مه‌زنترین حه‌وزا ماسیێن ده‌ست كرد ل فه‌ره‌نسا هاته ڤه‌كرن
ئه‌ڤرۆ نيوز، فاتما مزوورى:
مه‌زنترین حه‌وزێن ماسیێن ده‌ست كرد ل فه‌ره‌نسا هات ڤه‌كرن. پسپۆرێن وی وه‌لاتی پشتی به‌رفرھ كرنا حه‌وزا ده‌ستكرد یا ماسی یان ل باژێری بۆلۆوین _سوور_مر ل باكورێ فرانسایێ ل نێزی به‌نده‌رێ كاله ب پاناتی یا 10 هزار مێتران هات به‌رفره‌ھ كرن، كو بڤی ره‌نگی ژی بویه مه‌زنترین حه‌وزێن ده‌سكردێن ماسیان د ئاستێ جیهانێ ده.
ئه‌ڤ حوزه د كاره نێزی ده‌ھ هزار مه‌ترێن چارگۆشه یێن ئاڤێ ل خوه بگره،كوئێكسانه ب ئاڤا چار حه‌وزێن مه‌له‌ڤانیێن ئۆلۆمپیاتێ. دناڤا وێ حه‌وزا ده‌ستكرد دا ئیكۆ سیسته‌ما ژینگه‌ی یا سروشتی هاتیه چێكرن.كو شوشه‌یین وێ حه‌وزێ ب ستوراتی یا سی و هه‌شت ساتنیمه‌تر و ب پێشكه‌فتی ترین ته‌كنه‌لۆژی یا ئه‌ورۆپی هاتیه چێكرن.دناڤا هن به‌شێن وێ حه‌وزێ ده تونیلێن شوشه‌ی یێن ده‌ریایی ب درێژاهیا هه‌ژده مێتران هاتیه چێكرن، كو دیمه‌نه‌كێ بال كێش ژ بۆ گه‌شتیاران د خولقینه.
ئه‌ڤ حه‌وزه ئێكه ژ وان سه‌نته‌رین سه‌ره‌كه‌یه د بیاڤێ لیكۆلینێن زانستی و ته‌كنه‌لۆژی یێن ده‌ریایی ل ته‌ڤایا ئه‌ورۆپایی دهێته دیار كرن.ئه‌ڤ سه‌نته‌ره ب سه‌ده‌ما گرینگیا رۆلێ وێ د بیاڤێ زێده كرنا ئاستێ زانیاریێن گشتی یێن وه‌لاتیان و پالدانا وان، ژبۆ پاراستنا سرۆشتێن ده‌ریایی ل رێكخستیا یونسكۆ وه‌كه سه‌نته‌ره‌ك هه‌ری گرنگ هاتیه تۆماركرن.