یوسف هاجانی: دێ هەڤڕکییێ بۆ ناسناڤێ کوردستانێ کەین
دیدار: تاهر رێكانی
د دیدارەکێ دا یوسف هاجانی ڕاهێنەرێ تیما دێرینین ئیدارا سەربەخوەیا زاخۆ بۆ ئەڤرۆ گۆت: بێ گۆمان بۆ ههر قارهمانییهكێ بەرهەڤی دهێنە کرن و پشکدارییا مە بۆ خولا دێرینێن کوردستانێ دێ بۆ هەڤڕکیێ ل سەر ناسناڤی بیت نە بتنێ پشکداری.
هەروەسان ناڤهاتی گۆت: بۆ ڤێ قارەمانیێ تیما مە یا دێرینان تایبەتمەندیا خوە یا هەی، ژبەرکو ژیێ وان جودایە ئەوێن دەست ژ یاریێ بەرداین، یا باش ئەوە ژیێن وان دناڤبەرا ٤٠ بۆ ٥٠ سالی دایە کو نێزیکی ٣٠ یاریزانانە و تیما مە پتری دەهـ سالن هاتیە دامەزراندن بەردەوام ڕاهێنان و یاریێن هەڤالینی دکەین و هەموو ژی خەلکێ زاخۆ نە.
ژلایەکێ دووڤە یوسف هاجانی گۆت: هەتا نوکە 13 یاریێن ههڤالینی ئهنجامداینه ژوانا 9 سهركهفتن و 3 وهكههڤی و خوسارەتیەک، ئهڤه وێ دگههینیت كو د بهرههڤین بۆ ههڤڕكیێ، دبیت چهند كێماسیێن بچووك ههبن لێ ئهم یێ كار لسهر چارهسەریێ دکەین، سوباهی دووماهیك یاریا بهرههڤییێ دگهل مووسل.
لدۆر ههڤركی لسهر ڤێ خولێ ئاستێ تیمێن پشكدار ناڤهاتی ژی دیاركر كو یاریێن گهرا ئێكێ دێ چاڤهرێكری بین وگەڕا دویێ دێ یاریا مه یا ئێكێ بیت ل یاریگهها مه دگهل بهێزترین تیم ئهوژی ههولێره خۆدانا چهندین ناسناڤێن ناڤخۆ و دهرڤهی ئیراقێ، د وێ باوهریێ دانە ئهگهر دا ب سهركهڤین 70% دێ نێزیكی ناسناڤی بین، سۆپاسیا كارگێریا یانهیا زاخۆ دكهین بۆ هاریكاریا وان دگهل مه ب دابینکرنا یاریگەهێ بۆ ڕاهێنان و یاریێن مه و پشتهڤانێن بەردەوامن.
