ئەڤ مفایە د خوارنا ماستی و خیاری دا هه‌نە
ئەڤرۆ نیوز ، زنار تۆڤی :
نۆشداران ئه‌و چەندە سه‌لماندیه كو ماست و خیار ب ئێك ژ باشترین خوارنان دهێتە دانان بۆ جه‌سته‌یێ مرۆڤی، ئه‌ڤە ژی ژبەر وێ چەندێ کو ڤی پێكهاتی چه‌ندین مفایێن گرنگ هه‌نه بۆ ساخلەمیا مرۆڤی و پاراستنا جه‌سته‌ی ژ نه‌خۆشیان.
لدووڤ نووچەکێ کو ل مالپه‌رێ “drweil” دا بەلاڤ بوویه،بەحسێ مفایێن خوارنا خیار و ماست دکەت پێکڤە و دبێژیت،لدووڤ نووترین ڤەکۆلینێ كو ژ لایێ نوشدار و پسپۆرێن وارێ خوارنێ هاتیە ئه‌نجام دان،بۆ وان ده‌ركه‌فتیه كو خوارنا خیار و ماستی چه‌ندین مفا هه‌نه بۆ جه‌سته‌ی و مرۆڤ دپارێزن ژ نه‌خۆشیێن مه‌ترسیدار، لەوما نۆشدار ئامۆژگاریان ل مە دكهن بۆ خوارنا ڤی پێكهاته‌ی چونكی ئه‌ڤ مفایە تێدا هه‌نه بۆ جه‌سته‌ی:
.كۆئه‌ندامێ هه‌رسکرنێ دپارێزیت و هاریکاریا وی دکەت د كێمكرنا كێشێدا: خیار و ماست ب ئێک ژ باشترین پێكهاتێن تێكهەلکری دهێتە دانان، چونكی ده‌وله‌مه‌ندن ب چه‌ندین ڤیتامین و كانزایێن جۆراوجۆر كو جه‌ستەی ژ ژه‌هرێ پاقژ دكهن و كۆئه‌ندامێ هه‌رسێ دپارێزن، هه‌روه‌سا ئه‌ڤ پێكهاته‌یه گەلەک یێ گرنگه بۆ ژناڤبرنا چه‌وریێ و كالۆری، هه‌روه‌سا هاریکاریێ دکەت بۆ دابه‌زاندنا كێشا جه‌سته‌ی.
. سیسته‌مێ به‌رگریا جه‌سته‌ی ب هێز دکەت:مفایەکێ دیتر ژ خوارنا خیار و ماستی ئه‌وه،کو سیسته‌مێ به‌رگریا جه‌سته‌ی ب هێز دکەت و مرۆڤی ژ گەلەک نه‌خۆشیێن مه‌ترسیدار دپارێزیت، ئه‌ڤەژی ب ئەگەرێ هەبوونا برەکا زۆر ژ مادێ دژی ئۆكسانێ و ڤیتامین E د پێكهاتێ وێدا.
