جڤاتا پارێزگەھا کەکووکێ دو سکالا ل سەر عەبادی تۆمار کرن
ئەڤرۆ نيوز:
ئەندامێ جڤاتا پارێزگەھا کەرکووکێ یێ سەر بلیستا برایەتی ڤە راگەھاند، ب ئەگەرێ پێشێلکرنا دستووری و تێکدانا رەوشا ئێمناھیا کەرکووک، ل دادگەھا سزادانا عیراقێ و دادگەھا فیدرال دو سکالا ل سەر سەرۆک وەزیرێن عیراقێ ھاتینە تۆمار کرن.
ل 16 ئوکتۆبەرێ ھێزێن عیراقێ و حەشدا شەعبی ب فەرمانا سەرۆک وەزیرێن عیراقێ حەیدەر عەبادی و پشتەڤانیا وەلاتێ ئیرانێ و حزبوللایا لوبنانی و تاقمەکا خوەفرۆشا ئێکەتیێ ھێرشکرنە سەر کەرکووکێ و داگیرکرن، لەورا پشتی روودانا خیانەتکاری یا 16 ئۆکتۆبەرێ ھەتا نوکە بەردەوام خەلک دھێتە تیرۆرکرن و کوشتن و رەڤاندن یا بەردەوامە، زێدەباری دزی و تالانکرنێ و رەوشا ئێمناھیێ ب تەمامی ھاتیە تێکدان.
دلشاد بیرۆت راگەھاند، رەوشا کەرکووک گەلەک یا خرابە و ئەڤە بتنێ ئەم نینە، بەحسێ خرابیا رەوشا کەرکووکێ دکەین، پارێزگەھێ کەرکووکێ یێ بوەکالەت و بەرپرسێن دیتر ژی ھەمان بوچوون و ھزر ھەیە و بەردەوام داخویانیان ل دۆر تێکچوونا رەۆشا ئێمناھیا کەرکووکێ ددەن.
ئەندامێ جڤاتا پارێزگەھا ناڤبری دبێژیت، مە بەری نوکە بۆ ڤەگەراندنا رەوشا کەرکووکێ بەری روودانێن 16 ئۆکتۆبەرێ داخوایەکا چار خالی پێشکێشی سەرۆک وەزیرێن عیراقێ کربوو، بەلێ بەسڤا مە نەدایە، لەورا ئەم ژی بڤێ ئەگەرێ ل دادگەھا سزایاێن عیراقێ و دادگەھا فیدرال سکالا مە تۆمار کرینە، چونکی دستوور پێشێل کریە زیان گەھاندیە خەلکێ دەڤەرێ.
