سه‌فين دزه‌يى:پێشنياره‌كا باش بۆ ده‌ستكاريێ د رێژا پاشكه‌فتكرنا مووچه‌ى دا يا هه‌ى
ئه‌ڤرۆنيوز:
په‌يڤدارێ حوكمه‌تا هه‌رێما كوردستانێ رادگه‌هينيت، هه‌ر برياره‌ك ل دۆر پاشكه‌فتكرنا مووچه‌ى بهێته دا، ب پشتراستى ڤه دێ دبه‌رژه‌وه‌نديا مووچه‌خۆران دا بيت.
پشتى هنده‌ك ده‌زگه‌هێن راگه‌هاندنێ به‌حسێ وێ چه‌ندێ كرى كو مووچێن فه‌رمانبه‌رێن مه‌ده‌نى دێ ب رێژا 15% هه‌تا 18% هێنه پاشكه‌فتكرن وكارمه‌ندێن له‌شكرى ب برێژا 18% هه‌تا 20% هێنه پاشكه‌فتكرن، سه‌فين دزه‌يى په‌يڤدارێ حوكمه‌تا هه‌رێما كوردستانێ ل دۆر وێ چه‌ندێ گۆت” سوباهى چارشه‌مبى 28/3/2018 كۆمبوونا جڤاتا وه‌زيران دێ هێته ئه‌نجامدان ودووماهى بريار دێ هێته دان، ئه‌وا دى هه‌موو ئاخڤتنن وگوهێ خوه نه‌ده‌نه هنده‌ك ئاخڤتنێن كو هنده‌ك ده‌زگه‌هێن راگه‌هاندنێ دروست دكه‌ن”.
دزه‌يى بۆ باسنيوزگۆت ژى” ئه‌و چه‌ندا ب فه‌رمى دشێم بێژم ئه‌وه كو ئه‌ڤرۆ سپێدێ هه‌تا نوكه ئه‌م دكۆمبوونێ دابووين وچه‌ندين هزر وپرۆژه هاتن به‌حسكرن، هه‌روه‌سا ل دۆر ده‌ستكاريا رێژا پاشكه‌فتكرنا مووچه‌ى پێشنياره‌كا باش يا هه‌ى ودكۆمبوونا سوباهى دا دێ هێته به‌رده‌م جڤاتا وه‌زيران”.
دياركر” ب پشتراستى ڤه هه‌ر ده‌ستكاريه‌ك بهێته كرن، دێ دبه‌رژه‌وه‌نديا مووچه‌خه‌ران دابيت، هه‌روه‌سا ل سه‌ر بنه‌مايێ وى داهاتيێ كو ل به‌ر ده‌ستێ دارايى دا هه‌ى، دێ گورانكارى هێته كرن”.
