پێشمه‌رگه بۆ وه‌رگرتنا خه‌لاتێ نوبل يێ ئاشتيێ هاته به‌ربژاركرن
ئه‌ڤرۆنيوز:
هێزێن پێشمه‌رگه‌ى هاتن به‌ربژاركرن بۆ وه‌رگرتنا خه‌لاتێ نوبل يێ جيهانى يێ ئاشتيێ ژبه‌ر به‌رهنگاريا وان بۆ تيرۆرستێن داعشێ.
ل دووڤ هنده‌ك راپۆرتين جيهانى، ئه‌ڤرۆ چارشه‌مبى 31/1/2018، دووماهى ژڤانێ پێشكێشكرنا ناڤێن به‌ربژار بۆ وه‌رگرتنا وى خه‌لاتى بوو، وهه‌ر ئه‌ڤرۆ په‌رله‌مانتارێ نه‌رويجى (هيمانشۆ كۆلات) ناڤێ پێشمه‌رگه‌ى پێشكێشكر دا بچيته دناڤ به‌ربژارێن وى خه‌لاتێ جيهانيێ ناڤدار دا.
ده‌زگه‌هێن راگه‌هاندنێ ل نه‌رويج ژ زارده‌ڤێ كۆلاتى به‌لاڤكرن” هه‌كه قوربانيێن پێشمه‌رگه‌ى ل سه‌نگه‌رێن شه‌رى نه‌بان، نوكه داعش دا مه‌زنتر و ب هيزتر بيت”.
گۆت ژى” پێشمه‌رگه هه‌ژى وه‌رگرتنا ڤى خه‌لاتى يه وبه‌ربژاركرنا وى بۆ خه‌لاتى رێزگرتنه‌كه بۆ وان وئه‌و قوربانيێن پێشكێشكرين دشه‌رێ دژى وێ رێكستيا تيرۆرستى”.
