بڕيارا دادگه‌هكرنا بايده‌مير هاته هه‌لوه‌شاندن
ئه‌ڤرۆ نيوز:
دادگه‌ها باژێرێ غازى عه‌نتاب بڕيارا هه‌لوه‌شاندنا سزايێ عوسمان بايده‌مير، په‌رله‌مانتارێ پارتيا ديموكراتا گه‌لان (هه‌ده‌په) كو ل سالا 2012ێ ئاراسته‌ى وى هاتبوو كرن.
بايده‌مير وى ده‌مى سه‌رۆكێ باژێرڤانيا مه‌زنا ديار به‌كر بوو بۆ ب تۆمه‌تا “سڤكاتيكرن” ب كارمه‌ندێن پۆليسێن به‌رده‌رگه‌هێ ئاڤاهيێ دياربه‌كر، دادگه‌ها دياربه‌كر سزايێ ساله‌ك و پێنج هه‌يڤان و پازده رۆژان ب سه‌ردا سه‌پاندبوو.
هه‌ر ئێك ژ ره‌يحان يالچنداغ و سه‌ردار چه‌له‌بى پارێزه‌رێن بايده‌مير بڕيارا دادگه‌ها باژێرێ دياربه‌كر ب “بنپێكرنا قانوون و رێكارێن قانوونى” ل قه‌له‌م دا و داخواز پێشكێشى دادگه‌هێ كريه بۆ پێداچوون د بڕيارێ دا ب ژناڤبرنا سزايى.
پشتى پێداچوون بۆ داخوازيا پارێزه‌رێن بايده‌مير، دادگه‌هێ بڕيارا هه‌لوه‌شاندنا بڕيارا زيندانيكرنێ دا و هه‌رديسا بڕيارا دووباره دادگه‌هكرنێ بكه‌نه‌ڤه بۆ بڕيار دان ده‌رباره‌ى وێ تۆمه‌تا كو ئاراسته‌ى وى هاتيه كرن.
