ب ڤیدیۆ.. رۆژنامه‌ڤانه‌كێ كورد ل ئه‌لمانیا یلدرم ئێخسته ره‌وشه‌كا نه‌خۆش دا
ئه‌ڤرۆ نیوز:
بینالی یلدرم، سه‌رۆكوه‌زیرێن توركیا ئه‌ڤرۆ د گه‌ل ئه‌نگێلا مێركل، شیره‌تكارا ئه‌لمانیا دا ل به‌رلین پرێسكۆنفرانسه‌ك ساز كر، لێ یلدرم پێشبینی نه‌دكر كو رۆژنامه‌ڤانه‌ك وی بئێخته ره‌وشه‌كا نه‌خۆش دا.
رۆژنامه‌ڤانه‌كێ كورد ل پرێسكۆنفرانسی ئاماده‌بوو و وێنه‌یێن سڤیلێن ژبه‌ر هێرشا توركیا ل عه‌فرینێ گیانێ خوه ژده‌ست دای ئینانه ده‌ر و نیشانى یلدرم و مێركل و ئاماده‌بوویان دا، وه‌ك د ده‌ربرینێن وى دا دیاربووی یلدرم ژ وێ ره‌وشێ تۆره بوو و گۆت: ئه‌و وێنه یێن هنده‌ك جهێن دی نه، پرۆپاگنده‌یان ل ڤێره نه‌كه.”
رۆژنامه‌ڤان ئارمانج عه‌گید نێروه‌ى، كورێ باژێرێ دهۆكێ يه و نوكه په‌يامنێرێ باس نيوسه ل ئوروپا، ژ شیره‌تكارا ئه‌لمانیا پرسی بۆچى ئه‌و چه‌كى ب توركیا دفرۆشن د ده‌مه‌كی دا توركیا سڤیلان ل عه‌فرینێ دكوژیت.
