ب وێنە: وەلاتیەکى رۆبوتەک بۆ پێشمەرگەيی درۆستکر
ئەڤرۆ نیوز، نەوزاد ھلۆری:
وەلاتیەکێ کورد کو خەلکێ قەزا چەمچەمالە بو ئێکەمین جار ل کوردستانێ رابوو ب درۆستکرنا روبوتەکا تایبەت ب پێشمەرگەیان بناڤێ (روبووتا پێشمەرگەی) و د نھادا روبوت تەمام بوو و دخوازیت لایەنێن شولەژێ مفای ژ روبووتا پێشمەرگە وەربگرن.
سەعید چیمەنی ئەو گەنجە یێ کو ئەو روبووت درۆستکری بو ئەڤرۆ نیوز گۆت: (پشتی ھەول و بزاڤەکا زور سوپاس بو خودێ ل داویێ شیام رووبووتا پێشمەرگە درۆست بکەم کو ب دوو شێوەیان کاردکەت ، ب شێوەیێ manul کو ئەو ژی ب رێکا کونترولێ یە و د کاری فرێبکەی جھێ مەبەست بو ئینانا وی تشتێ تە دڤێت ، ب شێوەیێ auto کو لسەر سیستەمێ GPS ھاتیە گرێدان و ب رێیا 12 و 14 یا سەتەلایتێ پێزانینا بو جھێ مەرەم فرێدکەت).
زێدەتر گۆت: (ئەڤ رووبووتە ب رێیا کومپیوتەرێ و لسەر نەخشێ عەردی ھاتیە گرێدان ، و دیسان ب رێیا ground station ئەم ھایدارێ لەزاتی و شەحنا روبووتێ دبین ژبەرکو ئەڤ روبووت ب رێیا سێ شەپولێن جوداجودا پەیوەندیێ ب وی کەسی دکەت کو پەیوەندی ل گەل ھەیە ب تایبەتی د فێکرنا زانیاریان دا ، و دیسان دوو کامیرایێن تایبەت ل گەل ھاتینە گرێدان ژ وانان ئێک یا تایبەتە ب روژێ و 36 ئێکسە ئانکو زوم پێڤەیە و دکاریت ب دویری وێنە بکەت و نێزیک بکەت ، کامیرا دوویێ ژی تایبەتە ب شەڤێ ، و پێشمەرگە دکارن ل دەما پێشرەویان ئەڤێ روبووتێ بکاربینن ژبەرکو دشیاندایە ھەتا دوو کیلومەتران بو جھێ شەری و پێش پێشرەویان بچیت).
ناڤبری ل سالا 1981 ل چەمچەمال ژ دایکبوویە و فەرمانبەرە و نێزیکێ 10 سالایە وەکو داھێنانکارن ل کوردستانێ کاردکەت و ھەتا نھا چەندین داھێنان ئەنجامداینە و ل دوماھیێ گۆت: (دخوازم لایەنێن شولەژێ بشێن مفا ژ ئەڤێ روبووتێ وەربگرن داکو گیانێ پێشمەرگەیان سلامەت بیت و ئەو ژی بشێن ئارمانجێن خوە ب ساناھیتر دەستخوڤە بینن).