عيراق دێ ده‌ست ب هنارتنا په‌ترۆلا كه‌ركووكێ بۆ ئيرانێ كه‌ت
ئه‌ڤرۆنيوز:
وه‌زيرێ په‌ترۆلا عيراقێ ئه‌ڤرۆ ئێكشه‌مبى 7/1/2018 ئاشكراكر كو عيراق دێ ده‌ست ب هنارتنا بيرێن په‌ترۆلێ يێن باكوورێ كه‌ركووكێ بۆ ئيرانێ به‌رى دووماهيا ڤي هه‌يڤێ كه‌ت.
جه‌بار لعێبى وه‌زيرێ په‌ترۆلا عيراقێ بۆ ئاژانسا رويته‌رز گۆت” 30 هزار به‌رميلێن په‌ترۆلا خام رۆژانه ب رێيا بارهه‌لگران دێ هێنه هنارتن بۆ پالاوگه‌ها كه‌رماشان يا ئيرانى”.
به‌رى نوكه وه‌زيرێ په‌ترۆلا عيراقى راگه‌هاندبوو، عيراقێ رێككه‌فتنه‌ك ل گه‌ل ئيرانێ ئيمزاكريه بۆ هنارتنا په‌ترۆلا خام ژ بيرێن په‌ترۆلێ ل كه‌ركووكێ ب رێژا 30 هه‌تا 60 هزار به‌رميلان درۆژێ دا.
