دو له‌شكرێن توركيا ل سه‌ر سنورێن هه‌رێمێ هاتنه كوشتن
ئه‌ڤرۆ نيوز، فاتما مزوورى:
ل سه‌ر سنۆرێ توركيا و هه‌رێما كوردستانێ دو له‌شكرێن توركیا هاتنه كوشتن له‌شكره‌ك ژی بریندار بوو.
د ده‌ربارێ مژارێ دا سه‌رۆك ئه‌ركانێ توركیا ب داخویانیه‌كا نڤیسی ئاشكه‌را كر، گه‌ریلایێن په‌كه‌كێ ل سه‌ر سنۆرێ عیراقێ و توركیا ب مووشه‌كان هێریشى له‌شكرێن وان كرنه و د ئەنجام دا دو له‌شكرێن وان جانێ خوه ژ ده‌ست دانه و له‌شكره‌ك ژی بریندار بوویه.
به‌ری دو رۆژان ژی دیسا ل سه‌ر سنۆرێ عیراقێ سێ له‌شكرێن توركیا هاتبوونه كوشتن.
ده‌مه‌كه ئەو ژی ب بهانا بنكه و باره‌گايێن په‌كه‌كێ ل ده‌ڤه‌رێن سنۆرێ هه‌رێما كوردستانێ ده‌رباس كرينه، فرۆكێن شه‌رى یێن له‌شكرێ توركیا ژی هه‌ر ده‌مه‌كى ده‌ڤه‌رێن سنۆری یێن هه‌رێما كوردستانێ و بنارێن چیایێ قه‌ندیل بۆردۆمان دكه‌ن.