پانووراما گرنگترین روودانێن سالا 2017
ئەڤرۆ نیوز، نەوزاد ھلۆری:
ل سالا 2017 کومەکا روودانێن مەزن جیھان و کوردستانێ روویدانە کو کارتێکرنێن مەزن سەر ھەموو پێکھاتە و رەوشا ژین و ژیارا وەلاتیان کریە و دخوشکەرترین روودان ژی ریفراندۆم بو و نەخوشترین روودان ژی ژ دەستدانا کەرکوک بوو.
ژ وان روودانان
- ل رێکەفتی 28/3/2017 ئەنجومەنا پارێزگەھا کەرکوک بریاردا کو ئالایێ کوردستانێ دام و دەزگەھێن کەرکوک بھێتە بلندکرن.
- ل رێکەفتی 1/5/2017 ئێکەمین پارتا سیاسیا ئێزدی بناڤێ حزبا ئازادی و دیموکراسی ھاتە دامەزراندن.
- رێکەفتی 19/5/2017 سەرکردە و پێشمەرگە و رێکخەرێ گشتیێ تڤگەرا گۆڕان نەوشێروان موستەفا ل سلێمانیێ چوبەر دلوڤانیا خودێ و ھەر سێمانیێ ژی ھاتە ڤەشارتن ، و رێکەفتی 25/7/2017 عومەرێ سەید عەلی ل جھێ وی پوستێ رێکخەرێ گشتیێ گۆڕانێ وەرگرت.
- رێکەفتی 31/5/2017 عەزیز محەمەد سکرتێرێ بەرێ یێ حزبا شیوعی یا عیراقێ ھەولێر وەغەرکر.
- رێکەفتی 15/9/2017 پەرلەمانێ کوردستانێ پشتی دوو سالان ژ کارئێخستنێ ، ئێکەمین رونشتنا خوە ئەنجام دا و بریارا جڤاتا بلند یا ریفراندۆمێ پەسەندکر و کو رێکەفتی 25/9/2017 ریفراندۆم بھێتە ئەنجامدان.
- ل رێکەفتی25/9/2017 گەلێ کوردستانێ ب رێبەریا مەسعود بارزانی ریفراندۆم ئەنجامدا و ب رێژا 93% دەنگ ب بەلێ دا ، و پشتی بورینا ھەیڤەکێ حکومەتا ھەرێما کوردستانێ ژ بەر گڤاشتنێن نیڤدەولەتی و وەلاتێن ھەڤسوو بریاردا ئەنجامێن ریفراندۆمێ سر بکەت.
- ل رێکەفتی29/9/2017 ب بریارا بەغدا گەشتێن مەدەنی ل فروکخانێن ھەولێر و سلێمانی ھاتنە راگرتن.
- ل رێکەفتی3/10/2017 سکرتێرێ گشتیێ ئێکەتیا نیشتمانیا کوردستانێ مام جەلا تالەبانی ئەلمانیا وەغەکر و سلێمانیێ ھاتە ڤەشارتن.
- ل رێکەفتی 28/10/2017 سەروک مەسعود بارزانی ب رێیا نامەیەکێ کو ئاراستەیێ پەرلەمانێ کوردستانێ کر بوو ، دەستھەلاتێن سەروکێ ھەرێمێ سەر حکومەت و پەرلەمان و جڤاتا دادوەریێ دابەشکرن و رەتکر کو رێکەفتی 1/11/2017 وێڤە ئەو وەکو سەروکێ ھەرێمێ بمینیت و قانون بو وی بھێتە راستڤەکرن.
- ل رێکەفتی12/11/2017 بیڤەلەرزەکا بھێز چەند دەڤەرێن ھەرێما کوردستانێ ھژاندن ب تایبەتی دەربەندیخان کو نێزیکێ ھەشت کەسان گیانێ خوە ژ دەست دا و 200 کەس ژی برینداربوون و زیانێن زور یێن ماددی بەر خانو و وەلاتیان کەفتن.
- ل رێکەفتی15/11/2017 بریارا سەپاندنا سەربازی ژلایێ عیراقێ ب سەر ھەرێما کوردستانێ ھاتە سەپاندن و ل 16 ھەمان ھەیڤ ژی کەرکوک ب خیانەتا گروپەکێ ناڤا حزبەکا کوردستانێ کەفتە دەست حەشد شەعبی و کاڤکاری و وێرانکاری و کوشتنەکا زور ھاتە ئەنجامدان و زێدەتر ژ 180 ھزار کەس ژی ئاوارەیێ ھەولێر و سلێمانی بوون.
