ئێكه‌مين قوتابخانه بۆ بكارئينانا گوهدرێژان هاته ڤه‌كرن
ئه‌ڤرۆنيوز:
ئێكه‌مين قوتابخانا نيشتمانى بۆ بكارئينانا گوهدرێژان ل باشوورێ فه‌ره‌نسا هاته ڤه‌كرن كو قوتابى ژهه‌موو ده‌ڤه‌رێن فه‌ره‌نسا دهێنه وێ قوتابخانێ.
راديۆيا (مونت كارلو) يا نێڤده‌لوه‌تى به‌لاڤكر” ئه‌و قوتابخانه قوتابيێن خوه ل سه‌ر رێيێن بكارئينانا گوهدرێژان دكارێن تايبه‌ت ل زه‌ڤيێن به‌رهه‌مئينانا چاندنێ مه‌شق دده‌ت “.
به‌لاڤكر ژى كو لافيته‌ك ل گۆندێ (فيلنوف سور لوت) ل باشوورێ فه‌ره‌نسا هاتيه هه‌لاويستن ول سه‌ر هاتيه نڤيسين ( ئه‌ڤه قوتابخانا نيشتمانى يا گوهدرێژايه يا تايبه‌ته ب چاندنا زه‌ڤيان)”.
كه‌سێن دهێنه وێ قوتابخانێ ژى ژ هه‌موو ده‌ڤه‌رێن فه‌ره‌نسا، بۆ ده‌مێ سێ رۆژان دهێنه مه‌شقدان ل سه‌ر رێيێن بكارئينانا گوهدرێژان دگه‌له‌ك كارێن چاندنێ دا وه‌كو كێلانا وان زه‌ڤيان ب رێيا ئاميرێن دهێنه كێشان ب ژئاليێ گوه درێژان ڤه، يان ژى ڤه‌گۆهاستنا به‌رهه‌مێن چاندنێ بۆ عومباران.
