ئیدارا شەرعی یا سنۆنێ بەرھەڤیێن ئاڤاکرن و نووژەنکرنا 500 خانیان دکەت
ئه‌ڤرۆ نيوز:
رێڤەبەرێ شەرعیێ ناحیا سنۆنێ دیارکر کو پرۆژی ئاڤاکرن و نووژەنکرنا 500 خانیان ل ناحیا سنۆنێ ھاتیە دانان ژ لایێ ھندەک رێکخراوان، بەلێ ژ بەر ئیدارا نەیا شەرعی یا حەشدا شەعبی نوکە دەست ب پرۆژەی نەھێتە کرن.
نایف سەیدۆ، رێڤەبەرێ ناحیا سنۆنێ بۆ ئەڤرۆ دیارکر کو پرۆژی ئاڤاکرن و نووژەنکرنا 500 خانیان ل ناحیا سنۆنێ ھاتیە دانان ھەر دەمێ ئیدارا شەرعی یا سنۆنێ زڤریە دەوامێ ل ناحیا سنۆنێ دێ دەست ب پرۆژێ ئاڤاکرن و نووژەنکرنا 500 خانیان ھێتە کرن بۆ وان خێزانێن خانیێن وان ھاتینە سۆتن و پەقاندن ل سەر دەستێن تیرۆرستێن داعش، ھەتا نوکە حوکمەتا عیراقی رێ خوەشکەر نینە ژ بەر دانانا ئیدارا نەیا شەرعی ل سنۆنێ دەست ب ئاڤادانیا دەڤەرێ بھێتە کرن و گەلەک پرۆژێن خزمەتگوزاری ھاتینە راوەستاندن.
رێڤەبەرێ ناحیا سنۆنێ ئاشکرا کر کو دوھی ژی ھژمارەکا رێکخراوێن خێرخوازی بەرھەڤیا خوە نیشان دایە ل گەل ئیدارا شەرعی یا سنۆنێ زڤرینە دەڤەرێ و دەست ب پرۆژان بکەن ب تایبەتی ژی پرۆژێن ئاڤەدانکرنێ و ئاڤێ و ساخلەمیێ.
