێن كارەبێ و پرێن هاتن و چوونێ كرن و دێ ئیرانی زڤڕینم چاخێێ بەری، ئەمریكا بۆ رادەستكرنا ئیرانێ تنی ئەڤ هەلبژارتنە یا دەستێ وێ دا هەی بۆ بلەز دووماهیك ئینانا ڤی شەڕی. ئیرانێ دڤێت شەڕ درێژ ببیت دەڤەر هەمی بكەڤیت بن قەیرانا ئابووری دا. راوەستاندنا جەنگی د ڤی ماوەیێ چووی دا هەردو دەولەتان هەتا رادەیەكێ باش خۆ ئامادە كریە، رۆژێن بێهێت دێ بەرسڤا گەلەك پرسیاران دەت.
