17 رۆژه به‌غدا 450 مليار دينار داناينه دهژمارا به‌نكى يا حوكمه‌تا هه‌رێمێ دا
ئه‌ڤرۆنيوز:
وه‌زاره‌تا دارايى يا عيراقى به‌رى 17 رۆژان كوژمێ 450 مليار دينار كرينه د وێ هژمارا به‌نكى دا ئه‌وا بۆ حوكمه‌تا هه‌رێما كوردستانێ ل به‌نكا ناڤه‌دى يا عيراقى ل به‌غدا ڤه‌كرى.
ل دووڤ نڤيسارا به‌نكا ناڤه‌ندى يا عيراقى يا هژمار 115 ل 7/1/2018 كو ئاراسته‌ى نڤيسينگه‌ها وه‌زيرێ دارايێ عيراقێ هاتيه كرن ودانه‌يه‌ك ژێ بۆ وه‌زاره‌تا دارايى يا هه‌رێما كوردستانێ هاتيه هنارتن، هژماره‌كا به‌نكى بۆ حوكمه‌تا هه‌رێما كوردستانێ ل به‌نكا ناڤه‌ندى هاته ڤه‌كرن.
به‌نكا ناڤه‌ندى يا عيراقى دوێ نڤيسارا خوه دا ئاماژى دده‌ت كو ل رۆژا 3/1/2018، وه‌زاره‌تا دارايى يا عيراقى كوژمێ 450 مليار دينار داناينه دوێ هژمارا به‌نكى دا ودبێژيت ” تنێ سه‌رۆك وه‌زيرێن عيراقێ مافێ لڤاندنا وى كوژمێ پاره‌ى يێ هه‌ى”.
