ئێكه‌تيا مامۆستايان به‌حسێ ليستا مووچين مامۆستايان دكه‌ت
ئه‌ڤرۆنيوز:
سه‌رۆكێ ئێكه‌تيا مامۆستايێن كوردستانێ راگه‌هاند، ليستا مووچێن مامۆستايان يا هاتيه ئاماده‌كرن ودێ هيته هنارتن بۆ به‌غدا كو ليستا مووچێ هه‌يڤا كانوونا دويێ 2018 يه ودبێژيت” هيڤيدارين به‌غدا يا جدى بيت دهنارتنا مووچان دا وياريه‌كا سياسى نه‌بيت”.
ئه‌حمه‌د گه‌رميانى، سه‌رۆكێ ئێكه‌تيا مامۆستايێن كوردستانێ گۆت” وه‌زاره‌تا په‌روه‌ردێ ليستا فه‌رمانبه‌ر ومامۆستايان يا ئاماده‌كرى وبرياره بۆ حوكمه‌تا عيراقێ ب هنێريت، به‌لێ هيڤيدارين حوكمه‌تا عيراقێ يا جدى بيت وياريه‌كا سياسى نه‌بيت ل گه‌ل هه‌رێما كوردستانێ بكه‌ت، ژبه‌ركو هه‌كه راستى نه‌بيت، وى ده‌مى دێ گران ل سه‌ر وان راوه‌ستيت”.
گه‌رميانى زێده‌تر بۆ مالپه‌رێ فه‌رمى يێ پارتى گۆت” ليستا مووچه‌ى يا هه‌يڤا كانوونا دويێ 2018 يه وبێ پاشكه‌فتن يا هاتيه ئاماده‌كرن، هه‌كه به‌غدا يا جدى بيت، پێدڤيه مووچێ وێ هه‌يڤێ ب هنێريت”.
دياركر ژى” حوكمه‌تا هه‌رێما كوردستانێ هه‌موو كارێن ته‌كنيكى يێن تمام كرين وژنوكه وپێڤه بجهئينانا وێ بريارێ دكه‌ڤيته سه‌ر حوكمه‌تا عيراقێ”.
