ئیران ڕێ نادەت حوکمەتا عیراقێ دروست ببیت
ئەڤرۆ نيوز:
ب باوەریا چاڤدێرەکێ سیاسی ئیران ڕێ نادەت ب سناھی حوکمەتا نوویا عیراقێ بھێتە دروستکرن، پشتی ئەو ھێزێن بەری نوکە د حوکمەتێ دا و دنێزیکی وێ بوون ھەموویان شەکەستن خوار ل ھەلبژارتنێن پەرلەمانێ عیراقێ.
عارف قوربانی بۆ رۆژناما ئەڤرۆ راگەھاند، دەر ئەنجامێن ھەلبژارتنێن پەرلەمانێ عیراقێ رەوشا سیاسی و ئەێمناھیێ ئالۆز بوویە، و پێشینیێ دەکم ئەو رەوشا سیاسی و ئێمناھیێ ل عیراقێ ئالۆزتر ببیت، جوداھی پتر دناڤبەرا ئالیێن سیاسی ل عیراقێ پەیدا بییت.
عارف قوربانی ئاماژەدا وێ چەندێ، عیراقێ پەرلەمان نەمایە و حوکمەت بویە حوکمتەکا کار برێکەر و چاڤدێری ل سەر وێ نەمایە، رەوشا خزمەتگوزاری ھەر گەلەک نزم بوویە، لەورا رەوشا عیراقێ بۆ دەمەکێ درێژ دێ بڤێ ئالۆزی بەردەوام بیت.
چاڤدێرێ سیاسی گۆت: ھەکە کورد ب ھەلویست ڤەگەرن بەغدا دێ شێن دەستکەفتێن باش بۆ کوردستانێ بدەست ڤە ئینن، چونکی ئەمریکا و ئیرانێ ھەردو ئالیان ململانیێ یە ل سەر ڤەگەریانا حزبین کوردی بۆ دەستھەلاتێ و دڤێن ژوان حزبێن نێزیکی وانا بن و ناڤمالا شیعیی بتەمامی پرت و بەلاڤ بوویە، دڤی دەمی دا ھەکە کورد ئێکبن دێ شێن یارایەکا سیاسی یا باش بکەن، ھەکە ئێک دەنگ ژی نەبن وی دەمی داخوازیێن کوردان پتر ژ ئالیێ دەستھەلاتێ ڤە دێ ھێنە پشتگۆھخستن، لەورا یا فەرە بەری کورد ڤەگەرن بەغدا کومبوونەکا ھەموو حزبان بھێنە رێکخستن و ل سەر شێوەکێ دانوستاندنان رێککەڤن.