په‌روه‌ردا سلێمانيێ و هه‌له‌بچه پێگريێ ب بهێنڤه‌دانا سوبه‌هى ناكه‌ن
نوش نيوز:
رێڤه‌به‌ريا گشتى يا په‌روه‌ردا پارێزگه‌ها سلێمانيێ راگه‌هاند كو سوبه‌هى ل هه‌موو قوتابخانێن سه‌ر ب پارێزگه‌ها سلێمانيێ ڤه دێ ده‌واما فه‌رمى بيت.
مه‌ريوان عۆمه‌ر، ئاخفتنكه‌رێ ب ناڤێ رێڤه‌به‌ريا گشتى يا په‌روه‌ردا پارێزگه‌ها سلێمانيێ راگه‌هاند كو ژ بوو قه‌ره‌بووكرنا خواندنێ، ل هه‌موو قوتابخانێن هه‌رێما كوردستانێ دێ ده‌واما فه‌رمى بيت.
پێشتر سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاندبوو كو سوبه‌هى رۆژا دوشه‌مبى رێكه‌فتى 9ى نيسانێ ب هه‌لكه‌فتا رۆژا ئازاديا عيراقێ بهێنڤه‌دانا فه‌رمى يه ل سه‌رانسه‌رى هه‌رێما كوردستانێ.
هه‌ڤده‌م سۆران عۆمه‌ر رێڤه‌به‌رێ گشتى يێ په‌روه‌ردا پارێزگه‌ها هه‌له‌بچه ژى راگه‌هاند كو ل پارێزگه‌ها هه‌له‌بچه ل ناڤه‌ندێن خواندنێ دێ ده‌واما فه‌رمى بيت.