پێنج مليۆن دينار سزايێ سه‌رپێچيا هه‌لبژارتنايه
ئه‌ڤرۆنيوز:
كۆمسيۆنا بلند يا هه‌لبژارتنان راگه‌هاند، سزايێ بن پێكرنا بانگه‌شا هه‌لبژارتنان، كوژمێ پێنج مليۆن دينارايه كو ئه‌ڤ كوژمه ژى ژئاليێ كۆمسيۆنێ ڤه هاتيه دياركرن.
مازن عه‌بدولقادر، سه‌رۆكێ ئۆفيسا هه‌رێما كوردستانێ يا كۆمسيۆنا بلند يا هه‌لبژارتنان ل عيراقێ گۆت” لژنێن چاڤدێريا هه‌لبژارتنان وه‌كو پارێزگه‌هێن دى يێن عيراقێ رۆژا 15/4/2018 ده‌ست ب چاڤدێرى ودياركرنا بن پێكريێن بانگه‌شا هه‌لبژارتنا وان ليست وقه‌وارێن پشكدار دهه‌لبژارتنێن جڤاتا نوونه‌رێن عيراقێ دا دكه‌ن”.
مازنى دداخۆيانيه‌كا رۆژنامه‌ڤانى دا گۆت ژى”هه‌ر به‌ربژار وئاليه‌ك بن پێكرنه‌كێ دبانگه‌شا هه‌لبژارتنان دا ئه‌نجام بده‌ت، دێ ب كۆژمێ پێنج مليۆن ديناران هێته سزادان”.
دياركر” لژنێن چاڤدێريێ دێ ده‌ست بكاربن بۆ بلندكرنا ناڤێ سه‌رپێچكارێن هه‌وا بانگه‌شا هه‌لبژارتنان، بۆ ئۆفيس وتايێن جڤاتا كۆمسياران يێ ب سه‌ر كۆمسيۆنێ ڤه”.
خوياكر ژى” 503 به‌ربژار ژ 23 ئالى وقه‌وارێن سياسى هه‌ڤركيێ ل سه‌ر 46 كورسيێن هه‌رێما كوردستانێ بۆ وه‌رگرتنا 46 كورسيان ل جڤاتا نوونه‌رێن عيراقێ”.
هه‌لبژارتنێن جڤاتا نوونه‌رێن عيراقێ ل 12/5/2018 دێ هێنه ئه‌نجامدان كو تێدا زێده‌تر ژ حه‌فت هزار به‌ربژار ل سه‌رانسه‌رى عيراقێ هه‌ڤركيێ ل سه‌ر بده‌ستڤه‌ئينانا 329 كورسيێن جڤاتا نوونه‌ران دكه‌ن.
