ده‌ميرتاش داخوازيت په‌كه‌كه چه‌كى بدانن
ئه‌ڤرۆ نيوز، فاتما مزوورى:
سه‌لاحه‌دين ده‌ميرتاش، به‌ربژارێ سه‌رۆكاتيا توركيا ل سه‌ر ليستا هه‌ده‌پێ، داخوازێ ژ په‌كه‌كێ دكه‌ت كو چه‌كێ خوه دانن.
سه‌لاحه‌دين ده‌ميرتاش د به‌رسڤا پرسێن تله‌ڤزيۆنه‌كا توركيا دا گۆت: “چو په‌يوه‌نديا من و هه‌ده‌پێ ب په‌كه‌كێ ڤه نينه”.
زێده‌تر گۆت: “دخوازين پرسا كوردى ب رێيا رێبازێن ئاشتيانه بێته چاره‌كرن و ژبۆ ڤێ يه‌كێ ژى دڤێت په‌كه‌كه چه‌كى ل دژى توركيا بدانيت”.
ئاماژه ب وێ چه‌ندێ ژى كر كو د به‌رامبه‌ر دا، دڤێت حوكمه‌تا توركيا ژى شه‌رێ په‌كه‌كێ نه‌كه‌ن و ب رێيا په‌رله‌مانى دشێن ل گه‌ل په‌كه‌كێ ب ئاوايه‌كێ دلسۆز و نه‌رم و راستگۆيانه دانوستاندنێ بكه‌ن و رێيه چاره‌يه‌كێ ببينن.