رۆژنامه‌كا سعودى:داعشێ پيلانه‌كا داگيركرنا باژێره‌كێ كوردستانێ يا هه‌ى
ئه‌ڤرۆنيوز:
رۆژنامه‌كا سعودى به‌لاڤكر كو ژئه‌گه‌رێ ئالۆزيان ونه‌بوونا سه‌قامگيريێ، رێكخراوا داعش يا تيرۆرستى پيلانا داگيركرنا باژێره‌كێ كوردستانێ دادرێژيت.
دراپۆرته‌كا خوه‌دا كو ئه‌ڤرۆ ئێكشه‌مبى 18/2/2018 به‌لاڤبووى، رۆژناما عوكاز يا سعودى ژزارده‌ڤێ چه‌ند به‌رپرسێن ئه‌منى يێن عيراقى، پيلانا داعشێ ئاشكرا كر وبه‌لاڤ دكه‌ت كو داعشێ پيلان يا داناى باژێرێ كه‌ركووكێ داگير بكه‌ت.
رۆژناما سعودى دياركر ژى كو ژئه‌گه‌رێ روودانێن ڤێ دووماهيێ ئه‌وێن ل كه‌ركووكێ رووداين، نوكه ره‌وشا وى باژێرى ب تمامى يا تێكچووى، له‌شكرێ عيراقێ وهێزێن ئه‌منى نه‌شێن ئێمناهيا كه‌ركووكێ بپارێزن، له‌وما داعشێ دڤێت وێ ده‌ليڤێ بده‌تڤه بينن وب رێيا شانێن خوه يێن نڤستى ده‌ست ب سه‌ر كه‌ركووكێ دا بگرن وژوێرێ خوه بگه‌هيننه باژێرێ مووسلێ ودووباره داگير بكه‌ن.
